1 تیمۆتاوس 3:16 - ئنجیلا پیرۆز

¹⁶ بێگۆمان، نهێنیا خودێپەرێسیا راستەقینە یا مەزنە: ئەو ب لەشی دیار بوو، ژ لایێ گیانێ پیرۆز ڤە راستدار هاتە دەرئێخستن، ژ لایێ فریشتەیان ڤە هاتە دیتن، مزگینیا وی د ناڤ مللەتان دا هاتە راگەهاندن، د جیهانێ دا باوەری پێ هاتە ئینان و د مەزناهیێ دا هاتە بلندكرن.

1 تیمۆتاوس 3:16 ပူးပေါင်းရင်းမြစ်များ

مزگینیا مەتتای 1:23

«ئەڤە دێ كچا پاكیزە ب دووگیان كەڤیت و دێ كوڕەك بیت و دێ بێژنێ عەمانوئێل» و رامانا ڤی ناڤی ژی: «خودێ ل گەل مەیە.»

مزگینیا مەتتای 13:11

وی بەرسڤا وان دا و گۆت: «تێگەهشتنا نهێنیێن پاشایەتیا ئەسمانان بۆ هەوە یا هاتیە دان، لێ بۆ وان نەهاتیە دان،

مزگینیا مەتتای 28:2

ژ نشكەكێ ڤە بیڤەلەرزەكا ب هێز چێبوو، چنكو فریشتەیەكێ خودانی ژ ئەسمانی هاتە خوارێ و چوو سەر گۆڕی و بەر گڕێل كر و ل سەر روینشت.

مزگینیا مەتتای 3:16

پشتی عیسا هاتیە تافیركرن، ئێكسەر ژ ئاڤێ دەركەفت و ژ نشكەكێ ڤە ئەسمان بۆ وی ڤەبوو و دیت گیانێ خودێ وەكو كووترەكێ هاتە خوار و ل سەر وی دادا

مزگینیا مەتتای 4:11

وی دەمی ئبلیسی ئەو هێلا و وەسا چێبوو فریشتە هاتنە نك و خزمەتا وی كر.

مزگینیا مەرقۆسی 1:13

چل رۆژان ل وێرێ ما و ژ لایێ ئبلیسی ڤە دهاتە تاقیكرن. د ناڤ دڕندان دا بوو و فریشتەیان خزمەتا وی دكر.

مزگینیا مەرقۆسی 16:19

ئەڤجا پشتی كو خودان عیسا ل گەل وان ئاخفتی، بلند بوو ئەسمانی و ل ملێ راستێ یێ خودێ روینشت.

مزگینیا مەرقۆسی 16:5

دەمێ چووینە د ناڤ گۆڕی دا، ل رەخێ راستێ گەنجەكێ روینشتی دیت، كراسەكێ سپی ل بەر بوو، ئینا مەندەهۆش بوون.

مزگینیا لوقای 2:32

ئەوە رۆناهی بۆ ڤەكرنا چاڤێن نەجوهیان و شانازی بۆ گەلێ تە ئیسرائیل.»

مزگینیا لوقای 20:44

مادەم داوود دبێژیتێ ‹خودان›، پا چەوا كوڕێ ویە؟»

مزگینیا لوقای 22:43

ئینا فریشتەیەك ژ ئەسمانی بۆ وی دیار بوو و ئەو بهێز ئێخست.

مزگینیا لوقای 24:4

دەمێ هێشتا ئەو ژ ڤێ چەندێ د مەندەهۆش، ژ نشكەكێ ڤە دوو زەڵام ب جلكێن تەیسۆك ل نك وان راوەستیان.

مزگینیا لوقای 24:51

دەمێ وی ئەو بەرەكەتدار دكرن، ئەو هێلان و بۆ ئەسمانی هاتە بلند كرن.

مزگینیا یوحەننای 1:14

پەیڤ ژی بوو لەش و د ناڤ مە دا ئاكنجی بوو، ئەو یێ پڕی كەرەم و راستی بوو. مە مەزناهیا وی دیت، مەزناهیا كوڕێ ئێكانەیێ بابی.

مزگینیا یوحەننای 13:3

عیسای دزانی كو بابی هەمی تشت یێن كرینە د دەستێن وی دا و ئەو ژ نك خودێ یێ دەركەفتی و بۆ خودێ دێ ڤەگەڕیتە ڤە،

مزگینیا یوحەننای 15:26

دەمێ ئەو هاریكار دهێت، یێ ئەز دێ ژ نك بابی بۆ هەوە هنێرم، گیانێ راستیێ، ئەوێ ژ نك بابی دەردكەڤیت، دێ بۆ من شاهدەییێ دەت.

مزگینیا یوحەننای 16:28

ئەز ژ نك بابی دەركەفتم و هاتمە جیهانێ، ئەز دێ جیهانێ هێلم و جارەكا دی چمە نك بابی.»

مزگینیا یوحەننای 17:5

باب، نوكە من ل نك خۆ مەزن بكە، ب وێ مەزناهیا من بەری هەبوونا جیهانێ ل نك تە هەبوو.

مزگینیا یوحەننای 20:12

ئینا وێ دوو فریشتە ب جلكێن سپی دیتن، ل وی جهی یێ تەرمێ عیسای لێ هاتیە دانان د روینشتی بوون، ئێك ل جهێ سەرێ وی و یێ دی ل جهێ پێیێن وی.

مزگینیا یوحەننای 6:62

پا دێ چ بێژن، ئەگەر هوین كوڕێ مرۆڤ ببینن یێ ب سەر دكەڤیتە وی جهێ كو بەرێ لێ بوو؟

كارێن هنارتیان 1:19

و هەمی خەلكێ ئورشەلیمێ ب ڤێ رویدانێ زانی، كو ئەو زەڤی ب زمانێ وان ب ‹هاكلدەمەخ› هاتە بناڤكرن، ئانكو ‹زەڤیا خوینێ.›)

كارێن هنارتیان 10:34

پەترۆسی دەست ب ئاخفتنێ كر و گۆت: «ب راستی، ئەز تێگەهشتم كو خودێ لایەنگریا كەسێ ناكەت،

كارێن هنارتیان 14:27

دەمێ گەهشتین، وان جڤاكا باوەرداران كۆم كر و بەحسێ وان هەمی تشتان كر، ئەوێن خودێ ل سەر دەستێ وان كرین و كا چەوا وی دەرگەهێ باوەریێ بۆ نەجوهیان ژی ڤەكر

كارێن هنارتیان 20:28

ئەڤجا هشیاری خۆ و هەمی كەرێ پەزی بن، ئەوێ گیانێ پیرۆز هوین وەكو چاڤدێر د ناڤ دا داناین، دا شڤانیێ ل جڤاكا گازیكریێن خودێ بكەن، ئەوا وی ب خوینا خۆ كڕی.

رۆما 10:12

ژ بەر كو چ جوداهی د ناڤبەرا یێ جوهی و یێ نەجوهی دا نینە، هەمان خودان خودانێ هەمیانە، یێ مەردە بۆ هەمیێن هەوارا خۆ دگەهیننە ناڤێ وی.

رۆما 10:18

لێ ئەز دبێژم: ما وان نەبهیست؟ بەلێ، وان بهیست، چنكو: «دەنگێ وان ل هەمی ئەردی چوو و ئاخفتنێن وان گەهشتنە هەر چوار كوژیێن جیهانێ.»

رۆما 16:25

ئەڤجا مەزناهی بۆ وی بیت، یێ دشێت هەوە د باوەریێ دا موكم كەت، ل دویڤ وێ مزگینیا كو ئەز ژ بۆ عیسایێ مەسیح رادگەهینم، ل دویڤ ئاشكراكرنا وێ نهێنیا كو هەر ژ كەڤن دا یا ڤەشارتی بوو،

رۆما 16:26

لێ نوكە ل دویڤ فەرمانا خودایێ هەروهەر هەی، ب رێكا نڤیسارێن پێغەمبەران، ئاشكرا بوو، دا هەمی مللەت باوەریێ پێ بینن و گوهداریا وی بكەن،

رۆما 3:4

حاشا! خودێ یێ راستگۆیە، ئەگەر هەمی مرۆڤ ددرەوین بن ژی. هەروەكو هاتیە نڤیسین: «داكو تۆ د گۆتنێن خۆ دا راستدار دەركەڤی و د دادكرنێ دا تۆ ب سەر بكەڤی.»

رۆما 8:3

ئەو تشتێ دەستووری ژ بەر لاوازیا سرۆشتێ لەشكانی یێ مرۆڤی نەشیای بكەت، خودێ ئەو كر: وی كوڕێ خۆ ب لەشەكێ وەكو لەشێ مە یێ گونەهكار هنارت بۆ كەفارەتا گونەهان، هۆسا وی گونە‍‌ھ د لەشی دا گونەهبار كر،

رۆما 9:5

بابكال یێن وانن و مەسیح ژی ل دویڤ لەشی ژ وان هاتیە، ئەوێ كو د سەر هەمی تشتان دایە و خودایێ هەروهەر هەژی پەسنێیە. ئامین.

1 كورنتۆس 15:47

مرۆڤێ ئێكێ ژ ئەردی بوو، ژ ئاخێ هاتبوو چێكرن. مرۆڤێ دوویێ ژ ئەسمانی.

1 كورنتۆس 2:7

لێ یا خودێیە ئەو ئاقلمەندیا نهێنی و ڤەشارتی یا ئەم دبێژین، ئەوا خودێ بەری دەستپێكا ئافراندنێ ژ بۆ مەزناهیا مە دەستنیشانكری،

2 كورنتۆس 1:19

كوڕێ خودێ، عیسایێ مەسیح، ئەوێ من و سیلاسی و تیمۆتاوسی د ناڤ هەوە دا دایە نیاسین، «بەلێ» و «نە» نەبوو، لێ د ئێكبوونا ل گەل وی دا ب تنێ «بەلێ» یا هەی.

گالاتیا 2:8

چنكو خودێ ئەوێ كو پەترۆس وەك هنارتی بۆ خەلكێ سونەتكری ب كار ئینای، ئەز ژی بۆ مللەتێن نەجوهی ب كار ئینام.

گالاتیا 4:4

لێ گاڤا دەمێ دەستنیشانكری هاتی، خودێ كوڕێ خۆ هنارت، ئەو ژ ژنەكێ ژ دایك بوو و ل بن دەستهەلاتا دەستووری ژ دایك بوو،

ئەفەسۆس 1:9

وی نهێنیا حەزا خۆ بۆ مە ئاشكرا كر، ئەوا وەكو وی ڤیای نەخشە كری كو ب رێیا مەسیحی ب ج‍‌ھ بینیت.

ئەفەسۆس 6:19

و بۆ من ژی بكەن، داكو دەمێ ئەز بئاخڤم، ئاخفتن بۆ من بهێتە دان، دا ئەز ب وێرەكی نهێنیا مزگینیێ رابگەهینم،

كۆلۆسی 1:23

ب تنێ ئەگەر هوین د باوەریێ دا د بەردەوام بن، دموكم و قاییم بن و خۆ ژ هیڤیا مزگینیا هەوە بهیستی لانەدەن، ئەوا بۆ هەمی ئافراندیێن د بن ئەسمانی دا هاتیە راگەهاندن، ئەوا ئەز، پاولۆس، بوویمە خزمەتكارێ وێ.

كۆلۆسی 1:27

خودێ بڕیار دا بۆ پیرۆزكریێن خۆ بدەتە زانین كا دەولەمەندیا مەزناهیا ڤێ نهێنیێ د ناڤ مللەتێن نەجوهی دا چەندا مەزنە. نهێنی ژی ئەوە كو مەسیح د ناخێ هەوە دایە و ژ بەر هندێ مسۆگەرە كو هوین دێ د مەزناهیا وی دا پشكدار بن.

كۆلۆسی 2:2

ئارمانجا من ئەوە كو ئەو بهێنە هاندان و د حەزژێكرنێ دا د ئێكگرتی بن، ب مەرەما هەمی دەولەمەندیا تێگەهشتنا تەمام، دا نهێنیا خودێ بزانن، كو مەسیحە،

2 سالونیكی 1:10

دەمێ ئەو دهێت دا ل وێ رۆژێ د ناڤ پیرۆزكریێن خۆ دا بهێتە مەزنكرن و ببیتە جهێ مەندەهۆشیا هەمی باوەرداران، هوین ژی دێ د ناڤ وان دا بن، چنكو هەوە باوەری ب شاهدەییا مە ئینا.

2 سالونیكی 2:7

چنكو نهێنیا یاسانەنیاسیێ یا كار دكەت، لێ ئەوێ نوكە دبیتە ئاستەنگ دێ یێ بەردەوام بیت تاكو ژ رێكێ دهێتە راكرن.

1 تیمۆتاوس 3:9

راستیا باوەریێ ب وژدانەكا پاقژ بپارێزن.

عیبرانی 1:3

ئەو تیڕێژا مەزناهیا خودێیە و دەق و دەق وێنەیێ گەوهەرێ ویە، هەمی تشتێن د گەردوونێ دا ب پەیڤا خۆ یا هێزدار رێك دئێخیت. پشتی وی پاقژكرن بۆ گونەهێن مرۆڤان ئامادە كری، ل دەستێ راستێ یێ مەزناهیێ ل بلنداهیان روینشت.

عیبرانی 12:2

بەرێ مە ل عیسای بیت، داهێنەر و تەمامكەرێ باوەریا مە، ئەوێ ژ پێخەمەت دلشادیا ل بەر وی هاتیە دانان، خۆ ل بەر خاچێ گرتی و شەرمزاریا وێ ب پشت گو‍‌ھ ڤە هاڤێتی، ئەڤجا ل رەخێ راستێ یێ تەختێ خودێ روینشتی.

عیبرانی 7:7

جهێ گۆمانێ نینە كو یێ بچویكتر ژ لایێ یێ مەزنتر ڤە دهێتە بەرەكەتداركرن.

عیبرانی 8:1

خالا سەرەكی ژ وان تشتێن مە گۆتین ئەڤەیە: مە سەرۆككاهنەكێ هۆسا یێ هەی، ئەوێ ل ئەسمانان ل رەخێ راستێ یێ تەختێ مەزناهیێ روینشتی،

1 پەترۆس 1:12

بۆ وان هاتە دیاركرن، كو وان نە بۆ خۆ، لێ بۆ هەوە خزمەت دكر، دەمێ بەحسێ وان تشتان دكر یێن نوكە بۆ هەوە هاتینە راگەهاندن، ب رێكا وان یێن ب هێزا گیانێ پیرۆز، ئەوێ ژ ئەسمانی هاتیە هنارتن، مزگینی دایە هەوە. فریشتە ژی گەلەك حەز دكەن ل وان تشتان بنێڕن.

1 پەترۆس 1:20

ئەو بەری دامەزراندنا جیهانێ هاتە دەستنیشانكرن، لێ ژ پێخەمەت هەوە د ڤان سەردەمێن دویماهیێ دا هاتە دیار كرن.

1 پەترۆس 1:21

ب رێكا وی هەوە باوەری ب خودێ هەیە، ئەو خودایێ ئەو ژ ناڤ مریان راكری و مەزناهی دایێ، لەوما باوەری و هیڤیا هەوە ب خودێیە.

1 پەترۆس 3:18

چنكو مەسیح ژی جارەكێ و بۆ هەروهەر ژ پێخەمەت گونەهان هاتە ئازاردان، یێ راستدار ژ پێخەمەت نەڕاستداران، دا هەوە بگەهینیتە خودێ. ئەو د لەشی دا هاتە كوشتن، لێ ژ لایێ گیانی ڤە هاتە ڤەژاندن.

1 پەترۆس 3:22

ئەوێ چوویە ئەسمانی و ل دەستێ راستێ یێ خودێیە، فریشتە و دەستهەلاتدار و هێز ملكەچێن وینە.

1 یوحەننا 1:2

ژیان دیار بوو، مە ئەو دیتیە و شاهدەییێ بۆ ددەین و وێ ژیانا هەتا هەتایی بۆ هەوە رادگەهینین، ئەوا ل گەل بابی بوو و بۆ مە دیار بووی.

1 یوحەننا 3:5

هوین دزانن كو مەسیح یێ دیار بووی، دا گونەهان راكەت. گونە‍‌ھ د وی دا نینە.

1 یوحەننا 3:8

یێ گونەهان دكەت، ئەو ژ ئبلیسیە، چنكو ئبلیس هەر ژ دەستپێكێ وەرە گونەهێ دكەت. كوڕێ خودێ ژ بەر هندێ یێ دیار بووی، دا كارێن ئبلیسی ژ ناڤ ببەت.

ئاشكراكرن 17:5

ل سەر ئەنیا وێ ناڤەكێ نهێنی یێ نڤیسی بوو: «بابلا مەزن، دایكا لەشفرۆش و تشتێن جهێ دلڕەشیێ ل سەر ئەردی.»

ئاشكراكرن 17:7

هنگی فریشتەی گۆتە من: «بۆچی تۆ یێ مەندەهۆشی؟ ئەز دێ نهێنیا ژنكێ و دڕندەیێ ئەو هەلگرتی، ئەوێ حەفت سەر و دە‍‌ھ شاخ هەین، بۆ تە بێژم.

ئاشكراكرن 7:9

پشتی ڤان تشتان من بەرێ خۆ دایێ، ئەڤە جەماوەرەكێ مەزن، كەس نەدشیا بهژمێریت، ژ هەمی مللەت و هۆز و گەل و زمانان، ل بەرامبەر تەختی و ل بەرامبەر بەرخی د راوەستیای بوون، جلكێن سپی ل بەر وان بوون و تایێن دارقەسپێ د دەستی وان دا بوون.