1 تیمۆتاوس 2:4 - ئنجیلا پیرۆز

⁴ ئەوی دڤێت هەمی مرۆڤ قورتال ببن و بگەهنە زانینا راستیێ.

1 تیمۆتاوس 2:4 ပူးပေါင်းရင်းမြစ်များ

مزگینیا مەتتای 28:19

ئەڤجا هەڕن و هەمی مللەتان بكەنە شاگرد، كو وان ب ناڤێ باب و كوڕ و گیانێ پیرۆز تافیر بكەن

مزگینیا مەرقۆسی 16:15

وی گۆتە وان: «هەڕنە هەمی جیهانێ و مزگینیێ بدەنە هەمی ئافراندیان.

مزگینیا لوقای 1:77

دا قورتالبوونێ ب رێكا لێبورینا گونەهێن وان بۆ خەلكێ وی رابگەهینی.

مزگینیا لوقای 14:23

ئینا خودانێ وی بەرسڤ دا و گۆت: ‹دەركەڤە د رێك و كۆلانان دا و مرۆڤان ب خورتی بینە ژۆر، تا مالا من تژی ببیت.

مزگینیا لوقای 24:47

و ب ناڤێ وی مزگینیا لخۆزڤڕینێ بۆ لێبورینا گونەهان بهێتە دان، هەر ژ ئورشەلیمێ بگرە تا هەمی مللەتان.

مزگینیا یوحەننای 14:6

ئینا عیسای بەرسڤ دا: «ئەزم رێك و راستی و ژیان. كەس ناهێتە نك بابی، ئەگەر ب رێیا من نەبیت.

مزگینیا یوحەننای 17:17

وان ب راستیێ پیرۆز بكە، پەیڤا تەیە راستی.

مزگینیا یوحەننای 6:37

هەمیێن كو باب ددەتە من، دێ هێنە نك من و هەر كەسێ بهێتە نك من، ئەز چ جاران وی دەرنائێخم.

رۆما 11:14

بەلكو ب ڤێ چەندێ ئەز چاڤپێڕانەبوونا مللەتێ خۆ بئازرینم و هندەكان ژ وان قورتال بكەم.

1 تیمۆتاوس 4:10

ژ بۆ ڤێ چەندێ ئەم رەنجێ دكێشین و خەباتێ دكەین، چنكو مە هیڤیا خۆ ب خودایێ زیندی ڤە گرێ دایە، ئەوێ كو قورتالكەرێ هەمی مرۆڤانە، ب تایبەت یێ باوەردارانە.

2 تیمۆتاوس 2:25

و ب جوامێری بەرهنگارێن خۆ راستڤە بكەت، بەلكو خودێ لخۆزڤڕینێ بدەتێ، دا راستیێ بزانن

2 تیمۆتاوس 3:7

ئەو ژنك هەردەم فێركرنێ وەردگرن، لێ چ جاران نەشێن بگەهنە زانینا راستیێ.

تیتۆس 1:1

ژ من، پاولۆس، بەنیێ خودێ و هنارتیێ عیسایێ مەسیح. ئەز كریمە هنارتی دا بەرێ وان یێن خودێ هەلبژارتین بدەمە باوەریێ و زانینا وێ راستیێ یا مرۆڤی بەرەڤ خودێترسیێ دبەت.

تیتۆس 2:11

چنكو كەرەما خودێ، ئەوا قورتالبوونێ بۆ هەمی مرۆڤان دئینیت، یا دیار بووی.

عیبرانی 10:26

چنكو ئەگەر ئەم ب ئەنقەستی ل سەر گونەهكرنێ بەردەوام ببین، پشتی كو مە راستی نیاسی، ئێدی چ قوربانی نینن گونەهان راكەن،

یەعقوب 3:14

لێ ئەگەر زكڕەشیەكا تەحل و خۆپەرێسی د دلێ هەوە دا هەبیت، شانازیێ ب خۆ نەبەن و هۆسا درەوان ل راستیێ بكەن.

2 پەترۆس 3:9

خودان بجهئینانا سۆزا خۆ گیرۆ ناكەت، هەروەكو هندەك كەس ب گیرۆبوون دزانن، لێ ئەو بێهنا خۆ ل هەوە فرە‍‌ھ دكەت، چنكو وی نەڤێت كەس ژ ناڤ بچیت، لێ بەرێ هەمیان بكەڤیتە لخۆزڤڕینێ.

2 یوحەننا 1:1

ژ من یێ ریهسپی، بۆ خانما هەلبژارتی و زاڕۆكێن وێ، ئەوێن ئەز د راستیێ دا حەز ژێ دكەم، نە ب تنێ ئەز، لێ ئەو هەمی ژی، یێن راستیێ دزانن،

ئاشكراكرن 14:6

پشتی هنگی من فریشتەیەكێ دی دیت، ل ناڤەندا ئەسمانی دفڕی، مزگینیا هەروهەری هەبوو، دا وێ بۆ ئاكنجیێن ئەردی ژ هەمی مللەت و هۆز و زمان و گەلان رابگەهینیت،