1 تیمۆتاوس 6:4 - ئنجیلا پیرۆز

⁴ ئەڤە ئەو كەسەكێ دفنبلندە و تشتەكی تێناگەهیت. ئەو نەساخێ گەنگەشەیێ و شەڕەدەڤێیە، كو دبنە ئەگەرێ زكڕەشی، هەڤڕكی، بوهتان، گۆمانێن خراب

1 تیمۆتاوس 6:4 ပူးပေါင်းရင်းမြစ်များ

كارێن هنارتیان 15:2

لێ د ناڤبەرا وان و پاولۆسی و بارناباسی دا، گەنگەشە و دانوستاندنەكا دژوار چێبوو، پشتی هنگی پاولۆس و بارناباس ل گەل هندەك باوەردارێن دی هاتنە دەستنیشانكرن، كو سەربكەڤنە ئورشەلیمێ و ل دۆر ڤی بابەتی چاڤپێكەفتنێ ل گەل هنارتی و ریهسپیان بكەن.

كارێن هنارتیان 18:15

لێ ئەگەر بابەت دەربارەی پەیڤ و ناڤ و دەستوورێ هەوەیە، هوین ب خۆ چارەسەر بكەن، من نەڤێت ببمە دادوەرێ ڤان تشتان!»

كارێن هنارتیان 8:9

ل وی باژێڕی زەڵامەك هەبوو ناڤێ وی شەمعون بوو، ئەوی ژمێژە وەرە جادووگەری دكر و خەلكێ سامەریایێ مەندەهۆش دكر و دگۆت: ئەز زەڵامەكێ مەزنم.

رۆما 12:16

ل گەل ئێكودوو د هەڤهزر بن. د دفنبلند نەبن، لێ تێكهەلیا پایەنزمان بكەن، خۆ ئاقلمەند نەدانن.

رۆما 13:13

بلا رەفتارێن مە د بەڕێز بن، هەروەكو رۆژ بیت: نە ب ئاهەنگێن بێتۆرەیێ و سەرخۆشیێ، نە ب دەهمەنپیسیێ و بێدەلنگیێ، نە ب هەڤڕكیێ و چاڤپێنەڕابوونێ.

رۆما 14:1

ئەوێ د باوەریێ دا لاواز، قەبیل بكەن، لێ نە ب مەبەستا دادكرنا بۆچوونێن ئێكودوو.

رۆما 2:8

لێ دێ تۆڕەیی و كەربێ ل وان بارینیت، یێن خۆپەرێس و گوهداریا راستیێ ناكەن، لێ گوهداریا خرابیێ دكەن.

1 كورنتۆس 11:16

لێ ئەگەر ئێكی بڤێت گەنگەشەیێ ل سەر بكەت، مە نەریتەكێ دی نینە، هەروەسا جڤاكێن گازیكریێن خودێ ژی نینە.

1 كورنتۆس 11:18

یا ئێكێ، ئەز دبهیسم كو دەمێ هوین وەكو جڤاكا باوەرداران كۆمبوونێ دكەن، دووبەرەكی د ناڤبەرا هەوە دا هەنە و تا رادەیەكی ئەز باوەر ژ ڤێ چەندێ دكەم.

1 كورنتۆس 3:18

بلا كەس خۆ نەخاپینیت. ئەگەر ئێك ژ هەوە هزر دكەت، كو ئەو ل دویڤ پیڤەرێن ڤێ جیهانێ ئاقلمەندە، بلا بێئاقل ببیت، دا ببیتە ئاقلمەند.

1 كورنتۆس 3:3

چنكو هێشتا هوین لەشكانینە. مادەم د ناڤ هەوە دا چاڤپێنەڕابوون و هەڤڕكی هەنە، ما نە هوین لەشكانینە و وەكو مرۆڤێن سرۆشتی دژین؟

2 كورنتۆس 11:20

بەلێ، ئەگەر ئێك هەوە بكەتە بەنی، یان ئەگەر ئێك مالێ هەوە بخۆت، یان ئەگەر ئێك كەیسێ خۆ د هەوە را ببینیت، یان ئەگەر ئێك دفنا خۆ ل هەوە بلند بكەت، یان ئەگەر ئێك زللەهەكێ ل هەوە بدەت، هوین بێهنا خۆ ل وی فرە‍‌ھ دكەن.

گالاتیا 5:15

ئەڤجا ئەگەر هوین لەقان ل ئێكودوو بدەن و ئێكودوو بخۆن، هشیار بن، ئێكودوو نەبرینن.

گالاتیا 5:26

بلا ئەم د دفنبلند نەبین، ئێكودوو نەئازرینین و ل گەل ئێكودوو د زكڕەش نەبین.

گالاتیا 6:3

ئەگەر ئێك خۆ دبینیت كو تشتەكە و ئەو ب خۆ چ نینە، ئەو خۆ دخاپینیت.

فیلیپی 1:15

راستە، هندەك ژ چاڤپێڕانەبوون و هەڤڕكیێ مەسیحی ددەنە نیاسین، لێ هندەك ژی ب نیازەكا باش.

فیلیپی 2:14

هەمی تشتان بێ پتەپت و گۆمانكرن بكەن،

فیلیپی 2:3

چ تشتی ب هەڤڕكیێ یان ب خۆپەرێسیێ نەكەن، لێ ب دەروونبچویكیێ كەسێن دی ژ خۆ باشتر بزانن.

كۆلۆسی 2:18

بلا كەس هەوە ژ خەلاتێ هەوە بێبەهر نەكەت، كەسەكێ وەسا كو حەز ژ خۆنزمكرنێ و پەرستنا فریشتەیان دكەت و بەردەوام بەحسێ بینینێن خۆ دكەت كو بێ بنیات یێ پفدایە ژ لایێ زێهنێ خۆ یێ لەشكانی ڤە

2 سالونیكی 2:4

ئەو دێ دژایەتیا هەر تشتەكی كەت كو دبێژنێ خوداوەند یان ژی دهێتە پەرستن و دێ خۆ ژ وان بلندتر دانیت، تاكو ئەو دێ د پەرستگەها خودێ ژی ڤە روینیت و دێ خۆ وەكو خودێ دەتە نیاسین.

1 تیمۆتاوس 1:4

هەروەسا ئەو خۆ ب چیڤانۆك و نەژادنامەیێن بێ دویماهی ڤە مژویل نەكەن، ئەڤ چەندە دبنە ئەگەرێ بگروڤەكێشێ ل شوینا بجهئینانا نەخشەیێ خودێ یێ كو ب رێكا باوەریێیە.

1 تیمۆتاوس 1:7

ئەوان دڤێت ببنە مامۆستایێن دەستووری، لێ ئەو نە د وی تشتی دگەهن یێ دبێژن، نە ژی یێ داكۆكیێ ل سەر دكەن.

1 تیمۆتاوس 3:6

پێدڤیە ئەو باوەردارەكێ نوی نەبیت، دا دفنبلند نەبیت و نەكەڤیتە د دادكرنا ئبلیسی دا.

2 تیمۆتاوس 2:14

ئەڤان تشتان بینە بیرا وان و ل بەرامبەر خودێ وان راسپێرە كو ل سەر پەیڤان شەڕەدەڤێ نەكەن، چنكو چ مفا تێدا نینن، لێ گوهداران دهەڕفینیت.

2 تیمۆتاوس 2:23

خۆ ژ گەنگەشەیێن دەبەنگ و نەزانانە بدە پاش، چنكو تۆ دزانی كو شەڕ ژێ پەیدا دبیت.

2 تیمۆتاوس 3:4

د بێبەخت، د سەرگەرم، ژ خۆ د رازی، دێ حەزژێكەرێن خۆشیێ بن نەكو حەزژێكەرێن خودێ.

تیتۆس 3:9

لێ خۆ ژ گەنگەشەیێن بێئاقلانە، دانوستاندن ل دۆر نەژادنامەیان، هەڤڕكی و شەڕەدەڤێن ل سەر دەستووری بدە پاش، چنكو ئەو د بێمفا و ژ قەستانە.

یەعقوب 1:19

خویشك و برایێن من یێن خۆشتڤی، ڤێ چەندێ باش بزانن: بلا هەر مرۆڤەك یێ لەزگین بیت بۆ بهیستنێ، یێ لەزگین نەبیت بۆ ئاخفتنێ، یێ لەزگین نەبیت بۆ تۆڕەبوونێ،

2 پەترۆس 2:12

لێ ئەو كەس وەكو گیانەوەرێن بێ مەژینە، یێن ب خۆرسكێ دهێنە بڕێڤەبرن، ژ بۆ نێچیركرنێ و كوشتنێ چێبووینە، دەربارەی تشتێن وان پێزانین ل سەر نەی كوفریان دكەن، ئەڤجا ئەو دێ وەكو وان گیانەوەران ژ ناڤ چن

2 پەترۆس 2:18

چنكو گۆتنێن مەزن و ڤاڵا دبێژن، هۆسا ب ئارەزوویێن لەشی یێن بێدەلنگیێ وان كەسان د سەر دا دبەن یێن ژ نوی رزگار بووین ژ ناڤ وان كەسێن د شاشیێ دا دژین.

یەهودا 1:10

لێ ئەڤ كەسە، دەربارەی تشتێن ئەو تێنەگەهن كوفریان دكەن، ئەو تشتێن ئەو تێدگەهن ژی وان ژ ناڤ دبەن، چنكو ئەو وەكو گیانەوەرێن بێئاقل ب تنێ ل دویڤ سرۆشتێ خۆ دچن.

یەهودا 1:16

ئەو كەس د پتپتی و دەڤ ب گازندەنە، ل گۆر ئارەزوویێن خۆ دژین و مەزن دئاخڤن، ژ پێخەمەت بەرژەوەندیێن خۆ سالویسیێ بۆ كەسان دكەن.

ئاشكراكرن 3:17

تۆ دبێژی: ‹ئەز یێ دەولەمەندم، ئەز گەلەك یێ دەولەمەند بوویم و من پێدڤی ب چ نینە،› لێ تۆ نزانی كو تۆ یێ پەریشانی و رەبەنی و بەلەنگازی و كۆرەیی و رویسی.