1 تیمۆتاوس 6:16 - ئنجیلا پیرۆز

¹⁶ ئەوێ ب تنێ وی نەمری هەی، د رۆناهیەكێ دا ئاكنجیە كو كەس نەشێت خۆ نێزیك بكەت، ئەوێ كەسێ نەدیتی و كەس نەشێت ببینیت، رێز و سەروەریا هەروهەر بۆ وی بن! ئامین.

1 تیمۆتاوس 6:16 ပူးပေါင်းရင်းမြစ်များ

مزگینیا یوحەننای 1:18

كەسێ چ جاران خودێ نەدیتیە، لێ كوڕێ ئێكانە، كو ئەو ب خۆ ژی خودێیە، ئەوێ د هەمبێزا بابی دا، ئەوی خودێ یێ دایە نیاسین.

مزگینیا یوحەننای 14:9

عیسای بەرسڤا وی دا: «فیلیپۆس، ئەڤ دەمێ هندە درێژ ئەز ل گەل هەوە و هێشتا تە ئەز نەنیاسیمە؟ ئەوێ ئەز دیتیم، وی باب ژی یێ دیتی. چەوا تۆ دبێژیە من: ‹بابی نیشا مە بدە؟›

مزگینیا یوحەننای 6:46

رامانا ڤێ نە ئەوە كو ئێكی باب یێ دیتی: كەسێ نەدیتیە، ژبلی وی یێ كو ژ خودێیە، ب تنێ وی باب یێ دیتی.

مزگینیا یوحەننای 8:58

عیسای گۆتە وان: «ب راستی ب راستی دبێژمە هەوە: بەری ئیبراهیم ببیت، ئەز هەمە.»

ئەفەسۆس 3:21

مەزناهی بۆ وی بیت، د جڤاكا باوەرداران و مەسیح عیسای دا، ب درێژاهیا هەمی بەرەبابان بۆ هەتا هەتایێ. ئامین.

فیلیپی 4:20

هەتا هەتایێ مەزناهی بۆ بابێ مە خودێ بیت! ئامین.

كۆلۆسی 1:15

ئەو وێنەیێ وی خودێیە یێ كو ناهێتە دیتن، نەخریە، سەرۆكێ هەمی تشتێن ئافراندیە.

1 تیمۆتاوس 1:17

هەتا هەتایێ رێز و مەزناهی بۆ پاشایێ سەردەمان یێ نەمر و نەهێتە دیتن، بۆ خودایێ ئێكانە بیت! ئامین.

عیبرانی 13:8

عیسایێ مەسیح، دوهی و ئەڤرۆ و هەتا هەتایێ، وەكو خۆیە.

یەعقوب 1:17

هەر دانەكا باش و هەر دیاریەكا بێكێماسی ژ سڵالە، ژ نك بابێ رۆناهیان خوار دكەڤیت، ئەوێ ناهێتە گوهۆڕین، خۆ بچویكترین سیبەرا گوهۆڕینێ ژی نینە.

1 یوحەننا 1:5

ئەڤەیە ئەو پەیاما مە ژ عیسایێ مەسیح بهیستی و بۆ هەوە رادگەهینین: خودێ رۆناهیە و چ تاریاتی تێدا نینە.

1 یوحەننا 1:7

لێ ئەگەر ئەم د رۆناهیێ دا بڕێڤە بچین، هەروەكو ئەو د رۆناهیێ دا، مە هەڤپشكی یا ل گەل ئێكودوو هەی و خوینا كوڕێ وی، عیسای، مە ژ هەمی گونەهان پاقژ دكەت.

1 یوحەننا 4:12

چ جاران كەسێ خودێ نەدیتیە. ئەگەر ئەم حەز ژ ئێكودوو بكەین، خودێ د ناڤ مە دا بنەج‍‌ھ دبیت و حەزژێكرنا وی د مە دا كامل دبیت.

یەهودا 1:25

بۆ خودایێ ئێكانە، قورتالكەرێ مە، ب رێكا عیسایێ مەسیحێ خودانێ مە، قەدرگرانی و مەزناهی و سەروەری و دەستهەلات بۆ وی بن، ژ بەری هەمی سەردەمان و نوكە و هەتا هەتایێ. ئامین.

ئاشكراكرن 1:6

و ئەم كرینە پاشایەتی و كاهنێن بابێ خۆ خودێ: مەزناهی و سەروەری هەروهەر بۆ وی بن. ئامین.

ئاشكراكرن 1:8

خودان خودێ دبێژیت: «ئەز ئەلفا و ئۆمێگامە، ئەوێ هەی و ئەوێ هەبوو و ئەوێ دێ هێت، هێزدارێ هەر تشتی.»

ئاشكراكرن 21:3

من ژ تەختی دەنگەكێ بلند بهیست، دگۆت: «ئها ئەڤەیە، خیڤەتا خودێ د ناڤ مرۆڤان دا! ئەو دێ ل گەل وان ئاكنجی بیت و ئەو دێ بنە گەلێ وی و خودێ ب خۆ دێ ل گەل وان بیت و بیتە خودایێ وان.

ئاشكراكرن 22:5

ئێدی نابیتە شەڤ. ئەوان پێدڤی ب رۆناهیا چرای و رۆناهیا رۆژێ نابیت، چنكو خودان خودێ دێ رۆناهیێ ل وان كەت و ئەو دێ هەتا هەتایێ پاشایەتیێ كەن.

ئاشكراكرن 4:11

«تۆ یێ هەژی، هەی خودان و خودایێ مە، كو مەزناهی و رێز و هێزێ وەرگری، چنكو تە هەمی تشت ئافراندن و ئەو ب حەزا تە هاتنە ئافراندن و هەنە.»

ئاشكراكرن 7:12

و دگۆت: «ئامین! پەسن و مەزناهی و ئاقلمەندی و سوپاسی و رێز و شیان و هێز، هەروهەر بۆ خودایێ مە بن! ئامین.»