1 تیمۆتاوس 6:2 - ئنجیلا پیرۆز

² ئەوێن خودانێن وان د باوەردار، بلا ژ بەر برایینیێ رێزگرتنا وان كێم نەكەن، لێ بلا پتر خزمەتا وان بكەن، چنكو ئەوێن مفای ژ خزمەتا وان وەردگرن، باوەردار و خۆشتڤینە. فێركرنێ و هاندانێ ب وان هەمی تشتان بكە.

1 تیمۆتاوس 6:2 ပူးပေါင်းရင်းမြစ်များ

مزگینیا مەتتای 23:8

لێ بلا هوین ب ‹رابی› نەهێنە گازی كرن، چنكو مامۆستایێ هەوە ئێكە و هوین هەمی برانە.

مزگینیا مەتتای 25:40

ئەڤجا پاشا دێ بەرسڤا وان دەت: ‹ب راستی دبێژمە هەوە: چنكو هەوە ئەڤ چەندە یا ل گەل ئێك ژ ڤان بچویكترین برایێن من كری، هەوە ئەو یا ل گەل من كری.›

مزگینیا مەتتای 6:24

كەس نەشێت خزمەتا دوو خودانان بكەت، چنكو یان دێ كەرب ژ ئێكی ڤەبن و حەز ژ یێ دی كەت، یان ژی دێ گەهیتە ئێك ژ وان و یێ دی پشت گو‍‌ھ ڤە هاڤێت. هوین نەشێن خزمەتا خودێ و پارەی بكەن.

كارێن هنارتیان 1:15

د وان رۆژان دا، پەترۆس د ناڤ باوەرداران دا، كو ژمارەیا وان نێزیكی سەد و بیست كەسان بوو، رابوو و گۆت:

رۆما 11:17

لێ ئەگەر هندەك چەق هاتنە بڕین و تۆ ژی دارزەیتوونەكا خۆڕستی بی و پێڤە هاتیە پەترومەكرن و بوویە پشكدارێ رە‍‌ھ و قەلەویا دارزەیتوونێ،

رۆما 8:29

چنكو ئەوێن خودێ ئەو پێشوەخت هەلبژارتین، وی ئەو پێشوەخت ژی دەستنیشان كرن، دا وەكو وێنەیێ كوڕێ وی لێ بهێن، دا كوڕ د ناڤ گەلەك خویشك و برایێن خۆ دا یێ نەخری بیت.

گالاتیا 5:6

چنكو د ئێكبوونا ل گەل مەسیح عیسای دا، سونەتبوون و سونەتنەبوون هەردوو د بێ مفانە، لێ ب تنێ ئەو باوەریا ب حەزژێكرنێ كار دكەت، یا ب مفایە.

ئەفەسۆس 1:1

ژ من، پاولۆس، هنارتیێ مەسیح عیسای، ب حەزا خودێ، بۆ پیرۆزكریێن ل ئەفەسۆسێ، ئەوێن ب مەسیح عیسای د دلسۆزن:

ئەفەسۆس 1:15

ژ بەر هندێ، گاڤا من باوەریا هەوە ب خودان عیسای و حەزژێكرنا هەوە بۆ هەمی پیرۆزكریان بهیستی،

ئەفەسۆس 3:6

نهێنی ژی ئەڤەیە، كو مللەتێن نەجوهی ب رێیا مزگینیێ، د ئێكبوونا ل گەل مەسیح عیسای دا، ل گەل جوهیان هەڤمیراتن و هەڤلەشن و هەڤپشكێن سۆزێنە.

كۆلۆسی 1:2

بۆ خویشك و برایێن پیرۆز و دلسۆز د ئێكبوونا ل گەل مەسیحی دا، ئەوێن ل كۆلۆسی: كەرەم و ئاشتی ژ بابێ مە خودێ ل سەر هەوە بن.

كۆلۆسی 1:4

چنكو مە دەربارەی باوەریا هەوە ب مەسیح عیسای و حەزژێكرنا هەوە بۆ هەمی پیرۆزكریان بهیست.

كۆلۆسی 4:1

گەلی خودانان، ب دادپەروەری و یەكسانی سەرەدەریێ ل گەل بەنیێن خۆ بكەن، چنكو هوین دزانن كو هەوە ژی خودانەكێ ل ئەسمانی هەی.

2 سالونیكی 1:3

پێدڤیە ئەم هەرگاڤ ژ پێخەمەت هەوە، گەلی خویشك و برایان، سوپاسیا خودێ بكەین. سوپاسیكرن ژی د جهێ خۆ دایە، چنكو باوەریا هەوە گەلەك وەرارێ دكەت و حەزژێكرنا هەر ئێك ژ هەوە بۆ ئێكودوو زێدە دبیت.

1 تیمۆتاوس 4:11

ڤان تشتان راسپێرە و فێری وان بكە.

1 تیمۆتاوس 5:1

ل زەڵامێ پیر نەحەیتینە، لێ هان بدە، هەروەكو ئەو بابێ تە، رەفتارێ ل گەل گەنجان ژی بكە هەروەكو برایێن تە،

تیتۆس 2:1

لێ تۆ، وان تشتان بێژە یێن گونجای ل گەل فێركرنا ساخلەم.

تیتۆس 2:15

ڤان تشتان ب هەمی دەستهەلاتی بێژە، ئاگەهدار بكە و پاشڤە ببە. بلا كەس سڤكاتیێ ب تە نەكەت.

تیتۆس 3:8

ئەڤ گۆتنە جهێ پشتڕاستیێیە. من دڤێت تۆ ل سەر ڤان تشتان یێ رژد بی، دا ئەوێن باوەری ب خودێ ئینای پویتەی ب كرنا كارێن باش بدەن. ئەو تشت د باش و مفادارن بۆ مرۆڤان.

عیبرانی 3:1

ئەڤجا گەلی خویشك و برایێن پیرۆز، پشكدارێن وێ گازیا ئەم پێ بۆ ئەسمانی گازی كرین، هزرێ د عیسای دا بكەن، یێ ئەم دانپێدانێ دكەین كو هنارتی و سەرۆككاهنێ مەیە.

عیبرانی 3:14

چنكو ئەم بووینە هەڤپشكێن مەسیحی، ئەگەر مە تا دویماهیێ خۆ ب وێ پشتڕاستیێ ڤە گرت یا مە ل دەستپێكێ هەی.

1 پەترۆس 5:1

ئەز هیڤی ژ ریهسپیێن د ناڤ هەوە دا دكەم، كو ئەز وەكو هەوە ریهسپیمە و شاهدم ل سەر ئازارێن مەسیحی و هەڤپشكێ وێ مەزناهیێمە یا كو ل نێزیك دێ دیار بیت:

2 پەترۆس 2:10

نەخاسمە ئەوێن ب دویڤ حەزێن هەڕمی یێن لەشی دكەڤن و سڤكاتیێ ب سەروەریێ دكەن. ئەو د رویقاییمن و خۆ دسەپینن، ناترسن كو ب خرابی بەحسێ خودانێن مەزناهیێ بكەن.

یەهودا 1:8

هەروەسا ئەڤە ژی، ئەوێن ب دویڤ خەونێن خۆ دكەڤن، لەشی دهەڕمینن و سڤكاتیێ ب سەروەریێ دكەن و ب خرابی بەحسێ خودانێن مەزناهیێ دكەن.