2 كورنتۆس 10:8 - ئنجیلا پیرۆز

⁸ چنكو ئەگەر ئەز پیچەكێ زێدە شانازیێ ب وێ دەستهەلاتا مە بكەم ژی، ئەوا خودانی دایە مە بۆ ئاڤاكرنا هەوە، نە بۆ هەڕفاندنا هەوە، ئەز ب شەرم نابینم.

2 كورنتۆس 10:8 ပူးပေါင်းရင်းမြစ်များ

2 كورنتۆس 1:24

مەبەستا من نە ئەوە كو ئەم زاڵدەستیێ ل سەر باوەریا هەوە بكەین، چنكو هوین د باوەریێ دا دموكمن، لێ ئەم هەڤكارێن دلخۆشیا هەوەینە.

2 كورنتۆس 10:4

چنكو چەكێن مە یێن جەنگێ نە د لەشكانینە، لێ هێزەكا خودایی هەیە كو كەلهەیان هەلوەشینن.

2 كورنتۆس 10:9

من نەڤێت وەسا دیار ببم كو ئەز یێ هەوڵ ددەم ب نامەیێن خۆ هەوە بترسینم.

2 كورنتۆس 12:19

ما هوین هزر دكەن، ب درێژاهیا ڤێ نامەیێ، ئەم هەوڵ ددەین رویێن خۆ ل نك هەوە سپی بكەین؟ نەخێر، ل بەرامبەری خودێ ئەم ل دویڤ حەزا مەسیحی بۆ هەوە دئاخڤین، هەر تشتێ ئەم بكەین ژی، گەلی خۆشتڤیان، بۆ ئاڤاكرنا هەوەیە.

2 كورنتۆس 12:6

ئەگەر من بڤێت شانازیێ ببەم ژی، ئەز یێ بێئاقل نابم، چنكو ئەز راستیێ دبێژم. لێ ئەز خۆ ددەمە پاش دا كەس چ هزرێن باشتر بۆ من نەكەت، پتر ژ ئەو تشتێ وی ژ من دیتی یان ژ من بهیستی.

2 كورنتۆس 13:10

لەوما ئەز ڤان تشتان دنڤیسم و ئەز نە ل نك هەوە، داكو دەمێ ل نك هەوە ئامادە ببم، رەفتارەكا دژوار ل گەل هەوە نەكەم، ل دویڤ وێ دەستهەلاتا خودانی بۆ ئاڤاكرنێ دایە من، نە بۆ هەڕفاندنێ.

2 كورنتۆس 13:8

چنكو ئەم نەشێین تشتەكی ل دژی راستیێ بكەین، لێ ب تنێ دشێین خزمەتا راستیێ بكەین.

2 كورنتۆس 7:14

من شانازیا خۆ ب هەوە بۆ وی دیار كر و ئەز شەرمزار دەرنەكەفتم، لێ كا چەوا هەر تشتێ مە گۆتیە هەوە راست بوو، وەسا ئەو شانازیا مە بۆ تیتۆسی دەربارەی هەوە دیار كری، راست دەركەفت.

2 كورنتۆس 7:4

ئەز گەلەك ژ هەوە یێ پشتڕاستم و گەلەك شانازیێ ب هەوە دبەم. سەرەڕای هەمی تەنگاڤیێن مە، ئەز ژ هاندانێ یێ پڕ بوویم و ژ دلخۆشیێ د سەر دا دچم.

گالاتیا 1:1

ژ من، پاولۆس، هنارتیێ نە ژ نك مرۆڤان و نە ب دەستێ مرۆڤان، لێ ب دەستێ عیسایێ مەسیح و خودایێ باب ئەوێ ئەو ژ ناڤ مریان راكری،

2 تیمۆتاوس 1:12

ژ بەر ڤێ ئەگەرێ ژی ئەز ڤان ئازاران دكێشم. لێ شەرم پێ ناكەم، چنكو دزانم من باوەری ب كێ ئینایە و پشتڕاستم كو ئەو دشێت وی تشتی یێ بۆ من هاتیە سپاردن تا وێ رۆژێ بپارێزیت.