1 تیمۆتاوس 5:17 - ئنجیلا پیرۆز

¹⁷ ئەو ریهسپیێن ب باشی رێڤەبەریێ دكەن، بلا بهێنە دیتن كو ژ هەژی رێزگرتنەكا دووجاركینە، ب تایبەت ئەوێن د پەیڤێ و فێركرنێ دا وەستیانێ دكێشن.

1 تیمۆتاوس 5:17 ပူးပေါင်းရင်းမြစ်များ

مزگینیا مەتتای 24:25

ئەڤە من پێشوەخت گۆتە هەوە،

مزگینیا لوقای 10:7

هوین د وێ مالێ دا بمینن و بخۆن و ڤەخۆن ژ وی تشتێ وان هەی، چنكو پالە هەژی كرێیا خۆیە. ژ مالەكێ بۆ مالەكێ نەچن.

مزگینیا لوقای 12:42

خودانی گۆت: «ئەڤجا ئەو بریكارێ دلسۆز و ئاقلمەند كیە، ئەوێ خودان وی بكەتە بەرپرسێ خزمەتكارێن خۆ، دا بەهرا وان ژ خوارنێ د دەمێ وێ دا بدەتێ؟

مزگینیا یوحەننای 4:38

من هوین هنارتن، دا وی بدروین یێ هوین پێڤە نەوەستیاین. هندەكێن دی یێن وەستیاین و هوین بەرهەمێ وەستیانا وان دچنن.»

كارێن هنارتیان 11:30

وان ئەڤ چەندە كر و ب دەستێ بارناباسی و شائوولی بۆ ریهسپیان هنارت.

كارێن هنارتیان 20:35

د هەمی تشتان دا، من نیشا هەوە دا، كو فەرە هوین هۆسا خۆ بۆ هاریكاریا بێهێزان بوەستینن، پەیڤێن خودان عیسای ل بیرا هەوە بن، كو گۆتیە: ‹بەختەوەریا دانێ ژ یا وەرگرتنێ پترە.›»

كارێن هنارتیان 28:10

وان گەلەك رێز ل مە گرت و دەمێ ئەم ب رێ كەفتین، تشتێن پێدڤی بۆ مە داگرتن.

رۆما 12:8

ئەگەر هاندان بیت، بلا هاندانێ بكەت. ئەوێ هاریكاریێ بكەت، بلا ب مەردینی بكەت. ئەوێ سەروەریێ بكەت، بلا ب دلگەرمی بكەت و ئەوێ دلۆڤانیێ دبەت، بلا ب دلخۆشی وە بكەت.

رۆما 15:27

وان پێخۆش بوو و ب راستی ژی ئەو قەردارێن وانن، چنكو ئەگەر نەجوهی بووینە هەڤپشك د تشتێن روحانی یێن جوهیان دا، پێدڤیە ژی ئەو ب تشتێن ماددی خزمەتا وان بكەن.

رۆما 16:12

سڵاڤان ل تریفانایێ و تریفۆسایێ بكەن، ئەوێن خۆ د خزمەتا خودانی دا دوەستینن. سڵاڤان ل پەرسیسا خۆشتڤی بكەن، ئەوا گەلەك خۆ د خزمەتا خودانی دا وەستاندی.

1 كورنتۆس 15:10

لێ ئەز چ بم، ئەز ب كەرەما خودێ ئەوم و كەرەما وی یا بۆ من هاتیە دان یا ژ قەستا نەبوو، ب راستی من ژ وان هەمیان پتر كار كر. لێ نە من كار دكر، كەرەما خودێ، ئەوا ل گەل من، كار دكر.

1 كورنتۆس 16:16

كو هوین ملكەچی كەسێن وەسا بن و هەر ئێكێ د ڤی كاری دا پشكداریێ دكەت و تێدا دوەستیێت.

1 كورنتۆس 3:9

چنكو ئەم پێكڤە بۆ خودێ كار دكەین، هوین ژی زەڤیا خودێنە و ئاڤاهیێ خودێنە.

2 كورنتۆس 6:1

ئەم وەك یێن كو ل گەل خودێ كار دكەین، هیڤی ژ هەوە دكەین كو وەرگرتنا كەرەما وی ژ لایێ هەوە ڤە یا ژ قەستا نەبیت.

گالاتیا 6:6

ئەوێ فێری پەیڤێ دبیت، بلا پشكەكێ ژ هەمی تشتێن خۆ یێن باش، بكەتە بەهرا مامۆستایێ خۆ.

فیلیپی 2:16

خۆ موكم ب پەیڤا ژیانێ ڤە بگرن، دا د رۆژا مەسیحی دا شانازیێ ببەم، كو بەزین و رەنجكێشانا من ب ئاڤێ دا نەچوویە.

فیلیپی 2:29

ئەڤجا ژ بەر خاترا خودانی وی ب شادیەكا مەزن قەبیل بكەن. رێزێ ژی ل یێن وەكو وی بگرن،

فیلیپی 4:3

بەلێ، ئەز داخوازێ ژ تە ژی دكەم، هەی هەڤكارێ من یێ دلسۆز، هاریكاریا وان ژنان بكە، د خەباتا مزگینیێ دا ئەوان ل گەل من بزاڤ كریە، هەروەسا ل گەل كلیمەنتۆسی و هەڤكارێن من یێن دی ژی، ئەوێن ناڤێن وان د پەرتووكا ژیانێ دا.

1 تیمۆتاوس 3:5

ما ئەگەر كەسەك نەزانیت رێڤەبەریا مالا خۆ بكەت، دێ چەوا چاڤێ خۆ دەتە جڤاكا گازیكریێن خودێ؟

1 تیمۆتاوس 4:10

ژ بۆ ڤێ چەندێ ئەم رەنجێ دكێشین و خەباتێ دكەین، چنكو مە هیڤیا خۆ ب خودایێ زیندی ڤە گرێ دایە، ئەوێ كو قورتالكەرێ هەمی مرۆڤانە، ب تایبەت یێ باوەردارانە.

1 تیمۆتاوس 4:14

خەمساریێ نەكە د وێ بەهرەیا روحانی یا د تە دا، ئەوا ب سرۆشێ خودێ بۆ تە هاتیە دان، دەمێ جڤاتا ریهسپیان دەستێن خۆ داناینە سەر تە.

1 تیمۆتاوس 4:16

چاڤێ تە ل تە و فێركرنا تە بیت و ل سەر بەردەوام ببە، چنكو ئەگەر تۆ وە بكەی، دێ خۆ و ئەوێن تە دبهیسن ژی قورتال كەی.

1 تیمۆتاوس 4:6

ئەگەر تۆ خویشك و برایان فێری ڤان تشتان بكەی، دێ خزمەتكارەكێ باش یێ مەسیح عیسای بی، خزمەتكارەكێ پەروەردەبووی ل سەر پەیڤێن باوەریێ و فێركرنا باش یا تۆ ل دویڤ دچی.

1 تیمۆتاوس 5:19

سكالایێ ل سەر چ ریهسپیان قەبیل نەكە، ئەگەر دوو یان سێ شاهد نەبن.

1 تیمۆتاوس 5:3

رێزێ ل وان بیژنان بگرە یێن كو ب دروستی بیژنن.

2 تیمۆتاوس 2:6

دڤێت جۆتیارێ رێنجبەر ئێكەم كەس بیت بەهرا خۆ ژ بەرهەمی ببەت.

2 تیمۆتاوس 4:2

پەیڤێ رابگەهینە، ل دەمێ گونجای و نە گونجای یێ ئامادە بە. خەلكی پاشڤە ببە، ل وان بحەیتینە و هاندانا وان بكە، ب هەمی بێهنفرەهی وان فێر بكە.

عیبرانی 13:17

گوهداریا رێبەرێن خۆ بكەن و ملكەچی وان بن، چنكو ئەو وەكو ئێكێ دێ حساب ل گەل هێتە كرن چاڤدێریێ ل گیانێ هەوە دكەن. هوین وێ چەندێ بكەن، دا ئەو ب كەیفخۆشی ب كارێ خۆ راببن، نە ب بێزاری، چنكو ئەگەر هوین وان بێزار بكەن، بۆ هەوە یا بێ مفایە.

عیبرانی 13:24

سڵاڤان ل هەمی رێبەرێن خۆ و ل هەمی پیرۆزكریان بكەن. ئەوێن ل ئیتالیا سڵاڤان ل هەوە دكەن.

عیبرانی 13:7

رێبەرێن خۆ بیننە بیرا خۆ، ئەوێن پەیڤا خودێ بۆ هەوە گۆتی. ل ئەنجامێ شێوازێ ژیانا وان بنێڕن و چاڤ ل باوەریا وان بكەن.