1 تیمۆتاوس 6:12 - ئنجیلا پیرۆز

¹² د خەباتا باش یا باوەریێ دا خۆ بوەستینە و خۆ ب ژیانا هەروهەر ڤە بگرە، ئەوا تۆ بۆ وێ هاتیە گازیكرن و تە ل بەرامبەر گەلەك شاهدان شاهدەییا باش بۆ وێ دای.

1 تیمۆتاوس 6:12 ပူးပေါင်းရင်းမြစ်များ

2 كورنتۆس 6:7

د گۆتنا راستیێ دا، د هێزا خودێ دا، ب چەكێن راستداریێ یێن دەستێ راستێ و یێن دەستێ چەپێ،

2 كورنتۆس 9:13

ئەڤ خزمەتە بەلگەیە ل سەر باوەریا هەوە، ئەڤجا گەلەك مرۆڤ ژ بەر ملكەچیا هەوە بۆ دانپێدانێ ب مزگینیا مەسیحی و ژ بەر مەردینیا هەوە د هاریكاریكرنا وان و هەمی كەسێن دی دا، دێ پەسنا خودێ كەن

فیلیپی 1:30

نوكە هوین ژی د هەمان جەنگێ دانە، ئەوا هەوە ژ من دیتی و نوكە ژی هوین دبهیسن كو ئەز هێشتا یێ تێدا.

كۆلۆسی 3:15

بلا د دلێ هەوە دا ئاشتیا مەسیحی حوكمداریێ بكەت، ئەو ئاشتیا هوین بۆ وێ هاتینە گازیكرن، كو ببنە ئێك لەش، هەروەسا د سوپاسدار ژی بن.

1 سالونیكی 2:12

مە هوین هاندان و ل بەر دلێ هەوە دا و ل سەر ژیانا هەوە راوەستیاین، كو ب شێوەیەكی بیت یا هەژی وی خودای بیت، ئەوێ هوین بۆ پاشایەتی و مەزناهیا خۆ گازی كرین.

2 سالونیكی 2:14

وی بۆ وێ مەبەستێ هوین ب رێكا مزگینیا مە گازی كرن، دا هوین مەزناهیا خودانێ مە عیسایێ مەسیح ب دەست خۆ ڤە بینن.

1 تیمۆتاوس 1:18

ئەز ڤێ راسپاردەیێ ددانمە نك تە، كوڕێ من تیمۆتاوس، ل دویڤ پەیامێن ل دەمێ بوری ب سرۆشێ خودێ ل سەر تە هاتینە گۆتن، داكو تۆ ب رێكا وان پەیامان جەنگا باش بكەی،

1 تیمۆتاوس 1:19

ب رێكا قاییم گرتنا باوەری و وژدانەكا باش. هندەكان ئەو وژدان رەتكر، ئینا ئەو ژ لایێ باوەریێ ڤە ژ بن چوون،

1 تیمۆتاوس 4:14

خەمساریێ نەكە د وێ بەهرەیا روحانی یا د تە دا، ئەوا ب سرۆشێ خودێ بۆ تە هاتیە دان، دەمێ جڤاتا ریهسپیان دەستێن خۆ داناینە سەر تە.

1 تیمۆتاوس 6:13

ل بەرامبەر خودێ، ئەوێ ژیانێ ددەتە هەمیان و ل بەرامبەر مەسیح عیسای، ئەوێ ل بەرامبەر پیلاتۆسێ پونتی شاهدەییا باش دای، تە رادسپێرم

1 تیمۆتاوس 6:19

هۆسا دێ بۆ خۆ گەنجینەیەكێ عومبار كەن كو بۆ پاشەڕۆژێ بنیاتەكێ باش بیت، دا ژیانا راستەقینە ب دەست خۆ ڤە بینن.

2 تیمۆتاوس 1:9

خودێیە یێ ئەم قورتال كرین و بۆ گازیكرنەكا پیرۆز ئەم گازی كرین، نە ل دویڤ كریارێن مە، لێ ل دویڤ مەبەست و كەرەما خۆ یا بەری دەستپێكا ئافراندنێ ب رێكا مەسیح عیسای بۆ مە هاتیە دان

2 تیمۆتاوس 2:2

و ئەو تشتێن ب ئامادەبوونا گەلەك شاهدان تە ژ من بهیستین، ب كەسێن دلسۆز راسپێرە، كو بشێن هندەكێن دی ژی فێر بكەن.

2 تیمۆتاوس 4:7

ئەز د خەباتا باش دا خەبتیم، من بەریكانا خۆ تەمام كر، باوەری پاراست.

عیبرانی 13:23

بزانن كو برایێ مە تیمۆتاوس یێ هاتیە ئازادكرن. ئەگەر زوی هات، ئەز دێ ل گەل وی سەرەدانا هەوە كەم.

عیبرانی 3:14

چنكو ئەم بووینە هەڤپشكێن مەسیحی، ئەگەر مە تا دویماهیێ خۆ ب وێ پشتڕاستیێ ڤە گرت یا مە ل دەستپێكێ هەی.

عیبرانی 6:18

دا ب دوو تشتێن نەگوهۆڕ، یێن كو مەحالە خودێ تێدا درەوێ بكەت، مە هاندانەكا ب هێز هەبیت، ئەم ئەوێن پەنا بریە نك وی، دا خۆ ب وێ هیڤیێ ڤە بگرین، یا ل پێشیا مە هاتیە دانان.

1 پەترۆس 3:9

خرابیێ ب خرابیێ و ئاخفتنێن كرێت ب ئاخفتنێن كرێت ڤەنەگێڕن، لێ بەروڤاژی هندێ بەرەكەتێ بۆ وان بخوازن، ژ بەر كو هوین بۆ وێ چەندێ یێن هاتینە گازیكرن، كو ببنە میراتگرێن بەرەكەتێ.

1 پەترۆس 5:10

خودایێ هەمی كەرەمێ ژی، ئەوێ هوین ب مەسیح عیسای گازی كرینە مەزناهیا خۆ یا هەتا هەتایی، پشتی كو هەوە بۆ دەمەكێ كورت ئازار كێشای، ئەو ب خۆ دێ هەوە كامل كەت و موكم كەت و بهێز ئێخیت و خۆج‍‌ھ كەت.

1 یوحەننا 2:25

ئەڤەیە ئەو سۆزا وی ب خۆ دایە مە، ئەو ژی ژیانا هەتا هەتاییە.

یەهودا 1:3

گەلی خۆشتڤیان، هەر چەندە من ب مەرەق دڤیا دەربارەی قورتالبوونا مە یا هەڤپشك بۆ هەوە بنڤیسم، لێ من ب فەر دیت كو ئەز بۆ هەوە نامەیەكێ بنڤیسم، تێدا هیڤی ژ هەوە بكەم كو هوین ژ پێخەمەت وێ باوەریێ خەباتێ بكەن، ئەوا ب جارەكێ و بۆ هەروهەر بۆ پیرۆزكریان هاتیە دان.

ئاشكراكرن 3:3

دێ بینە بیرا خۆ كا تە چ وەرگرتیە و بهیستیە، وی تشتی ب ج‍‌ھ بینە و ل خۆ بزڤڕە. ئەگەر تۆ هشیار نەبی، دێ وەكو دزەكی هێم و تۆ قەت نزانی كیژان دەمژمێرێ دێ هێمە تە.