1 تیمۆتاوس 3:3 - ئنجیلا پیرۆز

³ مەی ڤەخۆر نەبیت و توند نەبیت، لێ یێ دلنەرم بیت، شەڕفرۆش نەبیت و حەزژێكەرێ پارەی نەبیت.

1 تیمۆتاوس 3:3 ပူးပေါင်းရင်းမြစ်များ

مزگینیا مەتتای 21:13

و گۆتە وان: «یا هاتیە نڤیسین: ‹مالا من ب مالا نڤێژێ دێ هێتە نیاسین›، لێ هەوە یا كریە ‹كونجا رێگران›!»

كارێن هنارتیان 20:33

من دلێ خۆ نەبریە زیڤ، یان زێڕ، یان جلكێ كەسەكی.

رۆما 16:18

چنكو كەسێن هۆسا، خزمەتێ بۆ خودانێ مە مەسیحی ناكەن، لێ بۆ زكێ خۆ دكەن. ب خۆشخۆشك و سالویسیێ دلێ كەسێن سادە دخاپینن.

ئەفەسۆس 5:18

ب شەرابێ سەرخۆش نەبن، چنكو سەربەردان یا تێدا، لێ ب گیانێ پیرۆز پڕ ببن.

1 سالونیكی 5:14

ئەم هیڤی ژ هەوە دكەین، گەلی خویشك و برایان، ئاگەهداریێ بدەنە تەمبەلان، هاندانا دلساران بكەن، پشتەڤانیا لاوازان بكەن و ل گەل هەمیان د بێهنفرە‍‌ھ بن.

1 تیمۆتاوس 3:8

هەروەسا پێدڤیە خزمەتكار ژی رێزدار بن، خودان ئێك ئاخفتن بن، گەلەك مەیێ ڤەنەخۆن، چاڤێ وان ل مفایێ حەرام نەبیت،

2 تیمۆتاوس 3:2

خەلك دێ حەزژێكەرێن خۆ بن، حەزژێكەرێن پارەی، پەسنكارێن خۆ، د دفنبلند، د ئەزمانڕەش، نەگوهدارێن دایك و بابێن خۆ، نە د سوپاسدار، نەپیرۆز،

تیتۆس 1:11

یێن كو دڤێت دەڤێ وان بهێتە گرتن، چنكو ئەو ژ پێخەمەت چاڤبرساتیا قازانجی، فێركرنێن وەسا ددەن یێن كو نابیت بهێنە دان، هۆسا خێزانان هەمیان د سەر دا دبەن.

تیتۆس 1:7

چنكو دڤێت چاڤدێر: جهێ گازندەیێ نەبیت، وەكو بریكارێ خودێ. خۆسەپاندن ل نك نەبیت، زوی تۆڕە نەبیت، مەی ڤەخۆر نەبیت، توند نەبیت، چاڤبرسیێ قازانجی نەبیت،

تیتۆس 2:3

هەروەسا بلا پیرەژن ژی رەفتارا وان ل گەل پیرۆزیێ یا گونجای بیت، د بوهتانكار نەبن، دیلێن مەی ڤەخوارنێ نەبن، فێركەرێن باشیێ بن،

تیتۆس 3:2

ب خرابی بەحسێ كەسێ نەكەن، د شەڕفرۆش نەبن، لێ د دلنەرم بن، ب رێزگرتن سەرەدەریێ ل گەل هەمی خەلكی بكەن،

عیبرانی 13:5

بلا شێوازێ ژیانا هەوە یا بێ حەزژێكرنا پارەی بیت. ب وی تشتێ هەوە هەی د رازی بن، چنكو خودێ گۆتیە: «ئەز چ جاران دەستان ژ تە بەرنادەم، ئەز چ جاران تە ناهێلم.»

یەعقوب 4:1

شەڕ و هەڤڕكیێن د ناڤ هەوە دا ژ كیڤە دهێن؟ ما نە ژ حەزێن هەوە دهێن، یێن د ناخێ هەوە دا دجەنگن؟

1 پەترۆس 5:2

شڤانیا پەزێ خودێ یێ د ناڤ هەوە دا بكەن، نە ژ نەچاری، لێ ژ دل، وەسا چاڤدێریێ بكەن، هەروەكو خودێ دڤێت، نە ژ بەر دەستكەفتەكێ حەرام، لێ ب دلگەرمی.

2 پەترۆس 2:3

ئەو دێ ژ بەر چاڤبرساتیا خۆ ب گۆتنا چیڕۆكێن چێكری بازرگانیێ ب هەوە كەن. ئەو حوكمێ ژ كەڤن وەرە ل سەر هاتیە دان، ژ كار نەكەفتیە و ژناڤبرنا وان نە یا نڤستیە.

یەهودا 1:11

نەخوزیكێن وان! چنكو ئەوان رێكا قایینی گرتیە و وەكو بەلعامی ژ پێخەمەت قازانجی د سەر دا چوون و یاخیبوونا وان وەكو یاخیبوونا قۆرەحیە و ئەو دێ وەكو وی ژ ناڤ چن.

ئاشكراكرن 1:9

ئەز برایێ هەوە یوحەننا مە، كو د ئێكبوونا ل گەل عیسای دا هەڤپشكێ هەوەمە د تەنگاڤی و پاشایەتی و خۆڕاگرتنێ دا. ئەز ژ بەر پەیڤا خودێ و شاهدەییدانێ بۆ عیسای، ل وێ گزیرتەیێ بووم، ئەوا دبێژنێ پاتمۆس.