1 تیمۆتاوس 1:4 - ئنجیلا پیرۆز

⁴ هەروەسا ئەو خۆ ب چیڤانۆك و نەژادنامەیێن بێ دویماهی ڤە مژویل نەكەن، ئەڤ چەندە دبنە ئەگەرێ بگروڤەكێشێ ل شوینا بجهئینانا نەخشەیێ خودێ یێ كو ب رێكا باوەریێیە.

1 تیمۆتاوس 1:4 ပူးပေါင်းရင်းမြစ်များ

2 كورنتۆس 1:12

شانازیا مە ئەڤەیە: وژدانا مە شاهدەییێ ددەت كو رەفتارا مە د جیهانێ دا، ب تایبەت دەربارەی هەوە، ب سادەیی و نیازپاكیەكا خودایی بوو، نە ب ئاقلمەندیەكا مرۆڤكانی، لێ ب كەرەما خودێ بوو.

ئەفەسۆس 3:2

بێگۆمان هەوە بهیستیە، كو ئەڤ ئەركێ بڕێڤەبرنا كەرەما خودێ، ژ پێخەمەت هەوە بۆ من هاتیە دان،

1 تیمۆتاوس 3:16

بێگۆمان، نهێنیا خودێپەرێسیا راستەقینە یا مەزنە: ئەو ب لەشی دیار بوو، ژ لایێ گیانێ پیرۆز ڤە راستدار هاتە دەرئێخستن، ژ لایێ فریشتەیان ڤە هاتە دیتن، مزگینیا وی د ناڤ مللەتان دا هاتە راگەهاندن، د جیهانێ دا باوەری پێ هاتە ئینان و د مەزناهیێ دا هاتە بلندكرن.

1 تیمۆتاوس 4:7

خۆ ژ چیڤانۆكێن نەپیرۆز و چیڕۆكێن پیرەژنان بدە پاش، لێ راهێنانێ ل سەر خودێترسیێ بكە.

1 تیمۆتاوس 6:11

لێ تۆ، هەی مرۆڤێ خودێ، ژ ڤان تشتان بڕەڤە و بكەڤە دویڤ راستداریێ، خودێترسیێ، دلسۆزیێ، حەزژێكرنێ، خۆڕاگریێ و دلنەرمیێ.

1 تیمۆتاوس 6:20

هەی تیمۆتاوس! ئەو تشتێ ب تە هاتیە راسپاردن بپارێزە، خۆ ژ پڕبێژیێن نەپیرۆز و هەڤدژیێن ناڤێ ‹زانین› ب درەو ل سەر هاتینە دانان، دویر بئێخە،

2 تیمۆتاوس 2:14

ئەڤان تشتان بینە بیرا وان و ل بەرامبەر خودێ وان راسپێرە كو ل سەر پەیڤان شەڕەدەڤێ نەكەن، چنكو چ مفا تێدا نینن، لێ گوهداران دهەڕفینیت.

2 تیمۆتاوس 2:22

ژ حەزێن گەنجاتیێ بڕەڤە، هەروەسا بزاڤێ بۆ راستداری و باوەری و حەزژێكرن و ئاشتیێ بكە ل گەل وان كەسان یێن ب دلەكێ پاقژ هەوارا خۆ دگەهیننە خودانی.

2 تیمۆتاوس 2:23

خۆ ژ گەنگەشەیێن دەبەنگ و نەزانانە بدە پاش، چنكو تۆ دزانی كو شەڕ ژێ پەیدا دبیت.

2 تیمۆتاوس 4:4

و دێ ژ گوهدانا راستیێ لادەن و قەستا ئەفسانەیان كەن.

تیتۆس 1:1

ژ من، پاولۆس، بەنیێ خودێ و هنارتیێ عیسایێ مەسیح. ئەز كریمە هنارتی دا بەرێ وان یێن خودێ هەلبژارتین بدەمە باوەریێ و زانینا وێ راستیێ یا مرۆڤی بەرەڤ خودێترسیێ دبەت.

تیتۆس 1:14

و گو‍‌ھ نەدەنە ئەفسانەیێن جوهیان و فەرمانێن وان مرۆڤان یێن راستیێ رەت دكەن.

تیتۆس 3:9

لێ خۆ ژ گەنگەشەیێن بێئاقلانە، دانوستاندن ل دۆر نەژادنامەیان، هەڤڕكی و شەڕەدەڤێن ل سەر دەستووری بدە پاش، چنكو ئەو د بێمفا و ژ قەستانە.

عیبرانی 13:9

بلا فێركرنێن جۆرا و جۆر و بیانی هەوە ڤاڕێ نەكەن. باشە دل ب كەرەمێ بهێتە قاییم كرن، نە ب خوارنێن تایبەت، یێن كو مفای ناگەهیننە وان یێن ل سەر دچن.

2 پەترۆس 1:16

چنكو دەمێ مە هاتنا ب هێز یا خودانێ مە عیسایێ مەسیح ب هەوە دایە زانین، ئەم نەكەفتینە دویڤ ئەفسانەیێن ب ژیری هاتینە چێكرن، لێ مە ب چاڤێن خۆ مەزناهیا وی دیت.