1 تیمۆتاوس 3:15 - ئنجیلا پیرۆز

¹⁵ دا ئەگەر ئەز گیرۆ ببم، تۆ بزانی كا پێدڤیە ئێك چەوا د مالا خودێ دا رەفتارێ بكەت. ئەو مال جڤاكا گازیكریێن خودایێ زیندیە، ستوین و شەنگستەیێ راستیێیە.

1 تیمۆتاوس 3:15 ပူးပေါင်းရင်းမြစ်များ

مزگینیا مەتتای 16:16

ئینا شەمعون پەترۆسی بەرسڤا وی دا و گۆت: «تۆ مەسیحی، كوڕێ خودایێ زیندی.»

مزگینیا مەتتای 18:18

ب راستی دبێژمە هەوە: هەر تشتەكێ هوین ل ئەردی گرێ دەن، دێ ل ئەسمانی یێ گرێدای بیت و هەر تشتەكێ هوین ل ئەردی ڤەكەن، دێ ل ئەسمانی یێ ڤەكری بیت.

مزگینیا یوحەننای 1:17

دەستوور ب رێكا مووسای هاتبوو دان، كەرەم و راستی ب رێكا عیسایێ مەسیح هاتن.

مزگینیا یوحەننای 14:6

ئینا عیسای بەرسڤ دا: «ئەزم رێك و راستی و ژیان. كەس ناهێتە نك بابی، ئەگەر ب رێیا من نەبیت.

مزگینیا یوحەننای 18:37

ئینا پیلاتۆسی گۆتێ: «ئانكو تۆ پاشای؟» عیسای بەرسڤا وی دا: «تە ب خۆ گۆت كو ئەز پاشامە. ئەز بۆ ڤێ چەندێ یێ ژ دایك بوویم و بۆ ڤێ چەندێ یێ هاتیمە جیهانێ، دا شاهدەییێ بۆ راستیێ بدەم. هەر كەسێ ژ راستیێ بیت، دێ گوهێ خۆ دەتە دەنگێ من.»

مزگینیا یوحەننای 6:69

مە ژی باوەری ئینا و زانی كو تۆی پیرۆزێ خودێ!»

كارێن هنارتیان 1:2

تا وێ رۆژا ئەو بۆ ئەسمانان هاتیە بلندكرن، پشتی ب گیانێ پیرۆز شیرەتێن خۆ بۆ وان هنارتیێن وی هەلبژارتین پێشكێش كرین.

كارێن هنارتیان 14:15

و گۆتن: «گەلی جوامێران، بۆچی هوین ڤێ دكەن؟ ئەم ژی وەكو هەوە مرۆڤین، مزگینیێ دگەهینینە هەوە، كو هوین ڤان تشتێن پویچ بهێلن و بۆ خودایێ زیندی ڤەگەڕن، ئەوێ ئەرد و ئەسمان و دەریا و هەمی تشتێن تێدا چێكرین،

رۆما 3:2

ژ هەمی لایان ڤە گەلەكە، یا ئێكێ خودێ ئەو كرنە ئەمیندارێن پەیڤێن خۆ.

رۆما 9:26

«و ل وی جهێ بۆ وان هاتیە گۆتن: ‹هوین نە گەلێ منن›، ل وێرێ دێ ب: ‹كوڕێن خودایێ زیندی› هێنە بناڤكرن.»

1 كورنتۆس 10:32

نە بۆ جوهیان، نە بۆ مللەتێن دی و نە ژی بۆ جڤاكا گازیكریێن خودێ، نەبنە ئاستەنگ،

1 كورنتۆس 3:16

ما هوین نزانن، كو هوین پەرستگەها خودێنە و گیانێ خودێ د هەوە دا یێ ئاكنجیە؟

2 كورنتۆس 3:3

دیارە كو هوین نامەیەكا مەسیحینە، ئەوا ب دەستێ مە هاتیە ئامادەكرن، نە ب حبری، لێ ب گیانێ خودایێ زیندی هاتیە نڤیسین، نە ل سەر تەختەبەران، لێ ل سەر تەختێ دلێ مرۆڤان.

2 كورنتۆس 6:16

ما چ رێككەفتن د ناڤبەرا پەرستگەها خودێ و پووتان دا هەیە؟ چنكو ئەم پەرستگەها خودایێ زیندینە، هەروەكو خودێ گۆتی: «ئەز دێ د ناڤ وان دا ئاكنجی بم و د ناڤبەرا وان دا گەڕیێم. ئەز دێ خودایێ وان بم و ئەو دێ گەلێ من بن.»

2 كورنتۆس 6:7

د گۆتنا راستیێ دا، د هێزا خودێ دا، ب چەكێن راستداریێ یێن دەستێ راستێ و یێن دەستێ چەپێ،

گالاتیا 2:9

دەمێ یەعقوب، كیفاس و یوحەننای ئەوێن كو ب ‹ستوین› دهاتنە نیاسین، زانی كو ئەڤ كەرەمە بۆ من یا هاتیە دان، هنگی ئەوان دەستێ خۆ یێ راستێ بۆ من و بارناباسی درێژ كر، وەك نیشانا پشكداریێ، داكو ئەم بچینە ناڤ مللەتێن نەجوهی و ئەو بچنە ناڤ سونەتكریان.

گالاتیا 3:1

گەلی گالاتیایی یێن بێئاقل، كێ سەرێ هەوە تژی كریە؟ چنكو مرنا عیسایێ مەسیح بۆ هەوە هند ب زەڵالی هاتیە راگەهاندن، هەروەكو هەوە ب چاڤێن خۆ دیتبیت كو ئەو یێ ل خاچێ دای.

ئەفەسۆس 4:21

بێگۆمان هەوە ل دۆر وی بهیستیە و ل گۆر وێ راستیا د عیسای دا، هوین دەربارەی وی هاتینە فێركرن.

كۆلۆسی 1:5

ئەڤ باوەری و حەزژێكرنە ژ وێ هیڤیێ دزێت، یا بۆ هەوە د ئەسمانان دا هاتیە هەلگرتن، ئەو هیڤیا هەوە دەربارەی وێ د راگەهاندنا پەیڤا راستیێ دا بهیستی، ئانكو ئەو مزگینیا گەهشتیە هەوە. كا چەوا ئەو مزگینی د هەمی جیهانێ دا بەرهەمی ددەت و وەرارێ دكەت، وەسا د ناڤ هەوە ژی دا بەرهەمی ددەت و وەرارێ دكەت، هەر ژ وێ رۆژێ یا هەوە كەرەما خودێ بهیستی و ب دروستی نیاسی.

1 سالونیكی 1:9

چنكو خەلكێ وان دەڤەران بەحس دكەن، كا سەرەدانا مە بۆ هەوە چ كارتێكرن هەبوو و كا چەوا هوین ژ پووتان بۆ خودێ ڤەگەڕیان، دا خودایێ زیندی یێ راستەقینە بپەرێسن

1 تیمۆتاوس 3:14

ئەز هیڤیدارم ل دەمەكێ نێزیك بهێمە نك تە، لێ ئەز ڤان تشتان بۆ تە دنڤیسم،

1 تیمۆتاوس 3:16

بێگۆمان، نهێنیا خودێپەرێسیا راستەقینە یا مەزنە: ئەو ب لەشی دیار بوو، ژ لایێ گیانێ پیرۆز ڤە راستدار هاتە دەرئێخستن، ژ لایێ فریشتەیان ڤە هاتە دیتن، مزگینیا وی د ناڤ مللەتان دا هاتە راگەهاندن، د جیهانێ دا باوەری پێ هاتە ئینان و د مەزناهیێ دا هاتە بلندكرن.

1 تیمۆتاوس 3:2

ئەڤجا پێدڤیە چاڤدێر: گازندە ل سەر نەبیت، مێرێ ئێك ژن بیت، ل سەر خۆ یێ زاڵ بیت، خودان رەفتارەكا ئاقلانە بیت، یێ رێزدار بیت، یێ مێڤاندار بیت و بشێت فێركرنێ بكەت،

1 تیمۆتاوس 3:5

ما ئەگەر كەسەك نەزانیت رێڤەبەریا مالا خۆ بكەت، دێ چەوا چاڤێ خۆ دەتە جڤاكا گازیكریێن خودێ؟

1 تیمۆتاوس 4:10

ژ بۆ ڤێ چەندێ ئەم رەنجێ دكێشین و خەباتێ دكەین، چنكو مە هیڤیا خۆ ب خودایێ زیندی ڤە گرێ دایە، ئەوێ كو قورتالكەرێ هەمی مرۆڤانە، ب تایبەت یێ باوەردارانە.

1 تیمۆتاوس 6:16

ئەوێ ب تنێ وی نەمری هەی، د رۆناهیەكێ دا ئاكنجیە كو كەس نەشێت خۆ نێزیك بكەت، ئەوێ كەسێ نەدیتی و كەس نەشێت ببینیت، رێز و سەروەریا هەروهەر بۆ وی بن! ئامین.

2 تیمۆتاوس 2:19

لێ بنیاتێ قاییم یێ خودێ دانای یێ خۆجهە، ئەڤ موهرە ل سەرە: «خودان، یێن خۆ دنیاسیت» و «هەر ئێكێ دانپێدانێ ب ناڤێ خودانی بكەت، فەرە خۆ ژ خرابیێ دویر بئێخیت.»

2 تیمۆتاوس 2:20

د مالەكا مەزن دا، نە ب تنێ ئامانێن زێڕی و زیڤی هەنە، لێ یێن داری و گلی ژی هەنە، هندەك بۆ تشتێن بڕێزن و هندەك بۆ تشتێن بێڕێزن.

عیبرانی 10:21

هەروەسا مادەم مە كاهنەكێ مەزن ل سەر مالا خودێ هەیە،

عیبرانی 12:22

لێ هوین هاتنە نك چیایێ سییۆنێ، باژێڕێ خودایێ زیندی، ئورشەلیما ئەسمانی، نك ئاهەنگەكێ كو فریشتەیێن بێ هژمار خڕڤەكرین،

عیبرانی 3:12

د هشیار بن، گەلی خویشك و برایان، كو كەس ژ هەوە دلەكێ خراب و بێباوەر تێدا نەبیت كو ژ خودایێ زیندی پاشگەز ببیت،

عیبرانی 9:14

پا چەند پتر خوینا مەسیحی، ئەوێ خۆ بێكێماسی ب هێزا گیانێ پیرۆزێ هەروهەر بۆ خودێ پێشكێش كری، دێ وژدانا مە ژ وان كریاران پاقژ كەت یێن مرۆڤی بەرەڤ مرنێ دبەن، دا پەرستنا خودایێ زیندی بكەین.

1 پەترۆس 2:5

ئەڤجا هوین ژی وەكو بەرێن زیندی بۆ خانیەكێ روحانی دهێنە بەستن، دا ببنە كاهنێن پیرۆز و ب رێكا عیسایێ مەسیح قوربانێن روحانی یێن جهێ رازیبوونا خودێ پێشكێش بكەن.

1 پەترۆس 4:17

دەم هاتیە كو دادكرن ژ مالا خودێ دەست پێ بكەت. ئەڤجا ئەگەر ژ مە دەست پێ بكەت، دویماهیا وان یێن گوهداریا مزگینیا خودێ ناكەن، دێ چ بیت؟

ئاشكراكرن 7:2

من فریشتەیەكێ دی ژی دیت، ژ رۆژهەلاتێ دەردكەفت، موهرا خودایێ زیندی ڤێ بوو. ب دەنگەكێ بلند گازی وان هەر چوار فریشتەیان كر، ئەوێن دەستهەلاتی بۆ هاتیە دان كو زیانێ ل ئەردی و دەریایێ بكەن.