1 تیمۆتاوس 5:8 - ئنجیلا پیرۆز

⁸ لێ ئەگەر ئێك چاڤێ خۆ نادەتە مرۆڤێن خۆ، ب تایبەتی خەلكێ مالا خۆ، ئەڤە وی باوەری ماندەل كریە و ئەو ژ بێباوەران خرابترە.

1 تیمۆتاوس 5:8 ပူးပေါင်းရင်းမြစ်များ

مزگینیا مەتتای 18:17

ئەگەر گوهێ خۆ نەدا وان، تۆ بێژە جڤاكا باوەرداران و ئەگەر گوهێ خۆ نەدا جڤاتێ ژی، بلا ئەو ل نك تە وەكو ئێكێ پووتپەرێس یان باجگر بیت.

مزگینیا مەتتای 7:11

ئەڤجا ئەگەر هوینێن خراب دزانن دیاریێن باش بدەنە زاڕۆكێن خۆ، پا چەند مسۆگەرتر بابێ هەوە یێ ل ئەسمانان دێ تشتێن باش دەتە وان كەسێن ژێ دخوازن!

مزگینیا یوحەننای 15:22

ئەگەر ئەز نەهاتبام و ل گەل وان نەئاخفتبام، دا د بێگونە‍‌ھ بن، لێ نوكە وان چ بەهانە بۆ گونەهێن خۆ نینە.

1 كورنتۆس 6:6

لێ برا ل دژی برای دۆزەكێ ڤەدكەت و د سەر هندێ را ل نك بێباوەران!

2 كورنتۆس 12:14

ئەڤە ئەز یێ ئامادەمە بۆ جارا سێیێ بهێمە نك هەوە و ئەز بارێ هەوە گران ناكەم. چنكو من مالێ هەوە نەڤێت، لێ من هوین دڤێن. نە یا فەرە زاڕۆك بۆ دایك و بابان مالی كۆم بكەن، لێ دایك و باب بۆ زاڕۆكان.

2 كورنتۆس 6:15

چ رێككەفتن د ناڤبەرا مەسیحی و بەلیعاری دا هەیە؟ یان یێ باوەردار چ بەهر ل گەل یێ بێباوەر هەیە؟

گالاتیا 6:10

ئەڤجا هندی مە دەلیڤە هەبیت، بلا ئەم چاكیێ ل گەل هەمیان بكەین، ب تایبەتی ل گەل خویشك و برایێن مە د باوەرداریێ دا.

2 تیمۆتاوس 2:12

ئەگەر ئەم خۆ راگرین، دێ ل گەل وی پاشایەتیێ ژی كەین. ئەگەر ئەم وی ماندەل بكەین، ئەو ژی دێ مە ماندەل كەت.

2 تیمۆتاوس 3:5

وان دیمەنێ سەرڤە یێ خودێترسیێ یێ هەی، لێ ئەو هێزا وێ رەت دكەن. ئەڤجا خۆ ژ یێن وەسا دویر بئێخە.

تیتۆس 1:16

ئەو دبێژن كو ئەو خودێ دنیاسن، لێ ب كریارێن خۆ وی ماندەل دكەن. ئەو جهێ دلڕەشیێنە، نەگوهدارن، ب كێر هیچ كارەكێ باش ناهێن.

2 پەترۆس 2:1

لێ كا چەوا پێغەمبەرێن درەوین د ناڤ گەلی دا پەیدا بوون، هەروەسا د ناڤ هەوە ژی دا دێ مامۆستایێن درەوین پەیدا بن. ئەو دێ ب نهێنی فێركرنێن وێرانكەر ئیننە د ناڤ هەوە دا، خۆ ئەو دێ وی خودانی ماندەل كەن یێ ئەو كڕین، هۆسا ئەو دێ ژناڤچوونەكا ب لەز ئیننە سەرێ خۆ.

یەهودا 1:4

چنكو هندەك كەس ب دزی ڤە هاتینە د ناڤ هەوە دا، ئەوێن ژ كەڤن دا سزایێ وان ل سەر هاتیە نڤیسین، كەسێن بەدكارن، كەرەما خودایێ مە دكەنە بەهانە بۆ بێدەلنگیێ، هەروەسا عیسایێ مەسیح، كو سەروەر و خودانێ مە یێ ئێكانەیە، ماندەل دكەن.

ئاشكراكرن 2:13

من های ژێ هەیە تۆ ل كیرێ یێ ئاكنجی، ل وی جهی یێ تەختێ ئبلیسی لێ. سەرەڕای هندێ تۆ ناڤێ من قاییم دگری و تە باوەریا خۆ ب من ماندەل نەكر، خۆ د وان رۆژان دا، یێن ئەنتیپاس، شاهدێ من یێ دلسۆز ل نك هەوە هاتیە كوشتن، ل وی جهی یێ ئبلیس لێ ئاكنجی.

ئاشكراكرن 3:8

من های ژ كریارێن تە هەیە. ئەڤە من دەرگەهەكێ ڤەكری دانا بەر تە، كو كەس نەشێت بگریت. ئەز دزانم تە هێزەكا كێم هەیە، لێ سەرەڕای هندێ تە پەیڤا من ب ج‍‌ھ ئینا و ناڤێ من ماندەل نەكر.