1 تیمۆتاوس 5:21 - ئنجیلا پیرۆز

²¹ ئەز ل بەرامبەر خودێ و مەسیح عیسای و فریشتەیێن هەلبژارتی فەرمانێ ل تە دكەم، كو تۆ وان تشتان بێی حوكمێ پێشوەخت ب ج‍‌ھ بینی و تشتەكی ب لایەنگری نەكەی.

1 تیمۆتاوس 5:21 ပူးပေါင်းရင်းမြစ်များ

مزگینیا مەتتای 16:27

كوڕێ مرۆڤ دێ ب مەزناهیا بابێ خۆ ڤە ل گەل فریشتەیێن خۆ هێت، هنگی هەر كەسەك دێ ل دویڤ كارێن خۆ هێتە خەلاتكرن.

مزگینیا مەتتای 25:41

پاشی دێ بێژیتە ئەوێن ل دەستێ چەپێ: ‹ژ من دویر بكەڤن، هەی ئەوێن تۆڕەبوونا بابێ من ل سەر، بەرەڤ ئاگرێ هەروهەر، ئەوێ بۆ ئبلیسی و فریشتەیێن وی هاتیە ئامادەكرن،

مزگینیا مەتتای 28:20

و وان فێر بكەن كو پێگیریێ ب هەمی فەرمانێن من داینە هەوە بكەن. ئەڤە ئەز هەمی رۆژان هەتا دویماهیا سەردەمی، ل گەل هەوەمە.»

مزگینیا لوقای 20:21

ئەوان ئەڤ پرسیارە ژ عیسای كر: «مامۆستا، ئەم دزانین تۆ د ئاخفتن و فێركرنا خۆ دا یێ راستی، تۆ لایەنگریا كەسێ ناكەی، لێ تۆ رێكا خودێ راست نیشا خەلكی ددەی.

مزگینیا لوقای 9:26

چنكو هەر كەسێ شەرم بكەت دانپێدانێ ب من و پەیڤێن من بكەت، كوڕێ مرۆڤ ژی، دەمێ ب مەزناهیا خۆ و یا بابێ خۆ و یا فریشتەیێن پیرۆز ڤە دهێت، دێ شەرم كەت دانپێدانێ پێ بكەت.

2 كورنتۆس 5:16

ژ نوكە و پێڤە ئەم ب دیتنەكا مرۆڤكانی ل كەسێ نانێڕین. هەر چەندە مە ب دیتنەكا مرۆڤكانی ل مەسیحی نێڕیە، لێ ئێدی ئەم وەسا ل وی نانێڕین.

1 سالونیكی 5:27

ئەز هەوە ب خودانی ددەمە سویندێ كو ئەڤ نامەیە بۆ هەمی خویشك و برایان بهێتە خواندن.

1 تیمۆتاوس 6:13

ل بەرامبەر خودێ، ئەوێ ژیانێ ددەتە هەمیان و ل بەرامبەر مەسیح عیسای، ئەوێ ل بەرامبەر پیلاتۆسێ پونتی شاهدەییا باش دای، تە رادسپێرم

2 تیمۆتاوس 2:14

ئەڤان تشتان بینە بیرا وان و ل بەرامبەر خودێ وان راسپێرە كو ل سەر پەیڤان شەڕەدەڤێ نەكەن، چنكو چ مفا تێدا نینن، لێ گوهداران دهەڕفینیت.

2 تیمۆتاوس 4:1

ئەڤجا ئەز ل بەرامبەر خودێ و مەسیح عیسای، ئەوێ دێ دادكرنا مری و زیندیان كەت و ژ بەر دیاربوونا وی و پاشایەتیا وی، فەرمانێ ل تە دكەم:

یەعقوب 3:17

لێ ئەو ئاقلمەندیا ژ سڵال، ئەو بەری هەر تشتی یا پاكە، پاشی یا ئاشتیخوازە، دلنەرمە، سەرنەرمە، پڕی دلۆڤانی و بەرهەمێ چاكە، لایەنگر نینە و بێ دووڕویاتیە.

2 پەترۆس 2:4

چنكو ئەگەر خودێ دلۆڤانی ب وان فریشتەیان نەبربیت یێن گونە‍‌ھ كرین، لێ هاڤێتبنە د دۆزەخێ دا، كو ئەو د كویراتیا تاریاتیێ دا بۆ رۆژا دادكرنێ د زنجیركری بن

یەهودا 1:6

هەروەسا وی، ئەو فریشتەیێن پێگەهێ خۆ نەپاراستی و جهێ خۆ هێلای، ل بن تاریاتیێ ب قەیدێن هەروهەری بۆ دادكرنا رۆژا مەزن هێلان.

ئاشكراكرن 14:10

ئەو ژی دێ ژ شەرابا تۆڕەبوونا خودێ یا دژوار ڤەخۆت، ئەوا چ تشت ل گەل نەهاتینە تێكهەلكرن و پەرداغا تۆڕەبوونا خودێ ژێ هاتیە داگرتن، هەروەسا دێ ب ئاگری و كپریتێ ل پێشیا فریشتەیێن پیرۆز و ل پێشیا بەرخی هێتە ئەشكەنجەدان