1 تیمۆتاوس 1:19 - ئنجیلا پیرۆز

¹⁹ ب رێكا قاییم گرتنا باوەری و وژدانەكا باش. هندەكان ئەو وژدان رەتكر، ئینا ئەو ژ لایێ باوەریێ ڤە ژ بن چوون،

1 تیمۆتاوس 1:19 ပူးပေါင်းရင်းမြစ်များ

مزگینیا مەتتای 6:27

ما كی ژ هەوە ب خەمخوارنێ دشێت دەمژمێرەكا ب تنێ ل سەر ژیێ خۆ زێدە بكەت؟

1 كورنتۆس 11:19

بێگۆمان دڤێت د ناڤ هەوە دا دووبەرەكی هەبن، دا دیار ببیت كا د ناڤ هەوە دا كینە ژ لایێ خودێ ڤە د پەسەندن.

گالاتیا 5:4

هەی ئەوێن هەوە دڤێت ب رێكا دەستووری راستدار دەركەڤن، هوین ژ مەسیحی ڤەقەتیان و ژ كەرەمێ كەفتن.

1 تیمۆتاوس 1:5

لێ ئارمانجا ڤێ راسپاردەیێ حەزژێكرنەكا ژ دلەكێ پاك و ژ وژدانەكا باش و ژ باوەریەكا بێ دووڕویاتیە.

1 تیمۆتاوس 3:9

راستیا باوەریێ ب وژدانەكا پاقژ بپارێزن.

1 تیمۆتاوس 6:12

د خەباتا باش یا باوەریێ دا خۆ بوەستینە و خۆ ب ژیانا هەروهەر ڤە بگرە، ئەوا تۆ بۆ وێ هاتیە گازیكرن و تە ل بەرامبەر گەلەك شاهدان شاهدەییا باش بۆ وێ دای.

1 تیمۆتاوس 6:21

ئەوا هندەك ب دویڤ كەفتین و ژ باوەریێ ڤاڕێ بووین. كەرەم ل سەر هەوە بیت.

1 تیمۆتاوس 6:9

لێ ئەوێن دڤێن دەولەمەند ببن، ئەو دكەڤنە تاقیكرنێ و خەفكێ و گەلەك ئارەزوویێن بێئاقلانە و زیانبەخش، یێن مرۆڤی د وێرانكرنێ و ژناڤچوونێ دا نقووم دكەن،

2 تیمۆتاوس 2:18

ئەوێن ژ راستیێ ڤاڕێ بووین و دبێژن كو رۆژا رابوونێ یا روی دای. هۆسا باوەریا هندەكان سەروبن دكەن.

2 تیمۆتاوس 4:4

و دێ ژ گوهدانا راستیێ لادەن و قەستا ئەفسانەیان كەن.

تیتۆس 1:9

دڤێت خۆ ب پەیاما جهێ باوەریێ ڤە بگریت، هەروەكو ئەو هاتیە فێركرن، دا بشێت هاندانێ ب فێركرنا ساخلەم بكەت و شاشیێن بەرهنگارێن وێ فێركرنێ دیار بكەت.

عیبرانی 3:14

چنكو ئەم بووینە هەڤپشكێن مەسیحی، ئەگەر مە تا دویماهیێ خۆ ب وێ پشتڕاستیێ ڤە گرت یا مە ل دەستپێكێ هەی.

1 یوحەننا 2:19

ئەو ژ ناڤ مە دەركەفتن، لێ ئەو ژ مە نەبوون، چنكو ئەگەر ئەو ژ مە بان، دا ل گەل مە مینن. لێ ئەو دەركەفتن، دا دیار ببیت كو ئەو هەمی نە ژ مەنە.

ئاشكراكرن 3:10

مادەم تە پەیڤا من ل دۆر خۆڕاگریێ ب ج‍‌ھ ئینا، ئەز ژی دێ تە ژ دەمژمێرا تاقیكرنێ پارێزم، ئەوا كو نێزیكە بهێتە سەر هەمی جیهانێ، دا ئاكنجیێن ل سەر ئەردی تاقی بكەت.

ئاشكراكرن 3:3

دێ بینە بیرا خۆ كا تە چ وەرگرتیە و بهیستیە، وی تشتی ب ج‍‌ھ بینە و ل خۆ بزڤڕە. ئەگەر تۆ هشیار نەبی، دێ وەكو دزەكی هێم و تۆ قەت نزانی كیژان دەمژمێرێ دێ هێمە تە.

ئاشكراكرن 3:8

من های ژ كریارێن تە هەیە. ئەڤە من دەرگەهەكێ ڤەكری دانا بەر تە، كو كەس نەشێت بگریت. ئەز دزانم تە هێزەكا كێم هەیە، لێ سەرەڕای هندێ تە پەیڤا من ب ج‍‌ھ ئینا و ناڤێ من ماندەل نەكر.