2 كورنتۆس 10:7 - ئنجیلا پیرۆز

⁷ هوین ل تشتێن ل بەر چاڤ دنێڕن. ئەگەر ئێك یێ پشتڕاستە كو ئەو یێ مەسیحیە، بلا ل دۆر ڤێ چەندێ جارەكا دی هزر بكەت و بزانیت، كا چەوا ئەو یێ مەسیحیە، ئەم ژی وەسا یێن مەسیحینە.

2 كورنتۆس 10:7 ပူးပေါင်းရင်းမြစ်များ

مزگینیا مەتتای 23:5

هەمی تشتێن دكەن ژ بەر هندێیە، داكو خەلك وان ببینن. ئەو نڤشتیێن خۆ پەحن دكەن و ریشالۆكێن كراسێ خۆ شۆڕ دكەن

مزگینیا لوقای 16:15

ئەوی گۆتە وان: «هوین خۆ ل بەر چاڤێن خەلكی راستدار دەردئێخن، لێ خودێ یا د دلێ هەوە دا دزانیت. ئەو تشتێ د ناڤ مرۆڤان دا یێ دلخواز بیت، ئەو ل نك خودێ یێ دلڕەشە.

مزگینیا یوحەننای 7:24

ل دویڤ دیتنا سەرڤە سەرڤە دادكرنێ نەكەن، لێ دادكرنەكا دادپەروەرانە بكەن.»

1 كورنتۆس 1:12

مەبەستا من ئەڤەیە: هەر ئێك ژ هەوە تشتەكی دبێژیت. ئێك دبێژیت: «ئەز لایەنگرێ پاولۆسیمە.» ئێكێ دی دبێژیت: «ئەز لایەنگرێ ئەپولۆسیمە،» یان «ئەز لایەنگرێ كیفاسیمە،» یان ژی «ئەز لایەنگرێ مەسیحیمە.»

1 كورنتۆس 14:37

ئەگەر ئێك هزر بكەت كو ئەو پێغەمبەرە یان ژی مرۆڤەكێ روحانیە، بلا بزانیت كو ئەو تشتێ من بۆ هەوە نڤیسی فەرمانا خودانیە.

1 كورنتۆس 15:23

لێ هەر كەس ب دۆرا خۆ: ل بەراهیێ مەسیح كو خێڤەیە، پاشی د دەمێ هاتنا وی دا، ئەوێن كو یێن وینە.

1 كورنتۆس 3:23

و هوین یێن مەسیحینە و مەسیح ژی یێ خودێیە.

1 كورنتۆس 9:1

ما ئەز نە یێ ئازادم؟ ما ئەز نە هنارتیمە؟ ما من خودانێ مە عیسا نەدیتیە؟ ما هوین نە بەرهەمێ وی كارینە یێ ئەز بۆ خودانی دكەم؟

2 كورنتۆس 10:1

ئەز، پاولۆس، ئەوێ دهێتە گۆتن كو یێ دەروونبچویكم د روی ب روی بوونا هەوە دا و یێ وێرەكم دەمێ ژ هەوە دویر، ئەز ب نەرمی و نازكیا مەسیحی داخوازێ ژ هەوە دكەم.

2 كورنتۆس 11:18

مادەم گەلەك ل دویڤ پیڤەرێن مرۆڤان شانازیێ دبەن، ئەز ژی دێ شانازیێ بەم.

2 كورنتۆس 11:23

ئەگەر ئەو خزمەتكارێن مەسیحینە، (ئەز وەكو ئێكێ دین دبێژم) ئەز ژ وان باشترم: من زێدەتر رەنجا بری، پتر یێ هاتیمە زیندانكرن، پتر لێدان ب من كەفتیە، گەلەك جاران روی ب روی مرنێ بوویمە.

2 كورنتۆس 11:4

چنكو ئەگەر ئێك بهێتە نك هەوە و عیسایەكێ دی رابگەهینیت، ژبلی وی یێ مە راگەهاندی، یان گیانەكێ دی وەرگرن، ژبلی گیانێ پیرۆز یێ هەوە وەرگرتی، یان مزگینیەكا دی قەبیل بكەن، ژبلی وێ یا هەوە قەبیل كری، هوین باش بێهنا خۆ ل وی فرە‍‌ھ دكەن!

2 كورنتۆس 12:11

من خۆ بێئاقل كر، لێ هەوە ئەز نەچار كرم. پێدڤی بوو ئەز ژ لایێ هەوە ڤە بهێمە پەسەندكرن، چنكو ئەز چ ژ ‹هنارتیێن بژارە› كێمتر نینم، هەر چەندە ئەز چ نینم.

2 كورنتۆس 13:3

مادەم هوین داخوازا بەلگەیان دكەن كو مەسیح ب دەڤێ من دئاخڤیت. ئەو د سەرەدەریێ دا ل گەل هەوە نە یێ لاوازە، لێ د ناڤ هەوە دا یێ بهێزە.

2 كورنتۆس 5:12

ئەم ژ نوی خۆ بۆ هەوە پەسەند ناكەین، لێ ئەم دەرفەتێ ددەینە هەوە كو هوین شانازیێ ب مە ببەن، دا هەوە بەرسڤەك بۆ وان هەبیت، یێن شانازیێ ب تشتێن سەرڤە دبەن، نە تشتێن د دلی دا.

گالاتیا 3:29

ئەڤجا ئەگەر هوین یێن مەسیحی بن، هۆسا هوین دویندەها ئیبراهیمینە و ل گۆر سۆزێ میراتگرن.

1 یوحەننا 4:6

ئەم ژ خودێینە. ئەوێ خودێ دنیاسیت گوهێ خۆ ددەتە مە و ئەوێ نە ژ خودێیە، گوهێ خۆ نادەتە مە. ژ بەر وێ چەندێ ئەم گیانێ راستیێ و گیانێ شاشیێ ژ ئێك جودا دكەین.