2 كورنتۆس 1:12 - ئنجیلا پیرۆز

¹² شانازیا مە ئەڤەیە: وژدانا مە شاهدەییێ ددەت كو رەفتارا مە د جیهانێ دا، ب تایبەت دەربارەی هەوە، ب سادەیی و نیازپاكیەكا خودایی بوو، نە ب ئاقلمەندیەكا مرۆڤكانی، لێ ب كەرەما خودێ بوو.

2 كورنتۆس 1:12 ပူးပေါင်းရင်းမြစ်များ

كارێن هنارتیان 23:1

پاولۆسی بەرێ خۆ دا جڤاتێ و گۆت «گەلی برایان، ئەز بۆ خودێ ب وژدانەكا باش تا ڤێ رۆژێ دژیام.»

كارێن هنارتیان 24:16

ژ بەر ڤێ چەندێ ژی ئەز بزاڤێ دكەم، دا هەردەم من وژدانەكا پاقژ بەرامبەری خودێ و مرۆڤان هەبیت.

رۆما 9:1

مەسیح شاهدە كو ئەز راستیێ دبێژم و درەوان ناكەم و وژدانا من ژی ب رێیا گیانێ پیرۆز شاهدەییێ بۆ ڤێ چەندێ ددەت كو

1 كورنتۆس 1:17

چنكو مەسیحی بۆ تافیركرنێ ئەز نەهنارتم، لێ بۆ مزگینیدانێ، نە ب شارەزاییا ئاخفتنێ، دا خاچا مەسیحی ژ هێزا خۆ نەهێتە ڤاڵاكرن.

1 كورنتۆس 12:8

ئەڤجا بۆ ئێكی ب رێكا گیانی پەیاما ئاقلمەندیێ دهێتە دان و بۆ ئێكێ دی ب رێكا هەمان گیانی پەیاما زانینێ،

1 كورنتۆس 15:10

لێ ئەز چ بم، ئەز ب كەرەما خودێ ئەوم و كەرەما وی یا بۆ من هاتیە دان یا ژ قەستا نەبوو، ب راستی من ژ وان هەمیان پتر كار كر. لێ نە من كار دكر، كەرەما خودێ، ئەوا ل گەل من، كار دكر.

1 كورنتۆس 2:13

ئەم وان تشتان ژی دبێژین، نە ب پەیڤێن كو ئەم ژ ئاقلمەندیەكا مرۆڤكانی فێر بووین، لێ ب پەیڤێن كو ئەم ژ گیانێ پیرۆز فێر بووین، هۆسا ئەم تشتێن روحانی بۆ كەسێن روحانی شڕۆڤە دكەین.

1 كورنتۆس 4:4

وژدانا من یا تەنایە، لێ ئەڤ چەندە من بێگونە‍‌ھ دەرنائێخیت، چنكو دادوەرێ من خودانە.

1 كورنتۆس 5:8

ئەڤجا دا جەژنێ بكەین، نە ب هەڤیرترشێ كەڤن، هەڤیرترشێ بەدكاری و خرابیێ، لێ ب نانێ شكەڤا یێ دلپاكی و راستیێ.

2 كورنتۆس 1:17

دەمێ من ئەڤ بڕیارە دای، ما من ب سڤكی وەرگرت؟ یان ژی ئەز بڕیارێن خۆ ل دویڤ هزرا مرۆڤكانی ددەم، كو ئاخفتنا من یا شەڤ و رۆژان وەكو ئێك نەبیت، جار بێژم «بەلێ، بەلێ» و جار ژی بێژم «نە، نە»؟

2 كورنتۆس 11:3

لێ ئەز دترسم، كا چەوا ماری ب فێلبازیا خۆ حەوا خاپاند، وەسا زێهنێ هەوە ژ دلسۆزیا زەڵال و پاك یا هەوە بۆ مەسیحی هەی بهێتە خڕاندن.

2 كورنتۆس 2:17

ئەم وەكو گەلەك كەسان نینین بازرگانیێ ب پەیڤا خودێ بكەین، لێ ئەم وەكو مرۆڤێن ژ لایێ خودێ ڤە هاتینە هنارتن، ل بەرامبەری خودێ ل دویڤ حەزا مەسیحی ب نیازپاكی دئاخڤین.

2 كورنتۆس 4:2

مە كریارێن ڤەشارتی یێن ب شەرم ژی رەت كرن، ئەم فێلبازیێ ناكەین و دەستكاریێ د پەیڤا خودێ دا ناكەین. لێ ئەم راستیێ دیار دكەین و ب ڤی ئاوایی ل پێشیا خودێ بۆ وژدانا هەر مرۆڤەكی خۆ پەسەند دكەین.

2 كورنتۆس 8:8

ئەز ڤێ چەندێ وەكو فەرمان نابێژم، لێ ئەز راستیا حەزژێكرنا هەوە ب هەڤبەركرنێ ل گەل دلگەرمیا كەسێن دی تاقی دكەم.

گالاتیا 6:4

بلا هەر ئێك كارێ خۆ تاقی بكەت، وی دەمی ئەو دێ ب كارێ خۆ ب تنێ، نە ب كارێ كەسێن دی، شانازیێ بەت.

ئەفەسۆس 6:14

هۆسا خۆ راگرن، ناڤتەنگا خۆ ب راستیێ بپێچن و زریێ راستداریێ بكەنە بەر خۆ.

فیلیپی 1:10

داكو هوین یا باشترین بهەلبژێرن، ئەڤجا د رۆژا مەسیحی دا د دلپاك و بێكێماسی بن

1 سالونیكی 2:10

هوین شاهدن و خودێ ژی شاهدە، كا سەرەدەریا مە ل گەل هەوەیێن باوەردار چەند یا پاك و راست و بێ گازندە بوو.

1 تیمۆتاوس 1:5

لێ ئارمانجا ڤێ راسپاردەیێ حەزژێكرنەكا ژ دلەكێ پاك و ژ وژدانەكا باش و ژ باوەریەكا بێ دووڕویاتیە.

تیتۆس 2:7

ژ هەمی لایان ڤە تۆ بۆ وان ببە نموونەیا كریارێن باش، د فێركرنا خۆ دا یێ بێسەختە و سەنگین بە،

عیبرانی 13:18

نڤێژان بۆ مە بكەن. ئەم د پشتڕاستین كو مە وژدانەكا پاقژ یا هەی، حەز دكەین د هەمی تشتان دا رەفتارا مە یا باش بیت.

یەعقوب 4:6

لێ ئەو كەرەمەكا مەزنتر ددەت، لەوما دبێژیت: «خودێ بەرهنگاریا دفنبلندان دكەت، لێ كەرەمێ ددەتە دەروونبچویكان.»

1 پەترۆس 3:16

لێ وێ چەندێ ب نەرمی و رێزگرتن بكەن. وژدانا خۆ پاقژ بپارێزن، داكو ئەوێن ب خرابی بەحسێ رەوشتێ هەوە یێ باش د ئێكبوونا ل گەل مەسیحی دا دكەن، د بوهتانێن خۆ دا شەرمزار ببن.

1 پەترۆس 3:21

ئەڤە ژی هێمایێ وێ تافیركرنێیە یا نوكە هەوە قورتال دكەت. تافیركرن پاقژكرنا قڕێژا لەشی نینە، لێ داخوازكرنا وژدانەكا باشە ل نك خودێ، ب رێكا رابوونا عیسایێ مەسیح ژ ناڤ مریان،