1 تیمۆتاوس 2:8 - ئنجیلا پیرۆز

⁸ ئەڤجا من دڤێت ل هەر جهەكێ هوین كۆم دبن، زەڵام نڤێژان بكەن. بلا دەستێن خۆ، بێی تۆڕەبوون و گەنگەشە، ب پیرۆزی بلند بكەن.

1 تیمۆتاوس 2:8 ပူးပေါင်းရင်းမြစ်များ

مزگینیا مەتتای 21:21

عیسای بەرسڤا وان دا: «راستیێ دبێژمە هەوە: ئەگەر هەوە باوەری هەبیت و د بێگۆمان بن، نە ب تنێ وەكو من ل دارهژیرێ كری هوین دێ كەن، لێ ئەگەر هوین بێژنە ڤی چیای ژی: ‹رابە و خۆ بهاڤێژە د دەریایێ دا،› دێ ئەڤ چەندە ب ج‍‌ھ هێت.

مزگینیا مەتتای 5:44

لێ ئەز دبێژمە هەوە: حەز ژ دوژمنێن خۆ بكەن و نڤێژان بكەن بۆ ئەوێن هەوە تەپەسەر دكەن،

مزگینیا مەتتای 6:12

ل قەرێن مە ببورە، هەروەكو ئەم ل قەردارێن خۆ دبورین.

مزگینیا لوقای 23:34

ئینا عیسای گۆت: «بابۆ، ل وان ببورە، چنكو ئەو نزانن چ دكەن.» پاشی ب هاڤێتنا پشكێ جلكێن وی ل سەر خۆ لێكڤەكرن.

مزگینیا لوقای 24:50

پاشی هەتا بێت‌عەنیا برن و وی دەستێن خۆ بلندكرن و ئەو بەرەكەتدار كرن.

مزگینیا یوحەننای 4:21

ئینا عیسای گۆتێ: «باوەر ژ من بكە خانم، دەمەك دێ هێت، كو هوین دێ بابی پەرێسن، لێ نە ل ڤی چیای و نە ل ئورشەلیمێ.

كارێن هنارتیان 10:2

ئەو و هەمی بنەمالا وی ژ خودێ ترس و خودێپەرێس بوون، گەلەك هاریكاریا هەژارێن گەلێ خودێ دكر و هەردەم نڤێژ بۆ خودێ دكرن.

كارێن هنارتیان 10:31

و گۆتە من: ‹كورنیلیۆس، خودێ گو‍‌ھ ل نڤێژا تە بوو و هاریكاریێن تە بۆ هەژاران كرین ل بیرا وینە،

كارێن هنارتیان 10:4

وی ب ترس بەرێ خۆ دا فریشتەی و گۆت: «بەلێ ئەزبەنی؟» ئینا فریشتەی بەرسڤا وی دا: «نڤێژ و هاریكاریێن تە بۆ هەژاران كرین وەك بیرەوەری بلند بوونە بەرامبەر خودێ

كارێن هنارتیان 21:5

دەمێ رۆژێن مە ل وێرێ ب دویماهی هاتین، ئەم ب رێ كەفتین و ئەو هەمی ب ژن و زاڕۆكێن خۆ ڤە، ل گەل مە هاتنە ژ دەرڤەی باژێڕی. ل بەر لێڤا دەریایێ مە چۆكڤەدان و نڤێژ كرن.

كارێن هنارتیان 7:60

پاشی چۆكڤەدان و ب دەنگەكێ بلند كرە گازی: «خودان، ئەڤێ گونەهێ ل سەر وان نەگرە!» ئەڤە گۆت و نڤست.

1 كورنتۆس 1:2

بۆ جڤاكا گازیكریێن خودێ ل كورنتۆسێ، ئەو كەسێن خودێ ب مەسیح عیسای پیرۆز كرین و گازی كرین، دا ببنە پیرۆزكریێن خودێ، ل گەل وان هەمیان یێن ل هەر جهەكی هەوارا خۆ دگەهیننە ناڤێ خودانێ مە عیسایێ مەسیح، ئەو خودانێ وان و یێ مەیە:

1 كورنتۆس 7:7

ئەز حەز دكەم هەمی كەس وەكو من بن، لێ هەر ئێكی دیاریا خۆ یا تایبەت ژ خودێ هەیە، یا ئێكی ب ڤی شێوەیە و یا ئێكێ دی ب شێوەیەكێ دیە.

2 كورنتۆس 2:14

لێ سوپاس بۆ خودێ، ئەوێ هەردەم د نمایشا سەركەفتنا خۆ دا ب مەسیحی مە پێشڤە دبەت، ب رێكا مە بێهنا خۆش یا نیاسینا خۆ ل هەمی جهان بەڵاڤ دكەت.

فیلیپی 1:12

من دڤێت هوین بزانن، گەلی خویشك و برایان، كو ئەو تشتێن هاتینە سەرێ من، زێدەتر هاریكاریا پێشڤەچوونا مزگینیێ كر،

1 سالونیكی 1:8

چنكو دەنگێ پەیڤا خودانی ژ نك هەوە بەڵاڤ بوویە، نە ب تنێ گەهشتیە مەقدۆنیایێ و ئەخایایێ، لێ دەنگوباسێ باوەریا هەوە ب خودێ ل هەمی جهان بەڵاڤ بوویە و ئێدی پێدڤی نینە كو ئەم ئاخفتنەكێ ل سەر بێژین.

1 تیمۆتاوس 5:14

لەوما من دڤێت بیژنێن گەنج شوی بكەن، زاڕۆك ببن و د مالدار بن، دەرفەتێ نەدەنە نەیاری كو بوهتانان ب دویڤ مە ڤەنیت.

تیتۆس 3:8

ئەڤ گۆتنە جهێ پشتڕاستیێیە. من دڤێت تۆ ل سەر ڤان تشتان یێ رژد بی، دا ئەوێن باوەری ب خودێ ئینای پویتەی ب كرنا كارێن باش بدەن. ئەو تشت د باش و مفادارن بۆ مرۆڤان.

عیبرانی 10:22

بلا ئەم ل گەل دلەكێ راست ب باوەریەكا كامل، دلێن مە ب رەشاندنێ د پاقژكری ژ وژدانەكا خراب و لەشێن مە د شویشتی ب ئاڤەكا پاقژ، نێزیكی خودێ ببین.

یەعقوب 4:8

خۆ نێزیكی خودێ بكەن، ئەو ژی دێ خۆ نێزیكی هەوە كەت. دەستێن خۆ پاقژ بكەن، گەلی گونەهكاران. دلێ خۆ پاك بكەن، گەلی دوودلان.

1 پەترۆس 3:7

ب هەمان شێوەی گەلی مێران، ل گەل ژنێن خۆ ب تێگەهشتن بژین، چنكو ئەو رەگەزێ نازكترن و رێزێ لێ بگرن وەكو هەڤمیراتێن كەرەما ژیانێ، دا ئاستەنگ بۆ نڤێژێن هەوە چێنەبن.