1 تیمۆتاوس 5:10 - ئنجیلا پیرۆز

¹⁰ و ل سەر كریارێن چاك شاهدەیی بۆ بهێتە دان: ئەگەر زاڕۆكێن خۆ بخودان كربن، مێڤان حەواندبن، پێیێن پیرۆزكریان شویشتبن، هاریكاریا كەسێن د تەنگاڤیێ دا كربیت و ل دویڤ هەر كارەكێ باش چووبیت.

1 تیمۆتاوس 5:10 ပူးပေါင်းရင်းမြစ်များ

مزگینیا مەتتای 25:17

هەروەسا یێ دوو تالانت برین، ئەوی ژی دوو قازانج كرن.

مزگینیا مەتتای 5:16

بلا ب ڤی رەنگی رۆناهیا هەوە بەرامبەری خەلكی شەوقێ بدەت، دا كارێن چاك یێن هەوە ببینن و بابێ هەوە یێ ل ئەسمانان مەزن بكەن.

مزگینیا لوقای 7:38

و ل پشت عیسای و ل نك هەردوو پێیێن وی و ب گریڤە راوەستیا و دەست پێ كر ب رۆندكان پێیێن وی تەڕ كرن و ب پرچا خۆ زوها كرن و هەردوو پێیێن وی ماچی دكرن و بێهنا خۆش لێ دكر.

مزگینیا لوقای 7:44

پاشی بەرێ خۆ دا ژنكێ و گۆتە شەمعونی: «تۆ ڤێ ژنكێ دبینی؟ ئەز هاتمە مالا تە و تە ئاڤەك نەئینا ئەز پێیێن خۆ پێ بشووم، لێ ئەوێ پێیێن من ب رۆندكان شویشتن و ب پرچا خۆ ڤەمالین.

كارێن هنارتیان 10:22

ئینا وان گۆت: «كورنیلیۆسێ سەرلەشكەر، مرۆڤەكێ راستدار و ژ خودێ ترسە و ناڤودەنگەكێ باش د ناڤ هەمی مللەتێ جوهیان دا هەیە و وی فەرمان ژ فریشتەیەكێ پیرۆز وەرگرتییە، كو تە گازی بكەتە مالا خۆ، دا گوهێ خۆ بدەتێ، كا تە چ ئاخفتن هەنە.»

كارێن هنارتیان 22:12

ل وێرێ زەڵامەك ب ناڤێ حەنانیا هەبوو، ل دویڤ دەستووری یێ ژ خودێ ترس بوو، وی ناڤودەنگەكێ باش د ناڤ هەمی جوهیێن وێرێ دا هەبوو،

كارێن هنارتیان 6:3

ئەڤجا گەلی برایان، د ناڤ خۆ دا حەفت زەڵامان هەلبژێرن كو ناڤودەنگێن وان یێ باش بیت و دپڕ بن ژ گیانێ پیرۆز و ئاقلمەندیێ، دا وان دانینە سەر ڤی كاری.

كارێن هنارتیان 9:36

ل باژێڕێ یافا شاگردەك هەبوو ناڤێ وێ تابیتا بوو و ب یونانی دگۆتنێ دۆركاس، هەردەم چاكی دكرن و هاریكاریا هەژاران دكر.

كارێن هنارتیان 9:39

پەترۆس رابوو و ل گەل وان چوو. دەمێ گەهشتی، ئەو ب سەرئێخستە ژۆرا سڵال. هەمی بیژن ل دەوروبەرێن وی راوەستیان و دگریان و ئەو كراس و جلك نیشا ددان، یێن دۆركاسێ ب ساخیا خۆ بۆ وان چێكربوون.

رۆما 12:13

بۆ پێدڤیێن پیرۆزكریان د هاریكار بن، د مێڤان حەوین بن.

ئەفەسۆس 2:10

چنكو ئەم چێكریێن خودێینە، د ئێكبوونا ل گەل مەسیح عیسای دا هاتینە ئافراندن، دا ئەم د ڤان كریارێن باش دا، یێن خودێ پێشوەخت ئامادە كرین، بڕێڤە بچین.

كۆلۆسی 1:10

دا ب شێوەیەكی بژین كو هەژی خودانی بیت و ژ هەمی لایان ڤە جهێ رازیبوونا وی بن، د هەر كارەكێ باش دا د بەرهەمدار بن و د نیاسینا خودێ دا وەرارێ بكەن،

1 تیمۆتاوس 2:10

لێ ب كریارێن باش، كو بكێر وان ژنكان بهێن یێن ب ئاشكرایی دبێژن ئەم خودێترسین.

1 تیمۆتاوس 3:2

ئەڤجا پێدڤیە چاڤدێر: گازندە ل سەر نەبیت، مێرێ ئێك ژن بیت، ل سەر خۆ یێ زاڵ بیت، خودان رەفتارەكا ئاقلانە بیت، یێ رێزدار بیت، یێ مێڤاندار بیت و بشێت فێركرنێ بكەت،

1 تیمۆتاوس 3:7

هەروەسا پێدڤیە ناڤودەنگەكێ باش د ناڤ یێن ژ دەرڤە دا هەبیت، دا نەكەڤیتە شەرمزاریێ و خەفكا ئبلیسی.

1 تیمۆتاوس 5:16

ئەگەر باوەردارەكێ بیژن هەبن، بلا هاریكاریا وان بكەت و بارێ جڤاكا باوەرداران گران نەكەت، دا جڤاك هاریكاریا وان بكەت یێن ب دروستی بیژنن.

1 تیمۆتاوس 5:25

هەروەسا كریارێن باش د دیارن، یێن نە د دیار ژی د شیان دا نینە بهێنە ڤەشارتن.

1 تیمۆتاوس 6:18

وان راسپێرە كو باشیێ بكەن، ب كریارێن باش د دەولەمەند بن، د مەرد بن و بۆ پشكداریێ ژ مالێ خۆ ل گەل كەسێن دی د ئامادە بن.

2 تیمۆتاوس 1:5

باوەریا تە یا بێ دووڕویاتی دئینمە بیرا خۆ، ئەوا ل بەراهیێ د دلێ داپیرا تە لۆئیسێ دا و د دلێ دایكا تە ئەونیكێ دا ئاكنجی و ئەز یێ پشتڕاستم كو ئەو د دلێ تە ژی دا یا ئاكنجیە.

2 تیمۆتاوس 2:21

ئەڤجا ئەگەر ئێك خۆ ژ ڤان تشتان پاقژ بكەت، دێ بیتە ئامانەكێ بڕێز، یێ پیرۆزكری، یێ بكێرهاتی بۆ خودانێ خۆ و یێ ئامادە بۆ هەمی كارێن باش.

2 تیمۆتاوس 3:15

هەروەسا تۆ ژ ساڤایەتیێ وەرە ژ نڤیسارێن پیرۆز دزانی، ئەوێن دشێن تە ئاقلدار بكەن، كو تۆ ب رێكا باوەریا ب مەسیح عیسای قورتال ببی.

2 تیمۆتاوس 3:17

دا مرۆڤێ خودێ یێ بێكێماسی بیت و بۆ هەر كارەكێ باش یێ ئامادە بیت.

تیتۆس 2:14

ئەوێ خۆ گۆری مە كری، دا مە ژ هەمی گونەهان رزگار بكەت و پاك بكەت و بكەتە خەلكێ خۆ یێ تایبەت یێ دلگەرم بۆ كریارێن باش.

تیتۆس 2:7

ژ هەمی لایان ڤە تۆ بۆ وان ببە نموونەیا كریارێن باش، د فێركرنا خۆ دا یێ بێسەختە و سەنگین بە،

تیتۆس 3:1

بیرا وان بینە كو ملكەچی سەروەر و دەستهەلاتداران بن، گوهداریا وان بكەن و بۆ هەر كارەكێ باش د ئامادە بن.

تیتۆس 3:14

پێدڤیە خەلكێ مە یێ باوەردار ژی فێر ببن كو پویتەی ب كریارێن باش بدەن، داكو پێدڤیێن فەر بۆ كەسێن دی دابین بكەن، هۆسا ئەو د بێبەرهەم نابن.

تیتۆس 3:8

ئەڤ گۆتنە جهێ پشتڕاستیێیە. من دڤێت تۆ ل سەر ڤان تشتان یێ رژد بی، دا ئەوێن باوەری ب خودێ ئینای پویتەی ب كرنا كارێن باش بدەن. ئەو تشت د باش و مفادارن بۆ مرۆڤان.

عیبرانی 10:24

هەروەسا بلا هزرا خۆ د هندێ دا بكەین كا چەوا ئێكودوو هانبدەین بۆ حەزژێكرنێ و كارێن چاك.

عیبرانی 13:2

مێڤانداریا بیانیان ژ بیر نەكەن، چنكو ب ڤێ چەندێ هندەك كەسان فریشتە مێڤان كرینە، بێی كو بزانن.

عیبرانی 13:21

هەوە ب هەر تشتەكێ باش ئامادە بكەت، دا هوین حەزا وی ب ج‍‌ھ بینن. بلا كارێ ب دلێ خۆ ب رێیا عیسایێ مەسیح د مە دا بكەت، هەتا هەتایێ مەزناهی بۆ وی بیت. ئامین.

1 پەترۆس 2:12

بلا د ناڤ مللەتان دا رەفتارێن هەوە د باش بن، دا سەرەڕای كو ئەو نەكامیا هەوە دكەن كو هوین خرابكارن، كریارێن هەوە یێن باش ببینن و پەسنا خودێ بكەن د رۆژا هاتنا وی دا.

1 پەترۆس 4:9

بێی پتەپت مێڤانداریا ئێكودوو بكەن.

3 یوحەننا 1:12

سەبارەت دیمیتریۆسی، هەمی كەس بۆ باشیا وی شاهدەییێ ددەن، خۆ پەیاما راستیێ ب خۆ ژی شاهدەییێ بۆ ددەت. ئەم ژی شاهدەییێ بۆ ددەین و هوین دزانن كو شاهدەییا مە یا راستە.