1 تیمۆتاوس 3:7 - ئنجیلا پیرۆز

⁷ هەروەسا پێدڤیە ناڤودەنگەكێ باش د ناڤ یێن ژ دەرڤە دا هەبیت، دا نەكەڤیتە شەرمزاریێ و خەفكا ئبلیسی.

1 تیمۆتاوس 3:7 ပူးပေါင်းရင်းမြစ်များ

مزگینیا مەرقۆسی 4:11

وی گۆتە وان: «نهێنیا پاشایەتیا خودێ بۆ هەوە یا هاتیە دان، لێ بۆ ئەوێن ژ دەرڤە، هەمی تشت ب نموونەیان دهێتە گۆتن

كارێن هنارتیان 10:22

ئینا وان گۆت: «كورنیلیۆسێ سەرلەشكەر، مرۆڤەكێ راستدار و ژ خودێ ترسە و ناڤودەنگەكێ باش د ناڤ هەمی مللەتێ جوهیان دا هەیە و وی فەرمان ژ فریشتەیەكێ پیرۆز وەرگرتییە، كو تە گازی بكەتە مالا خۆ، دا گوهێ خۆ بدەتێ، كا تە چ ئاخفتن هەنە.»

كارێن هنارتیان 22:12

ل وێرێ زەڵامەك ب ناڤێ حەنانیا هەبوو، ل دویڤ دەستووری یێ ژ خودێ ترس بوو، وی ناڤودەنگەكێ باش د ناڤ هەمی جوهیێن وێرێ دا هەبوو،

كارێن هنارتیان 6:3

ئەڤجا گەلی برایان، د ناڤ خۆ دا حەفت زەڵامان هەلبژێرن كو ناڤودەنگێن وان یێ باش بیت و دپڕ بن ژ گیانێ پیرۆز و ئاقلمەندیێ، دا وان دانینە سەر ڤی كاری.

1 كورنتۆس 10:32

نە بۆ جوهیان، نە بۆ مللەتێن دی و نە ژی بۆ جڤاكا گازیكریێن خودێ، نەبنە ئاستەنگ،

1 كورنتۆس 5:12

ما چ كارێ من ب دادكرنا یێن ژ دەرڤە هەیە؟ ما نە پێدڤیە دادكرنا یێن د ژۆرڤە، هوین بكەن؟

2 كورنتۆس 6:3

ئەم د چ تشتی دا بۆ كەسێ ئاستەنگان نادانین، دا گازندە ژ خزمەتێ نەهێنە كرن.

2 كورنتۆس 8:21

چنكو نیازا مە ئەوە ئەم وی تشتی بكەین یێ راست، نە ب تنێ د چاڤێن خودانی دا، لێ د چاڤێن مرۆڤان ژی دا.

كۆلۆسی 4:5

ل بەرامبەری وان یێن كو ژ دەرڤەی باوەریێنە، ب ئاقلمەندی سەرەدەریێ بكەن و دەرفەتا ڤی دەمی ژ دەست نەدەن.

1 سالونیكی 4:12

دا رەفتارا هەوە ل گەل یێن ژ دەرڤە ب شێوەیەكێ سەرفەراز بیت و هوین هەوجەیی كەسێ نەبن.

1 سالونیكی 5:22

خۆ ژ هەمی جۆرێن خرابیێ دویر بئێخن.

1 تیمۆتاوس 3:6

پێدڤیە ئەو باوەردارەكێ نوی نەبیت، دا دفنبلند نەبیت و نەكەڤیتە د دادكرنا ئبلیسی دا.

1 تیمۆتاوس 5:14

لەوما من دڤێت بیژنێن گەنج شوی بكەن، زاڕۆك ببن و د مالدار بن، دەرفەتێ نەدەنە نەیاری كو بوهتانان ب دویڤ مە ڤەنیت.

1 تیمۆتاوس 6:9

لێ ئەوێن دڤێن دەولەمەند ببن، ئەو دكەڤنە تاقیكرنێ و خەفكێ و گەلەك ئارەزوویێن بێئاقلانە و زیانبەخش، یێن مرۆڤی د وێرانكرنێ و ژناڤچوونێ دا نقووم دكەن،

2 تیمۆتاوس 2:26

و ڤەگەڕنە سەر هشێن خۆ و ژ خەفكا ئبلیسی، ئەوێ ب سەر وان دا گرتی كو ب حەزا وی بكەن، قورتال ببن.

تیتۆس 2:5

خودان رەفتارەكا ئاقلانە بن، د دەهمەنپاك بن، د مالدار بن، د باش بن، د ملكەچی مێرێن خۆ بن، دا ب خرابی بەحسێ پەیڤا خودێ نەهێتە كرن.

تیتۆس 2:8

ئاخفتنێن ساخلەم و گازندە ل سەر نەبن ب كار بینە، دا هەر ئێكێ بەرهنگاریێ بكەت شەرمزار ببیت، چنكو ئەوی تشتەكێ خراب نینە ل دژی مە بێژیت.

3 یوحەننا 1:12

سەبارەت دیمیتریۆسی، هەمی كەس بۆ باشیا وی شاهدەییێ ددەن، خۆ پەیاما راستیێ ب خۆ ژی شاهدەییێ بۆ ددەت. ئەم ژی شاهدەییێ بۆ ددەین و هوین دزانن كو شاهدەییا مە یا راستە.