1 تیمۆتاوس 4:16 - ئنجیلا پیرۆز

¹⁶ چاڤێ تە ل تە و فێركرنا تە بیت و ل سەر بەردەوام ببە، چنكو ئەگەر تۆ وە بكەی، دێ خۆ و ئەوێن تە دبهیسن ژی قورتال كەی.

1 تیمۆتاوس 4:16 ပူးပေါင်းရင်းမြစ်များ

مزگینیا مەرقۆسی 13:9

لێ هوین د هشیار بن. ئەو دێ هەوە رادەستی دادگەهان كەن و دێ ل كنیشتەیان هێنە قوتان و ژ بەر من ل بەرامبەر حوكمداران و پاشایان دێ هێنە راوەستاندن، دا هوین ل بەرامبەری وان شاهدەییێ بدەن.

مزگینیا لوقای 21:34

هشیاری خۆ بن، نەكو دلێن هەوە ب مەی ڤەخوارنێ و سەرخۆشیێ و خەمێن ژیانێ گران ببن و ئەو رۆژ ژ نشكەكێ ڤە ب سەر هەوە دا بهێت،

كارێن هنارتیان 26:22

لێ من هاریكاری ژ خودێ وەرگرت، لەوما هەتا ئەڤرۆ ئەز راوەستیایمە و شاهدەییێ ددەمە بچویكی و مەزنی. ئەز چ دی نابێژم، ژبلی وان تشتێن مووسای و پێغەمبەران گۆتی كو دێ روی دەن:

كارێن هنارتیان 6:4

لێ ئەم دێ ل سەر نڤێژان و خزمەتا پەیڤێ د بەردەوام بین.»

رۆما 11:14

بەلكو ب ڤێ چەندێ ئەز چاڤپێڕانەبوونا مللەتێ خۆ بئازرینم و هندەكان ژ وان قورتال بكەم.

رۆما 16:17

ئەڤجا، گەلی خویشك و برایان، ئەز هیڤی ژ هەوە دكەم كو هوین هشیاری وان مرۆڤان بن، یێن بەروڤاژی وێ فێركرنا هەوە وەرگرتی، ناكۆكی و هەلنگفتنێ دروست دكەن. خۆ ژ وان دویر بئێخن.

رۆما 2:7

دێ ژیانا هەروهەر دەتە وان، یێن ب رێكا بەردەوامبوونێ ل سەر كریارێن باش بزاڤێ دكەن كو مەزناهیێ و سەربلندیێ و نەمریێ وەكو خەلات ژ نك خودێ وەرگرن.

1 كورنتۆس 1:21

بەلێ، چنكو مادەم خودێ ب ئاقلمەندیا خۆ نەهێلا كو جیهان ب ئاقلمەندیا خۆ وی بنیاسیت، جهێ دلخۆشیا خودێ بوو كو وان یێن باوەریێ دئینن قورتال بكەت، ب وێ مزگینیێ یا خەلكەكی ددیت كو بێئاقلیە.

1 كورنتۆس 9:22

ل گەل لاوازان من خۆ لاواز كر، دا ئەز یێن لاواز قازانج بكەم. ئەز بۆ هەمی كەسان یێ بوویمە هەمی تشت، دا ب هەر شێوەیەكێ هەبیت بشێم هندەكان قورتال بكەم.

1 كورنتۆس 9:27

ئەز دژواریێ ل لەشێ خۆ دكەم و وی دكەمە بەنی، دا پشتی من ئامۆژگاری ل هندەكێن دی كری، ئەز ب خۆ ژ یاریێ نەهێمە دەرئێخستن.

ئەفەسۆس 4:14

هۆسا ئەم ئێدی وەكو زاڕۆكان نابین، ل بەر پێلان هێڤە و وێڤە بهێینە هاڤێتن و ب درەوێن مرۆڤان ل بەر بایێ هەر فێركرنەكێ بهێینە ئینان و برن، ئەو مرۆڤێن كو ب فێلبازیان دخاپینن و د سەر دا دبەن.

كۆلۆسی 4:17

بێژنە ئارخیپۆسی: «خەمخۆرێ وێ خزمەتێ بە یا تە ژ خودانی وەرگرتی، دا وێ ب ج‍‌ھ بینی.»

1 سالونیكی 2:16

ئەو رێ نادەن كو ل گەل مللەتێن دی بئاخڤین دا قورتال ببن. ب ڤێ چەندێ ژی ئەو وەكو هەر جار چانتكێ خۆ یێ گونەهان تژی دكەن و ل دویماهیێ تۆڕەبوونا خودێ هاتە سەر وان.

1 تیمۆتاوس 1:3

هەروەكو من ژ دل داخواز ژ تە كری، دەمێ ئەز دچوومە مەقدۆنیایێ، تۆ ل ئەفەسۆسێ بمینە، دا هندەك كەسان راسپێری كو فێركرنەكا دی نەكەن،

1 تیمۆتاوس 4:15

خەمێ ژ وان تشتان بخۆ و ل سەر بمینە، دا پێشكەفتنا تە بۆ هەمی كەسان یا دیار بیت.

1 تیمۆتاوس 4:6

ئەگەر تۆ خویشك و برایان فێری ڤان تشتان بكەی، دێ خزمەتكارەكێ باش یێ مەسیح عیسای بی، خزمەتكارەكێ پەروەردەبووی ل سەر پەیڤێن باوەریێ و فێركرنا باش یا تۆ ل دویڤ دچی.

2 تیمۆتاوس 2:10

لەوما ژ پێخەمەت هەلبژارتیان ئەز خۆ ل بەر هەمی تشتان دگرم، دا ئەو ژی قورتالبوونا ب رێكا مەسیح عیسای دهێت ل گەل مەزناهیا هەروهەر وەرگرن.

2 تیمۆتاوس 3:14

لێ تۆ ل سەر وان تشتێن فێربوویێ و ژێ پشتڕاست بووی بەردەوام بە، چنكو تۆ دزانی تۆ ژ كیژان كەسان فێر بوویە،

2 تیمۆتاوس 4:2

پەیڤێ رابگەهینە، ل دەمێ گونجای و نە گونجای یێ ئامادە بە. خەلكی پاشڤە ببە، ل وان بحەیتینە و هاندانا وان بكە، ب هەمی بێهنفرەهی وان فێر بكە.

تیتۆس 1:9

دڤێت خۆ ب پەیاما جهێ باوەریێ ڤە بگریت، هەروەكو ئەو هاتیە فێركرن، دا بشێت هاندانێ ب فێركرنا ساخلەم بكەت و شاشیێن بەرهنگارێن وێ فێركرنێ دیار بكەت.

تیتۆس 2:15

ڤان تشتان ب هەمی دەستهەلاتی بێژە، ئاگەهدار بكە و پاشڤە ببە. بلا كەس سڤكاتیێ ب تە نەكەت.

تیتۆس 2:7

ژ هەمی لایان ڤە تۆ بۆ وان ببە نموونەیا كریارێن باش، د فێركرنا خۆ دا یێ بێسەختە و سەنگین بە،

فلیمون 1:19

ئەز پاولۆس، ڤێ ب دەستێ خۆ دنڤیسم: ئەز دێ وی قەری ل تە ڤەگەڕینم. من نەڤێت بێژمە تە كو تۆ ب ژیانا خۆ قەردارێ منی.

عیبرانی 12:15

هەوە های ژێ هەبیت نەكو كەسەك ب كەرەما خودێ را نەگەهیت و رەهەكا تەحل د ناخێ هەوە دا وەرارێ نەكەت، كو ببیتە ئەگەرێ ئارێشەیێ و ب رێكا وێ رەهێ گەلەك كەس بهەڕمن،

عیبرانی 13:9

بلا فێركرنێن جۆرا و جۆر و بیانی هەوە ڤاڕێ نەكەن. باشە دل ب كەرەمێ بهێتە قاییم كرن، نە ب خوارنێن تایبەت، یێن كو مفای ناگەهیننە وان یێن ل سەر دچن.

یەعقوب 5:20

بلا بزانیت كو ئەوێ گونەهكارەكی ژ رێكا وی یا ڤاڕێ ڤەگەڕینیت، ئەو دێ كەسەكی ژ مرنێ قورتال كەت و گەلەك گونەهان نخێڤیت.