2 كورنتۆس 1:7 - ئنجیلا پیرۆز

⁷ دەربارەی هەوە هیڤیا مە یا موكمە، چنكو ئەم دزانین كا چەوا هوین پشكدارێن ئازارێن مەنە، وەسا هوین پشكدارێن هاندانا مەنە ژی.

2 كورنتۆس 1:7 ပူးပေါင်းရင်းမြစ်များ

مزگینیا مەتتای 23:30

و هوین دبێژن: ‹ئەگەر ئەم ل سەردەمێ بابكالێن خۆ ژیاباین، مە پشكداری د كوشتنا پێغەمبەران دا نەدكر.›

1 كورنتۆس 10:13

چ تاقیكرن ب سەرێ هەوە نەهاتینە، ژبلی یێن ب سەرێ هەمی مرۆڤان دهێن. خودێ یێ دلسۆزە: ئەو ناهێلیت هوین زێدەتر ژ شیانا هەوە بهێنە تاقیكرن، ئەو دێ ل گەل تاقیكرنێ دەرگەهەكێ خۆ رزگاركرنێ ژی ڤەكەت، دا هوین بشێن خۆ ل بەر بگرن.

2 كورنتۆس 12:20

ئەز دترسم دەمێ بهێم، ئەز هەوە وەسا نەبینم هەروەكو من دڤێت و هوین من وەسا نەبینن هەروەكو هەوە دڤێت. دترسم هەڤڕكی، چاڤپێنەڕابوون، تۆڕەیی، جوداخوازی، بوهتان، نەكامی، خۆمەزنكرن و تێكڤەدان د ناڤ هەوە دا هەبن.

2 كورنتۆس 7:9

نوكە ئەز یێ دلخۆشم، نە چنكو هوین خەمبار بوون، لێ چنكو خەمباریا هەوە بەرێ هەوە دا لخۆزڤڕینێ. هوین ل دویڤ حەزا خودێ خەمبار بوون و هۆسا هەوە چ زیان ژ مە نەدیت.

2 تیمۆتاوس 2:12

ئەگەر ئەم خۆ راگرین، دێ ل گەل وی پاشایەتیێ ژی كەین. ئەگەر ئەم وی ماندەل بكەین، ئەو ژی دێ مە ماندەل كەت.

2 تیمۆتاوس 3:11

تەپەسەری و ئازارێن من، ئەوێن ل ئەنتاكیا و كۆنیا و لیسترایێ ب سەرێ من هاتین، هەیە. من خۆ ل بەر چەندین تەپەسەریێن وەسا گرت! لێ خودانی ئەز ژ هەمیان رزگار كرم.

یەعقوب 1:12

خوزیكێن وی كەسی یێ د تاقیكرنێ دا خۆ رادگریت، چنكو دەمێ ئەو سەرفەراز دەردكەڤیت، دێ تانجا ژیانێ وەرگریت، ئەوا خودێ سۆزا وێ دایە حەزژێكەرێن خۆ.

ئاشكراكرن 1:9

ئەز برایێ هەوە یوحەننا مە، كو د ئێكبوونا ل گەل عیسای دا هەڤپشكێ هەوەمە د تەنگاڤی و پاشایەتی و خۆڕاگرتنێ دا. ئەز ژ بەر پەیڤا خودێ و شاهدەییدانێ بۆ عیسای، ل وێ گزیرتەیێ بووم، ئەوا دبێژنێ پاتمۆس.