1 تیمۆتاوس 4:6 - ئنجیلا پیرۆز

⁶ ئەگەر تۆ خویشك و برایان فێری ڤان تشتان بكەی، دێ خزمەتكارەكێ باش یێ مەسیح عیسای بی، خزمەتكارەكێ پەروەردەبووی ل سەر پەیڤێن باوەریێ و فێركرنا باش یا تۆ ل دویڤ دچی.

1 تیمۆتاوس 4:6 ပူးပေါင်းရင်းမြစ်များ

مزگینیا مەتتای 13:52

پاشی گۆتە وان: «ئەڤجا هەر مامۆستایەكێ دەستووری یێ ل سەر پاشایەتیا ئەسمانان هاتیە پەروەردەكرن، وەكو خودان ملكەكیە، ئەوێ ژ گەنجینەیا خۆ، تشتێن نوی و یێن كەڤن دەردئێخیت.»

مزگینیا لوقای 1:3

پشتی من هەمی تشت ژ دەستپێكێ ب هویری شڕۆڤە كرین، من ژی ب باشی دیت، ب رێكوپێكی بۆ تە بنڤیسم،

كارێن هنارتیان 1:15

د وان رۆژان دا، پەترۆس د ناڤ باوەرداران دا، كو ژمارەیا وان نێزیكی سەد و بیست كەسان بوو، رابوو و گۆت:

كارێن هنارتیان 20:31

ژ بەر ڤێ چەندێ د هشیار بن، ل بیرا هەوە بیت كو سێ ساڵان ب شەڤ و رۆژ، بێ راوەستیان، ب رۆندكان من هوین شیرەت كرینە.

كارێن هنارتیان 20:35

د هەمی تشتان دا، من نیشا هەوە دا، كو فەرە هوین هۆسا خۆ بۆ هاریكاریا بێهێزان بوەستینن، پەیڤێن خودان عیسای ل بیرا هەوە بن، كو گۆتیە: ‹بەختەوەریا دانێ ژ یا وەرگرتنێ پترە.›»

رۆما 15:15

لێ من دەربارەی هندەك خالان، وەكو بیرئینان، ب وێرەكیەكا زێدە بۆ هەوە نڤیسیە، ژ بەر وێ كەرەما بۆ من ژ لایێ خودێ ڤە هاتیە دان،

1 كورنتۆس 4:17

ژ بەر ڤێ چەندێ من تیمۆتاوس هنارتە نك هەوە، كو ئەو زاڕۆكێ منێ خۆشتڤی و دلسۆزە د ئێكبوونا ل گەل خودانی دا، ئەو دێ رێكێن من د باوەریا مەسیح عیسای دا ئینیتە بیرا هەوە، كا چەوا ئەز ل هەر جڤاكەكا باوەرداران، ل هەر جهەكی، فێركرنێ دكەم.

2 كورنتۆس 11:23

ئەگەر ئەو خزمەتكارێن مەسیحینە، (ئەز وەكو ئێكێ دین دبێژم) ئەز ژ وان باشترم: من زێدەتر رەنجا بری، پتر یێ هاتیمە زیندانكرن، پتر لێدان ب من كەفتیە، گەلەك جاران روی ب روی مرنێ بوویمە.

2 كورنتۆس 3:6

ئەوێ شیان دایە مە، دا تێرا هندێ بكەین كو ببینە خزمەتكارێن پەیمانا نوی، نە پەیمانا پیتێ، لێ پەیمانا گیانێ پیرۆز. چنكو پیت دكوژیت، لێ گیان ژیانێ ددەت.

2 كورنتۆس 6:4

لێ د هەمی تشتان دا، ئەم خۆ وەكو خزمەتكارێن خودێ پەسەند دكەین: د گەلەك خۆڕاگرتنێ دا، د تەنگاڤیان دا، د بن فشاران ڤە، د دژواریان دا،

ئەفەسۆس 6:21

تیخیكۆس، برایێ خۆشتڤی و خزمەتكارێ دلسۆز ب ئێكبوونا ل گەل خودانی، دێ هەمی تشتان بۆ هەوە بێژیت، دا هوین ژی بزانن كا رەوشا من یا چەوایە و ئەز چ دكەم.

فیلیپی 2:20

چنكو من كەسەكێ دی یێ وەكو وی نینە، كو ژ دل و دەروون خەمێ ژ كاروبارێن هەوە بخۆت،

فیلیپی 2:22

لێ هوین دزانن كو تیمۆتاوسی خۆ یێ سەلماندی، چنكو كا چەوا كوڕ ل گەل بابێ خۆ خزمەتێ دكەت، وی وەسا ل گەل من د كارێ مزگینیێ دا خزمەت كریە.

فیلیپی 3:16

ب تنێ، بلا ل دویڤ وی ئاستێ ئەم گەهشتینێ، بژین.

كۆلۆسی 2:19

و خۆ ب سەری ڤە نەگرتیە. ژ وی سەری، هەمی لەش ب رێكا گە‍‌ھ و رەهان، دهێتە پشتەڤانیكرن و پێكڤە دهێتە گرێدان، وەسا لەش وەرارێ دكەت، وەراركرنەكا ژ لایێ خودێ ڤە.

كۆلۆسی 3:16

بلا پەیڤا مەسیحی ب دەولەمەندیا خۆ د دلێ هەوە دا ئاكنجی ببیت، هوین ژی ب هەمی ئاقلمەندی ئێكودوو فێر بكەن و ئاگەهدار بكەن، زەبووران و سروود و سترانێن روحانی، ب سوپاسداری ژ دلێ خۆ بۆ خودێ بسترن.

كۆلۆسی 4:7

تیخیكۆس، برایێ خۆشتڤی و خزمەتكارێ دلسۆز و هەڤبەنیێ مە د ئێكبوونا ل گەل خودانی دا، دێ هەمی تشتان دەربارەی رەوشا من گەهینیتە هەوە.

1 سالونیكی 3:2

و مە تیمۆتاوس هنارت، كو برا و هەڤكارێ مەیە بۆ خودێ د مزگینیا مەسیحی دا، داكو هەوە د باوەریا هەوە دا قاییم بكەت و هانبدەت،

1 تیمۆتاوس 1:10

بۆ دەهمەنپیسان، نێربازان، مرۆڤ دزان، درەوینان، یێن ژ درەو سویند دخۆن و بۆ هەر تشتەكێ دژی فێركرنا ساخلەم بیت، هاتیە دانان.

1 تیمۆتاوس 4:16

چاڤێ تە ل تە و فێركرنا تە بیت و ل سەر بەردەوام ببە، چنكو ئەگەر تۆ وە بكەی، دێ خۆ و ئەوێن تە دبهیسن ژی قورتال كەی.

1 تیمۆتاوس 6:3

ئەگەر ئێك فێركرنەكا دی فێری خەلكی دكەت و ل گەل پەیڤێن ساخلەم یێن خودانێ مە عیسایێ مەسیح و فێركرنا ل دویڤ خودێترسیێ رێك ناكەڤیت،

2 تیمۆتاوس 1:6

ژ بەر ڤێ چەندێ ئەز بیرا تە دئینم كو تۆ دیاریا خودێ بشارینی، ئەوا وی دایە تە ب رێكا دەستدانانا من ل سەر تە.

2 تیمۆتاوس 3:10

لێ هندی تۆی، تە ژ نێزیك ئاگە‍‌ھ ژ فێركرنا من، رەفتارا من، مەبەستا من، باوەریا من، بێهنفرەهیا من، حەزژێكرنا من، خۆڕاگریا من،

2 تیمۆتاوس 4:3

چنكو دەمەك دێ هێت، خۆ ل بەر فێركرنا ساخلەم ناگرن، لێ ل دویڤ ئارەزوویێن خۆ دێ مامۆستایان ل دۆرێن خۆ كۆم كەن كو تشتێ خۆش بۆ گوهێ وان بێژن

تیتۆس 2:1

لێ تۆ، وان تشتان بێژە یێن گونجای ل گەل فێركرنا ساخلەم.

1 پەترۆس 2:2

مادەم هەوە تام كریە كو خودان یێ باشە، ئێدی وەكو زاڕۆكێن ساڤا، دلێ خۆ ببەنە شیرێ روحانی یێ بێسەختە، دا بۆ قورتالبوونێ وەرارێ پێ بكەن.

2 یوحەننا 1:9

هەر كەسێ پێنگاڤێن زێدە بهاڤێژیت و د فێركرنا مەسیحی دا بنەج‍‌ھ نەبیت، وی بەهر د خودێ دا نینە. ئەوێ د وێ فێركرنێ دا بنەج‍‌ھ ببیت، وی بەهر یا د بابی دا و د كوڕی ژی دا هەی.

یەهودا 1:5

ئەڤجا من دڤێت بیرا هەوە بینم، هەر چەندە هوین ڤان هەمی تشتان دزانن، كو پشتی خودانی گەلێ خۆ ژ ئەردێ مسرێ رزگار كری، ئەوێن باوەری نەئینای ژ ناڤ برن.