1 تیمۆتاوس 4:10 - ئنجیلا پیرۆز

¹⁰ ژ بۆ ڤێ چەندێ ئەم رەنجێ دكێشین و خەباتێ دكەین، چنكو مە هیڤیا خۆ ب خودایێ زیندی ڤە گرێ دایە، ئەوێ كو قورتالكەرێ هەمی مرۆڤانە، ب تایبەت یێ باوەردارانە.

1 تیمۆتاوس 4:10 ပူးပေါင်းရင်းမြစ်များ

مزگینیا مەتتای 16:16

ئینا شەمعون پەترۆسی بەرسڤا وی دا و گۆت: «تۆ مەسیحی، كوڕێ خودایێ زیندی.»

مزگینیا مەتتای 27:43

خۆ ب هیڤیا خودێ ڤە هێلا، ئەگەر خودێ ئەو بڤێت، بلا نوكە وی قورتال بكەت، چنكو وی گۆتبوو: ‹ئەز كوڕێ خودێمە!›»

مزگینیا یوحەننای 1:29

ل رۆژا د دویڤ دا، یوحەننای دیت عیسا یێ بەرەڤ وی ڤە دهێت، ئینا گۆت: «ئەڤەیە بەرخێ خودێ ئەوێ گونەها جیهانێ رادكەت.

مزگینیا یوحەننای 4:42

و گۆتنە ژنكێ: «ئێدی نە ژ بەر ئاخفتنا تە، ئەم باوەریێ دئینین، لێ چنكو مە ب خۆ بهیست و ئەم دزانین كو ب راستی ئەڤە قورتالكەرێ جیهانێیە.»

مزگینیا یوحەننای 5:24

ب راستی ب راستی دبێژمە هەوە: هەر كەسێ گو‍‌ھ بدەتە پەیڤا من و باوەریێ ب وی بینیت یێ ئەز هنارتیم، وی ژیانا هەروهەر یا هەی. ئەو ناهێتە گونەهباركرن، لێ ئەو ژ مرنێ دەربازی ژیانێ بوویە.

1 كورنتۆس 15:10

لێ ئەز چ بم، ئەز ب كەرەما خودێ ئەوم و كەرەما وی یا بۆ من هاتیە دان یا ژ قەستا نەبوو، ب راستی من ژ وان هەمیان پتر كار كر. لێ نە من كار دكر، كەرەما خودێ، ئەوا ل گەل من، كار دكر.

2 كورنتۆس 1:10

ئەوێ ئەم ژ مرنەكا هندە دژوار رزگار كرین و دێ مە رزگار كەت. مە هیڤیا خۆ ب وی ڤە گرێ دایە كو ئەو دێ ب بەردەوامی مە رزگار كەت،

1 تیمۆتاوس 2:3

ئەڤ چەندە یا باشە و جهێ دلخۆشیێیە ل نك قورتالكەرێ مە خودێ.

1 تیمۆتاوس 2:4

ئەوی دڤێت هەمی مرۆڤ قورتال ببن و بگەهنە زانینا راستیێ.

1 تیمۆتاوس 2:6

ئەوی خۆ وەكو نرخێ ئازادیا هەمی مرۆڤان بەخش كر. ئەڤەیە شاهدەییا د دەمێ وێ یێ گونجای دا هاتیە دان.

1 تیمۆتاوس 3:15

دا ئەگەر ئەز گیرۆ ببم، تۆ بزانی كا پێدڤیە ئێك چەوا د مالا خودێ دا رەفتارێ بكەت. ئەو مال جڤاكا گازیكریێن خودایێ زیندیە، ستوین و شەنگستەیێ راستیێیە.

1 تیمۆتاوس 6:17

دەولەمەندێن ڤێ جیهانێ راسپێرە، كو د دفنبلند نەبن و هیڤیا خۆ ب دەولەمەندیا نە مسۆگەر ڤە گرێ نەدەن، لێ هیڤیا خۆ ب خودێ ڤە گرێ بدەن، یێ هەمی تشتان ب زێدەیی ددەتە مە، دا خۆشیێ ژێ وەرگرین.

عیبرانی 11:26

وی ئەڤ شەرمزاریا ژ پێخەمەت مەسیحی ب سامانەكێ مەزنتر ژ گەنجینەیێن مسرێ دانا، چنكو چاڤێ وی ل خەلاتی بوو.

عیبرانی 13:13

ئەڤجا دا بچینە نك وی، ژ دەرڤەی خیڤەتگەهێ و شەرمزاریا وی هەلگرین.

1 پەترۆس 1:21

ب رێكا وی هەوە باوەری ب خودێ هەیە، ئەو خودایێ ئەو ژ ناڤ مریان راكری و مەزناهی دایێ، لەوما باوەری و هیڤیا هەوە ب خودێیە.

1 یوحەننا 2:2

ئەوە كەفارەت بۆ گونەهێن مە، نە ب تنێ بۆ گونەهێن مە، لێ بۆ گونەهێن هەمی جیهانێ ژی.

1 یوحەننا 4:14

مە دیتیە و ئەم شاهدەییێ ددەین كو بابی كوڕێ خۆ هنارت دا ببیتە قورتالكەرێ جیهانێ.