1 تیمۆتاوس 2:3 - ئنجیلا پیرۆز

³ ئەڤ چەندە یا باشە و جهێ دلخۆشیێیە ل نك قورتالكەرێ مە خودێ.

1 تیمۆتاوس 2:3 ပူးပေါင်းရင်းမြစ်များ

مزگینیا لوقای 1:47

و گیانێ من ب خودێ، قورتالكەرێ من، گەلەك كەیفخۆش دبیت،

رۆما 14:18

ئەوێ هۆسا خزمەتا مەسیحی بكەت، جهێ رازیبوونا خودێیە و ژ لایێ خەلكی ڤە یێ پەسەندكریە.

فیلیپی 1:11

و دپڕ بن ژ بەرهەمێ راستداریێ، ئەوێ كو ژ دەولەتسەرێ عیسایێ مەسیحە، ژ بۆ مەزناهی و پەسنا خودێ.

فیلیپی 4:18

ئێدی من تێرا هەمی پێدڤیێن خۆ یێ هەی و زێدەتر ژی. ئەز كەفتمە د بەرفرەهیێ دا، پشتی من ئەو تشت وەرگرتین، یێن ئێپافرۆدیتۆسی بۆ من ژ نك هەوە ئیناین، كو پێشكێشیەكێ بێهنخۆش و قوربانەكێ قەبیلكری و جهێ رازیبوونا خودێیە.

كۆلۆسی 1:10

دا ب شێوەیەكی بژین كو هەژی خودانی بیت و ژ هەمی لایان ڤە جهێ رازیبوونا وی بن، د هەر كارەكێ باش دا د بەرهەمدار بن و د نیاسینا خودێ دا وەرارێ بكەن،

1 سالونیكی 4:1

ل دویماهیێ گەلی خویشك و برایان، وەكو هوین ژ مە فێر بووین كا دڤێت هوین چەوا بژین، دا هوین خودێ رازی بكەن و ب راستی ژی هوین وە دكەن، ئەم ب ناڤێ خودان عیسای داخوازێ ژ هەوە دكەین و هیڤی دكەین كو هوین هێشتا پێشڤە بچن،

1 تیمۆتاوس 1:1

ژ من، پاولۆس، هنارتیێ مەسیح عیسای، ل دویڤ فەرمانا قورتالكەرێ مە خودێ و هیڤیا مە مەسیح عیسای.

1 تیمۆتاوس 4:10

ژ بۆ ڤێ چەندێ ئەم رەنجێ دكێشین و خەباتێ دكەین، چنكو مە هیڤیا خۆ ب خودایێ زیندی ڤە گرێ دایە، ئەوێ كو قورتالكەرێ هەمی مرۆڤانە، ب تایبەت یێ باوەردارانە.

1 تیمۆتاوس 5:4

لێ ئەگەر بیژنەكێ زاڕۆك یان نەڤی هەبن، بلا ئەو ل بەراهیێ فێر ببن كو ئایینداریا خۆ ل گەل خەلكێ مالا خۆ ب ج‍‌ھ بینن و قەنجیێن دایك و بابێن خۆ ل سەر خۆ راكەن، چنكو ئەڤ چەندە جهێ دلخۆشیا خودێیە.

2 تیمۆتاوس 1:9

خودێیە یێ ئەم قورتال كرین و بۆ گازیكرنەكا پیرۆز ئەم گازی كرین، نە ل دویڤ كریارێن مە، لێ ل دویڤ مەبەست و كەرەما خۆ یا بەری دەستپێكا ئافراندنێ ب رێكا مەسیح عیسای بۆ مە هاتیە دان

عیبرانی 13:16

هەروەسا كرنا قەنجیێ و دانا تشتێن هەوە هەین بۆ یێن هەوجە پشت گو‍‌ھ ڤە نەهاڤێژن، چنكو قوربانێن هۆسا خودێ دلخۆش دكەن.

1 پەترۆس 2:20

ما ئەگەر هوین خرابیەكێ بكەن و ژ بەر وێ قوتانێ بخۆن و خۆ راگرن، چ شانازی تێدا هەیە؟ لێ ئەگەر هوین ل سەر كرنا باشیێ بهێنە ئازاردان و خۆ راگرن، ئەو تشت جهێ رازیبوونا خودێیە.

1 پەترۆس 2:5

ئەڤجا هوین ژی وەكو بەرێن زیندی بۆ خانیەكێ روحانی دهێنە بەستن، دا ببنە كاهنێن پیرۆز و ب رێكا عیسایێ مەسیح قوربانێن روحانی یێن جهێ رازیبوونا خودێ پێشكێش بكەن.