1 تیمۆتاوس 6:5 - ئنجیلا پیرۆز

⁵ و گەنگەشەیێن بێ دویماهی، ئەڤ هەمی تشتە ژ مرۆڤێن زێهنێ وان پویچ بووی و راستی ل نك نەمای پەیدا دبن. ئەو هزر دكەن خودێترسی رێكە بۆ قازانجكرنێ.

1 تیمۆتاوس 6:5 ပူးပေါင်းရင်းမြစ်များ

مزگینیا مەتتای 12:33

دار ژ بەرهەمێ وێ دهێتە نیاسین، ئەڤجا خۆ ئێك دل بكەن: یان دار یا باشە و بەرهەمێ وێ یێ باشە، یان ژی دار یا خرابە و بەرهەمێ وێ یێ خرابە!

مزگینیا مەتتای 21:13

و گۆتە وان: «یا هاتیە نڤیسین: ‹مالا من ب مالا نڤێژێ دێ هێتە نیاسین›، لێ هەوە یا كریە ‹كونجا رێگران›!»

مزگینیا مەتتای 23:13

نەخوزیكێن هەوە گەلی مامۆستایێن دەستووری و فەریسیان، هەی دووڕوینۆ! چنكو هوین دەرگەهێ پاشایەتیا ئەسمانان ل بەر مرۆڤان دگرن، نە هوین ب ژۆر دكەڤن و نەدهێلن ژی ئەوێن حەز بكەن، ب ژۆر بكەڤن.

1 كورنتۆس 11:16

لێ ئەگەر ئێكی بڤێت گەنگەشەیێ ل سەر بكەت، مە نەریتەكێ دی نینە، هەروەسا جڤاكێن گازیكریێن خودێ ژی نینە.

2 سالونیكی 3:6

ئەڤجا گەلی خویشك و برایان، ئەم ب ناڤێ خودانێ خۆ عیسایێ مەسیح فەرمانێ ل هەوە دكەین، كو هوین خۆ دویر بئێخن ژ هەمی برایێن ب تەمبەلی دژین و ل دویڤ وێ فێركرنێ ناژین یا وان ژ مە وەرگرتی.

1 تیمۆتاوس 1:6

هندەك مرۆڤ ژ ڤان تشتان ڤاڕێبوون و ب دویڤ گۆتنێن ڤاڵا كەفتن.

1 تیمۆتاوس 3:3

مەی ڤەخۆر نەبیت و توند نەبیت، لێ یێ دلنەرم بیت، شەڕفرۆش نەبیت و حەزژێكەرێ پارەی نەبیت.

1 تیمۆتاوس 3:8

هەروەسا پێدڤیە خزمەتكار ژی رێزدار بن، خودان ئێك ئاخفتن بن، گەلەك مەیێ ڤەنەخۆن، چاڤێ وان ل مفایێ حەرام نەبیت،

1 تیمۆتاوس 4:7

خۆ ژ چیڤانۆكێن نەپیرۆز و چیڕۆكێن پیرەژنان بدە پاش، لێ راهێنانێ ل سەر خودێترسیێ بكە.

1 تیمۆتاوس 4:8

چنكو وەرزشا لەشی مفایێ هەی بۆ هندەك تشتان، لێ ژ خودێترسیێ مفایێ هەی بۆ هەمی تشتان، ژ بەر كو خودێترسیێ سۆز بۆ ژیانا ڤێ جیهانێ و جیهانا دی هەیە.

1 تیمۆتاوس 6:6

راستە، خودێترسی قازانجەكێ مەزنە، ئەگەر مرۆڤ ل سەر تشتێ وی هەی یێ رازی بیت،

2 تیمۆتاوس 3:5

وان دیمەنێ سەرڤە یێ خودێترسیێ یێ هەی، لێ ئەو هێزا وێ رەت دكەن. ئەڤجا خۆ ژ یێن وەسا دویر بئێخە.

2 تیمۆتاوس 3:8

كا چەوا یانیسی و یامبریسی بەرهنگاریا مووسای كر، ئەڤە ژی وەسا بەرهنگاریا راستیێ دكەن. ئەو كەسێن مێشك گەنینە و وەكو باوەردار هاتینە رەتكرن.

تیتۆس 1:11

یێن كو دڤێت دەڤێ وان بهێتە گرتن، چنكو ئەو ژ پێخەمەت چاڤبرساتیا قازانجی، فێركرنێن وەسا ددەن یێن كو نابیت بهێنە دان، هۆسا خێزانان هەمیان د سەر دا دبەن.

2 پەترۆس 2:15

وان ژ رێكا راست لادا، ئەڤجا ئەو د سەر دا چوون و رێكا بەلعامێ كوڕێ بەعۆری گرت، ئەوێ حەز ژ كرێیا خرابیێ كری.

2 پەترۆس 2:3

ئەو دێ ژ بەر چاڤبرساتیا خۆ ب گۆتنا چیڕۆكێن چێكری بازرگانیێ ب هەوە كەن. ئەو حوكمێ ژ كەڤن وەرە ل سەر هاتیە دان، ژ كار نەكەفتیە و ژناڤبرنا وان نە یا نڤستیە.

یەهودا 1:11

نەخوزیكێن وان! چنكو ئەوان رێكا قایینی گرتیە و وەكو بەلعامی ژ پێخەمەت قازانجی د سەر دا چوون و یاخیبوونا وان وەكو یاخیبوونا قۆرەحیە و ئەو دێ وەكو وی ژ ناڤ چن.

ئاشكراكرن 18:13

دارچین، بوهارات، بخویر، موڕ، لبان، شەراب، زەیتا زەیتوونان، ئارێ سفر، گەنم، دەوار، پەز، هەسپ، گالیسكە و مرۆڤێن وەكو بەنی دهێنە فرۆتن.

ئاشكراكرن 18:3

چنكو هەمی مللەتان ژ شەرابا هار یا دەهمەنپیسیا وێ ڤەخوار و پاشایێن ئەردی دەهمەنپیسی ل گەل وێ كریە و بازرگانێن ئەردی ژ زێدەییا حالخۆشیا وێ دەولەمەند بوون.»