2 كورنتۆس 13:4 - ئنجیلا پیرۆز

⁴ راستە ئەو ژ لاوازی هاتە خاچدان، لێ ئەو ب هێزا خودێ یێ زیندیە. ئەم ژی د ئێكبوونا ل گەل وی دا د لاوازین، لێ ب هێزا خودێ ئەم د سەرەدەریا خۆ دا ل گەل هەوە دێ ل گەل وی زیندی بین.

2 كورنتۆس 13:4 ပူးပေါင်းရင်းမြစ်များ

مزگینیا یوحەننای 10:18

كەس ژیانا من ژ من ناستینیت، لێ ئەز ژ نك خۆ دكەمە گۆری. من دەستهەلاتا هەی بكەمە گۆری و من دەستهەلاتا هەی جارەكا دی ب دەست خۆ ڤە بینم. ئەڤ فەرمانە من ژ بابێ خۆ یا وەرگرتی.»

كارێن هنارتیان 2:36

بلا هەمی خەلكێ ئیسرائیلێ پشتڕاست بزانن، كو عیسا ئەوێ هەوە ب خاچێ ڤە هەلاویستی، خودێ یێ كریە خودان و مەسیح ژی!»

كارێن هنارتیان 3:16

ژ ئەگەرێ باوەریێ ب ناڤێ وی، ئەڤ كەسێ هوین دبینن و دنیاسن ب هێز كەفت. ناڤێ عیسای ئەو بهێز ئێخست. باوەری ئینانێ ب وی ئەڤ ساخلەمیە ل بەر چاڤێن هەوە هەمیان دایێ.

رۆما 1:4

و ل گۆر گیانێ پیرۆزیێ، ب رابوونا وی ژ ناڤ مریان، ب هێزێ وەكو كوڕێ خودێ هاتیە دیاركرن. ئەو خودانێ مە عیسایێ مەسیحە.

رۆما 14:9

چنكو مەسیح بۆ ڤێ مەبەستێ مر و زیندی بووڤە، داكو سەروەریێ ل سەر مریان و زیندیان ژی بكەت.

رۆما 6:4

ئەڤجا ب تافیركرنێ ئەم بووینە هەڤپشكێن مرنا وی و ل گەل وی هاتینە ڤەشارتن، داكو كا چەوا مەسیح ب مەزناهیا بابی ژ ناڤ مریان هاتیە راكرن، هۆسا ئەم ژی د ژیانا نویبووی دا بژین.

1 كورنتۆس 1:25

چنكو خۆ كریارێن خودێ ژی یێن بۆ مرۆڤان وەكو بێئاقلی دهێنە دیتن، ئەو د سەر ئاقلمەندیا مرۆڤان رانە، ئەوا مرۆڤ دبینن كو لاوازیە ل نك خودێ، ئەو ژی د سەر هێزا مرۆڤان رایە.

1 كورنتۆس 15:43

دەمێ دهێتە چاندن یێ كرێتە و دەمێ دهێتە راكرن یێ ب رەونەقە. دەمێ دهێتە چاندن یێ لاوازە و دەمێ دهێتە راكرن یێ هێزدارە.

1 كورنتۆس 2:3

ل نك هەوە، ئەز یێ لاواز و د ترس و لەرزەكا مەزن دا بووم،

1 كورنتۆس 6:14

خودێ، خودان ژ ناڤ مریان راكر و دێ مە ژی ب هێزا خۆ راكەت.

2 كورنتۆس 10:10

چنكو هندەك دبێژن: «نامەیێن وی ب سەنگ و ب هێزن، لێ دەمێ ئەو ئامادە دبیت، كەسایەتیا وی یا لاوازە و ئاخفتنێن وی نە د كاریگەرن.»

2 كورنتۆس 12:10

لەوما ئەز ب لاوازیان، كرێتكرنان، نەخۆشیان، تەپەسەركرنان و تەنگاڤیان ژ پێخەمەت مەسیحی كەیفخۆش دبم، چنكو دەمێ ئەز یێ لاواز، هنگی ئەز یێ ب هێزم.

2 كورنتۆس 13:9

ئەم دلخۆش دبین، دەمێ ئەم لاواز دبین و هوین بهێز بن. ئەوا ئەم ژ خودێ دخوازین: راستڤەكرنا هەوەیە.

فیلیپی 3:10

من دڤێت مەسیحی بنیاسم و هێزا رابوونا وی ژ ناڤ مریان بزانم و پشكدارێ ئازارێن وی بم و وەكو وی لێ بهێم د مرنا وی دا،

عیبرانی 5:7

مەسیحی د رۆژێن ژیانا خۆ یا لەشكانی دا، داخواز و هیڤی ب قێڕی و رۆندكان پێشكێشی وی كرن، یێ شیان هەین كو وی ژ مرنێ رزگار بكەت و ژ بەر خودێترسیا وی، داخوازا وی هاتە قەبیلكرن.

1 پەترۆس 3:18

چنكو مەسیح ژی جارەكێ و بۆ هەروهەر ژ پێخەمەت گونەهان هاتە ئازاردان، یێ راستدار ژ پێخەمەت نەڕاستداران، دا هەوە بگەهینیتە خودێ. ئەو د لەشی دا هاتە كوشتن، لێ ژ لایێ گیانی ڤە هاتە ڤەژاندن.

1 پەترۆس 3:22

ئەوێ چوویە ئەسمانی و ل دەستێ راستێ یێ خودێیە، فریشتە و دەستهەلاتدار و هێز ملكەچێن وینە.