1 تیمۆتاوس 4:12 - ئنجیلا پیرۆز

¹² بلا كەس سڤكاتیێ ب گەنجاتیا تە نەكەت، لێ د ئاخفتنێ دا، د رەفتارێ دا، د حەزژێكرنێ دا، د باوەریێ دا، د دەهمەنپاكیێ دا بۆ باوەرداران ببە نموونە.

1 تیمۆتاوس 4:12 ပူးပေါင်းရင်းမြစ်များ

مزگینیا مەتتای 18:10

«هشیار بن، كەس ب سڤكاتی بەرێ خۆ نەدەتە ئێك ژ ڤان بچویكان! ئەز دبێژمە هەوە: فریشتەیێن وان ل ئەسمانان هەردەم دێمێ بابێ من یێ ل ئەسمانان دبینن.

1 كورنتۆس 11:1

چاڤ ل من بكەن، هەروەكو ئەز چاڤ ل مەسیحی دكەم.

فیلیپی 4:8

ل دویماهیێ گەلی خویشك و برایان، هەر تشتێ راستی، هەر تشتێ بڕێز، هەر تشتێ دادپەروەر، هەر تشتێ پاك، هەر تشتێ دلڤەكەر، هەر تشتێ ناڤودەنگەكێ باش هەی، چ ئەو تشت قەنجی بیت، یان ژی تشتەكێ هەژی پەسنێ بیت، هزرێ تێدا بكەن.

1 سالونیكی 1:6

هەوە ژی چاڤ ل مە و خودانی كر، د ناڤ گەلەك تەنگاڤیان دا، ب دلخۆشیا ژ گیانێ پیرۆز، پەیڤ قەبیل كر،

1 سالونیكی 2:10

هوین شاهدن و خودێ ژی شاهدە، كا سەرەدەریا مە ل گەل هەوەیێن باوەردار چەند یا پاك و راست و بێ گازندە بوو.

1 تیمۆتاوس 1:14

كەرەما خودانێ مە ژی بۆ من گەلەك ب سەر دا چوو، ل گەل باوەری و حەزژێكرنا د ئێكبوونا ل گەل مەسیح عیسای دا.

2 تیمۆتاوس 2:15

هەمی بزاڤان بكە كو تۆ وەكو پالەیەكێ جهێ رازیبوونێ، خۆ بۆ خودێ پێشكێش بكەی، پالەیەكێ جهێ شەرمێ د كارێ وی دا نینە، ئەو پەیڤا راستیێ دروست شڕۆڤە دكەت.

2 تیمۆتاوس 2:22

ژ حەزێن گەنجاتیێ بڕەڤە، هەروەسا بزاڤێ بۆ راستداری و باوەری و حەزژێكرن و ئاشتیێ بكە ل گەل وان كەسان یێن ب دلەكێ پاقژ هەوارا خۆ دگەهیننە خودانی.

2 تیمۆتاوس 2:7

هزرا خۆ ل سەر گۆتنێن من بكە، چنكو خودان دێ تێگەهشتنێ بۆ هەمی تشتان دەتە تە.

تیتۆس 2:15

ڤان تشتان ب هەمی دەستهەلاتی بێژە، ئاگەهدار بكە و پاشڤە ببە. بلا كەس سڤكاتیێ ب تە نەكەت.

تیتۆس 2:7

ژ هەمی لایان ڤە تۆ بۆ وان ببە نموونەیا كریارێن باش، د فێركرنا خۆ دا یێ بێسەختە و سەنگین بە،

یەعقوب 3:13

د ناڤ هەوە دا كی یێ ئاقلمەند و تێگەهشتیە؟ بلا ب رەفتارا باش نیشان بدەت كو كریارێن وی ل دویڤ دەروونبچویكیا ئاقلمەندیێ دهێنە كرن.

یەعقوب 3:17

لێ ئەو ئاقلمەندیا ژ سڵال، ئەو بەری هەر تشتی یا پاكە، پاشی یا ئاشتیخوازە، دلنەرمە، سەرنەرمە، پڕی دلۆڤانی و بەرهەمێ چاكە، لایەنگر نینە و بێ دووڕویاتیە.

1 پەترۆس 5:3

خۆ ل سەر وان یێن ل ژێر چاڤدێریا هەوە نەسەپینن، لێ بۆ پەزی ببنە نموونە.