2 كورنتۆس 11:2 - ئنجیلا پیرۆز

² ئەز ب ئیرەییەكا خودایانە ئیرەییێ ب هەوە دبەم، چنكو من بۆ ئێك زەڵام نیشانی ب هەوە ڤەكریە، ئەو ژی مەسیحە، دا هەوە وەكو كچكەكا دەهمەنپاك پێشكێشی وی بكەم.

2 كورنتۆس 11:2 ပူးပေါင်းရင်းမြစ်များ

مزگینیا یوحەننای 3:29

بویك بۆ كێ بیت، ئەو زاڤایە. لێ هەڤالێ زاڤای، ئەوێ كو د خزمەتا زاڤای دا راوەستیایە و گو‍‌ھ ل دەنگێ وی دبیت، ب دەنگێ وی دلخۆش دبیت. ئەڤجا ئەڤ دلخۆشیە یا منە، كو ئەو نوكە تەمام بوویە.

رۆما 7:4

هۆسا هوین ژی خویشك و برایێن من، ب رێكا لەشێ مەسیحی دەربارەی دەستووری مرن، داكو هوین بۆ ئێكێ دی بن، بۆ ئەوێ ژ ناڤ مریان هاتیە راكرن، دا ئەم ژ بۆ خودێ بەرهەمی بدەین.

1 كورنتۆس 4:15

چنكو ئەگەر هەوە د باوەریا مەسیحی دا دە‍‌ھ هزار كەس ژی هەبن هەوە پەروەردە بكەن، لێ هەوە بابەك ب تنێ هەیە، ئەز ب مزگینیێ د باوەریا مەسیح عیسای دا بوومە بابێ هەوە.

2 كورنتۆس 4:14

چنكو ئەم دزانین ئەوێ خودان عیسا راكری، دێ مە ژی ل گەل عیسای راكەت و ل گەل هەوە ل پێشیا خۆ ئامادە كەت.

گالاتیا 4:11

ئەز ژ بەر هەوە دترسم كو وەستیانا من ژ پێخەمەت هەوە یا ژ قەستا بیت.

فیلیپی 1:8

خودێ شاهدێ منە كا چەند ب دلنەرمیا مەسیح عیسای، ئەز بیریا هەوە هەمیان دكەم.

كۆلۆسی 1:28

ئەم وی ددەینە نیاسین، هەر كەسەكی پێ ئاگەهدار دكەین و ب هەمی ئاقلمەندی هەر كەسەكی فێر دكەین، دا ئەم هەر كەسەكی پێگەهشتی د ئێكبوونا ل گەل مەسیحی دا پێشكێش بكەین.

1 سالونیكی 2:11

هەروەكو هوین دزانن، ئەم بۆ هەر ئێك ژ هەوە د وەسا بووین، وەكو بابەكی بۆ زاڕۆكێن خۆ،

ئاشكراكرن 14:4

ئەڤە ئەون یێن ل گەل ژنكان نەهەڕمین، وان كوڕینیا خۆ پاك پاراستیە. ئەڤە ئەون یێن بەرخ كیڤە بچیت ئەو ب دویڤ دكەڤن. ئەو ژ ناڤ مرۆڤان هاتینە كڕین، وەكو خێڤە بۆ خودێ و بەرخی.