1 تیمۆتاوس 2:7 - ئنجیلا پیرۆز

⁷ بۆ وێ شاهدەییێ ئەز یێ كریمە راگەهێنەرێ پەیامێ و هنارتی و مامۆستایێ مللەتان یێ باوەری و راستیێ، دەربارەی ڤێ چەندێ ئەز راستیێ دبێژم و درەوان ناكەم.

1 تیمۆتاوس 2:7 ပူးပေါင်းရင်းမြစ်များ

مزگینیا یوحەننای 7:35

ئەڤجا جوهیان د ناڤبەرا خۆ دا گۆت: «وی ل بەرە كیڤە بچیت كو ئەم نەبینین؟ ئەرێ دێ چیتە باژێڕێن یونانیان، ئەوێن جوهی لێ بەڵاڤ بووین و یونانیان فێر كەت؟

كارێن هنارتیان 14:27

دەمێ گەهشتین، وان جڤاكا باوەرداران كۆم كر و بەحسێ وان هەمی تشتان كر، ئەوێن خودێ ل سەر دەستێ وان كرین و كا چەوا وی دەرگەهێ باوەریێ بۆ نەجوهیان ژی ڤەكر

كارێن هنارتیان 22:21

لێ وی گۆتە من: ‹هەڕە، ئەز دێ تە دویر هنێرم بۆ مللەتێن نەجوهی.›»

كارێن هنارتیان 26:20

لێ من ل دەستپێكێ بۆ یێن ل دیمەشقێ، پاشی ل ئورشەلیمێ و هەمی دەڤەرێن یەهودیایێ، پاشی بۆ مللەتێن نەجوهی ژی راگەهاند، كو ل خۆ بزڤڕن و بۆ خودێ ڤەگەڕن و كریارێن هەژی لخۆزڤڕینێ بكەن.

كارێن هنارتیان 9:15

لێ خودانی گۆتێ: «تۆ هەڕە! چنكو ئەو بۆ من ئامانەكێ هەلبژارتیە، كو ناڤێ من بۆ مللەتێن نەجوهی و پاشایان و گەلێ ئیسرائیلێ هەلگریت.

رۆما 1:9

ئەو خودایێ ئەز د مزگینیا كوڕێ وی دا، ب هەمی گیانێ خۆ خزمەتا وی دكەم، شاهدێ منە، كو ئەز د نڤێژێن خۆ دا بێ راوەستیان هەوە دئینمە بیرا خۆ و هەرگاڤ هیڤیان دكەم، ب ئانەهیا خودێ، ئێدی دەلیڤەیەك بۆ من رێك بكەڤیت، ئەز بهێمە نك هەوە.

رۆما 10:14

لێ ئەو دێ چەوا هەوارا خۆ گەهیننە وی یێ وان باوەری پێ نەئینای؟ و چەوا دێ باوەریێ ب وی ئینن، یێ دەربارەی وی چ نەبهیستی؟ و چەوا دێ بهیسن بێی كو كەس بۆ وان رابگەهینیت؟

رۆما 11:13

ئەز بۆ هەوە نەجوهیان دبێژم: مادەم كو ئەز هنارتیێ نەجوهیانم، ئەز هەمیان ب مەزناهیا خزمەتا خۆ ئاگەهدار دكەم،

رۆما 15:16

كو ل نك مللەتێن نەجوهی خزمەتكارێ مەسیح عیسای بم، وەكو كاهن خزمەتا مزگینیا خودێ بكەم، دا یێن نەجوهی پێشكێشیەكێ قەبیلكری بن، ب گیانێ پیرۆز دپیرۆزكری بن.

رۆما 9:1

مەسیح شاهدە كو ئەز راستیێ دبێژم و درەوان ناكەم و وژدانا من ژی ب رێیا گیانێ پیرۆز شاهدەییێ بۆ ڤێ چەندێ ددەت كو

1 كورنتۆس 9:1

ما ئەز نە یێ ئازادم؟ ما ئەز نە هنارتیمە؟ ما من خودانێ مە عیسا نەدیتیە؟ ما هوین نە بەرهەمێ وی كارینە یێ ئەز بۆ خودانی دكەم؟

2 كورنتۆس 11:31

خودێ، بابێ خودان عیسای، ئەوێ هەروهەر هەژی پەسنكرنێ، دزانیت كو ئەز درەوان ناكەم.

گالاتیا 1:16

كو كوڕێ خۆ بۆ من ئاشكرا بكەت، دا وی د ناڤ مللەتێن نەجوهی دا بدەمە نیاسین، هنگی من شیرەتا خۆ ب چ مرۆڤان نەكر،

گالاتیا 1:20

ئەوا ئەز بۆ هەوە ل ڤێرێ دنڤیسم، ئەڤە ل بەرامبەری خودێ، ئەز درەوان تێدا ناكەم.

گالاتیا 2:16

دزانین كو مرۆڤ ب كارێن دەستووری بێگونە‍‌ھ دەرناكەڤیت، لێ ب تنێ ب رێكا باوەریێ ب عیسایێ مەسیح، لەوما مە ژی باوەری ب عیسایێ مەسیح ئینا، داكو ب رێكا باوەریێ ب مەسیحی، نە ب كارێن دەستووری، بێگونە‍‌ھ دەركەڤین. چنكو كەس ب كارێن دەستووری بێگونە‍‌ھ دەرناكەڤیت.

گالاتیا 2:9

دەمێ یەعقوب، كیفاس و یوحەننای ئەوێن كو ب ‹ستوین› دهاتنە نیاسین، زانی كو ئەڤ كەرەمە بۆ من یا هاتیە دان، هنگی ئەوان دەستێ خۆ یێ راستێ بۆ من و بارناباسی درێژ كر، وەك نیشانا پشكداریێ، داكو ئەم بچینە ناڤ مللەتێن نەجوهی و ئەو بچنە ناڤ سونەتكریان.

گالاتیا 3:9

ژ بەر هندێ ئەوێن باوەریێ دئینن، ل گەل ئیبراهیمێ باوەردار دهێنە بەرەكەتداركرن.

2 تیمۆتاوس 1:11

بۆ ڤێ مزگینیێ ئەز وەكو راگەهێنەر و هنارتی و مامۆستا هاتیمە دانان.

2 پەترۆس 2:5

و ئەگەر دلۆڤانی ب جیهانا كەڤنار نەبربیت، لێ نوح كو راستداری بۆ خەلكی رادگەهاند ل گەل حەفتێن دی پاراستبن، دەمێ تووفان ب سەر جیهانا بەدكاران دا ئینای