1 تیمۆتاوس 6:18 - ئنجیلا پیرۆز

¹⁸ وان راسپێرە كو باشیێ بكەن، ب كریارێن باش د دەولەمەند بن، د مەرد بن و بۆ پشكداریێ ژ مالێ خۆ ل گەل كەسێن دی د ئامادە بن.

1 تیمۆتاوس 6:18 ပူးပေါင်းရင်းမြစ်များ

مزگینیا مەتتای 5:42

ئەوێ ژ تە بخوازیت تۆ بدێ و ئەوێ قەرەك ژ تە بڤێت بێ هیڤی ڤەنەگێڕە.

مزگینیا لوقای 12:21

هۆسایە رەوشا وی كەسێ بۆ خۆ خڕڤە دكەت و ل نك خودێ نە یێ دەولەمەندە.»

مزگینیا لوقای 3:11

یوحەننای بەرسڤا وان دا: «یێ دوو كراس هەبن، بلا ئێكی بدەتە یێ بێ كراس و یێ خوارن هەبیت، بلا هەر وی تشتی بكەت.»

كارێن هنارتیان 10:38

كا چەوا خودێ عیسایێ ناسیرەیی ب گیانێ پیرۆز و ب هێزێ زەیت كر، ئەڤجا عیسا ژ جهەكی دچوو جهەكی و چاكی دكرن و هەمی ئەوێن ئبلیسی ئێخستینە بن هێزا خۆ، ساخ دكرن، چنكو خودێ د گەل وی دا بوو.

كارێن هنارتیان 11:29

ئینا شاگردان ل ئەنتاكیایێ بڕیار دا، كو هەر ئێك ل دویڤ پێچێبوونا خۆ هاریكاریێ بۆ برایێن ل یەهودیایێ بهنێریت.

كارێن هنارتیان 9:36

ل باژێڕێ یافا شاگردەك هەبوو ناڤێ وێ تابیتا بوو و ب یونانی دگۆتنێ دۆركاس، هەردەم چاكی دكرن و هاریكاریا هەژاران دكر.

رۆما 12:13

بۆ پێدڤیێن پیرۆزكریان د هاریكار بن، د مێڤان حەوین بن.

رۆما 12:8

ئەگەر هاندان بیت، بلا هاندانێ بكەت. ئەوێ هاریكاریێ بكەت، بلا ب مەردینی بكەت. ئەوێ سەروەریێ بكەت، بلا ب دلگەرمی بكەت و ئەوێ دلۆڤانیێ دبەت، بلا ب دلخۆشی وە بكەت.

1 كورنتۆس 16:2

ل رۆژا ئێكێ ژ هەر حەفتیەكێ، بلا هەر ئێك ژ هەوە ل دویڤ داهاتێ خۆ هندەك پارەی دانیتە لایەكی و ل نك خۆ هەلگریت، نەكو دەمێ ئەز بهێمە نك هەوە ژ نوی كۆم كەن.

2 كورنتۆس 8:12

چنكو ئەگەر دلگەرمی هەبیت، بەخشین یا پەسەندە، ل دویڤ وی تشتێ مرۆڤی هەی، نە ل دویڤ وی تشتێ مرۆڤی نەی.

2 كورنتۆس 8:9

چنكو هوین كەرەما خودانێ مە عیسایێ مەسیح دزانن: كو هەر چەندە ئەو یێ دەولەمەند بوو، لێ ئەو ژ پێخەمەت هەوە بوو هەژار، دا هوین ب هەژاریا وی دەولەمەند ببن.

گالاتیا 6:10

ئەڤجا هندی مە دەلیڤە هەبیت، بلا ئەم چاكیێ ل گەل هەمیان بكەین، ب تایبەتی ل گەل خویشك و برایێن مە د باوەرداریێ دا.

ئەفەسۆس 4:28

بلا دزیكەر ئێدی دزیێ نەكەت، لێ بلا بوەستیێت و ب دەستێ خۆ كارەكێ حەلال بكەت، دا وی تشتەك هەبیت بدەتە یێ هەوجە ژی.

1 تیمۆتاوس 5:10

و ل سەر كریارێن چاك شاهدەیی بۆ بهێتە دان: ئەگەر زاڕۆكێن خۆ بخودان كربن، مێڤان حەواندبن، پێیێن پیرۆزكریان شویشتبن، هاریكاریا كەسێن د تەنگاڤیێ دا كربیت و ل دویڤ هەر كارەكێ باش چووبیت.

تیتۆس 2:14

ئەوێ خۆ گۆری مە كری، دا مە ژ هەمی گونەهان رزگار بكەت و پاك بكەت و بكەتە خەلكێ خۆ یێ تایبەت یێ دلگەرم بۆ كریارێن باش.

تیتۆس 3:8

ئەڤ گۆتنە جهێ پشتڕاستیێیە. من دڤێت تۆ ل سەر ڤان تشتان یێ رژد بی، دا ئەوێن باوەری ب خودێ ئینای پویتەی ب كرنا كارێن باش بدەن. ئەو تشت د باش و مفادارن بۆ مرۆڤان.

عیبرانی 13:16

هەروەسا كرنا قەنجیێ و دانا تشتێن هەوە هەین بۆ یێن هەوجە پشت گو‍‌ھ ڤە نەهاڤێژن، چنكو قوربانێن هۆسا خودێ دلخۆش دكەن.

یەعقوب 2:5

خویشك و برایێن من یێن خۆشتڤی، گوهێ خۆ بدەنێ: ما خودێ هەژارێن ڤێ جیهانێ هەلنەبژارتینە كو ب باوەریێ د دەولەمەند بن و میراتگرێن وێ پاشایەتیێ بن، ئەوا وی سۆزا وێ دایە وان یێن حەز ژ وی دكەن؟

1 پەترۆس 3:11

بلا خۆ ژ خرابیێ دویر بئێخیت و باشیێ بكەت، بلا ل ئاشتیێ بگەڕیێت و بزاڤێ بۆ بكەت.

1 یوحەننا 3:17

لێ ئەگەر كەسەكی مالێ جیهانێ هەبیت و دیت كو خویشك یان برایێ وی د هەوجەیێ دایە و دلێ خۆ پێ نەسوژیت، چەوا حەزژێكرنا خودێ د ناڤ وی دا بنەج‍‌ھ دبیت؟

3 یوحەننا 1:11

هەی خۆشتڤی، چاڤ ل خرابیێ نەكە، لێ ل باشیێ بكە. هەر ئێكێ باشیێ دكەت، ئەو ژ خودێیە و یێ خرابیێ دكەت، ئەوی خودێ نەدیتیە.