1 تیمۆتاوس 1:16 - ئنجیلا پیرۆز

¹⁶ لێ ژ بۆ ڤێ چەندێ دلۆڤانی ب من هاتە برن: دا مەسیح عیسا هەمی بێهنفرەهیا خۆ د من دا، ئەز یێ ژ هەمیان خرابتر، دیار بكەت و من بكەتە نموونە بۆ ئەوێن باوەریێ ب وی دئینن و ژیانا هەروهەر وەردگرن.

1 تیمۆتاوس 1:16 ပူးပေါင်းရင်းမြစ်များ

مزگینیا لوقای 15:10

ئەز دبێژمە هەوە: هۆسا دێ كەیف د ناڤ فریشتەیێن خودێ دا پەیدا بیت دەمێ گونەهكارەك ل خۆ دزڤڕیت.»

مزگینیا لوقای 23:43

عیسای گۆتێ: «راستیێ دبێژمە تە، تۆ دێ ئەڤرۆ د گەل من دا ل بەهەشتێ بی.»

مزگینیا لوقای 7:47

ژ بەر ڤێ چەندێ ئەز دبێژمە تە، ل گونەهێن وێ یێن گەلەك هاتە بورین، لەوما وێ گەلەك حەزژێكرن دیار كر. ئەوێ پیچەك ژی لێ دهێتە بورین، پیچەك حەزژێكرنێ دكەت.»

مزگینیا یوحەننای 20:31

لێ ئەڤە هاتنە نڤیسین دا هوین باوەریێ بینن كو عیسایە مەسیحێ كوڕێ خودێ و هەوە ب رێكا وێ باوەریێ ژیان ب ناڤێ وی هەبیت.

مزگینیا یوحەننای 3:36

ئەوێ باوەریێ ب كوڕی بینیت، ژیانا هەروهەر یا هەی. ئەوێ ب گۆتنا كوڕی نەكەت، ئەو ژیانێ نابینیت، لێ تۆڕەبوونا خودێ ل سەر وی دمینیت.

مزگینیا یوحەننای 5:24

ب راستی ب راستی دبێژمە هەوە: هەر كەسێ گو‍‌ھ بدەتە پەیڤا من و باوەریێ ب وی بینیت یێ ئەز هنارتیم، وی ژیانا هەروهەر یا هەی. ئەو ناهێتە گونەهباركرن، لێ ئەو ژ مرنێ دەربازی ژیانێ بوویە.

مزگینیا یوحەننای 6:37

هەمیێن كو باب ددەتە من، دێ هێنە نك من و هەر كەسێ بهێتە نك من، ئەز چ جاران وی دەرنائێخم.

مزگینیا یوحەننای 6:40

چنكو حەزا بابێ من ئەوە، كو هەر كەسێ كوڕی ببینیت و باوەریێ پێ بینیت، دێ ژیانا هەروهەر بۆ وی بیت و ل رۆژا دویماهیێ ئەز دێ وی ژ مرنێ راكەم.»

مزگینیا یوحەننای 6:54

ئەوێ لەشێ من بخۆت و خوینا من ڤەخۆت، وی ژیانا هەروهەر هەیە و ئەز دێ وی ل رۆژا دویماهیێ ژ مرنێ راكەم.

رۆما 15:4

چنكو هەمی تشتێن ژ كەڤن دا هاتینە نڤیسین، ئەو بۆ فێركرنا مە هاتبوونە نڤیسین، دا مە ب رێكا هەدار و هاندانا ژ نڤیسارێن پیرۆز دهێت هیڤی هەبیت.

رۆما 6:23

چنكو كرێیا گونەهێ مرنە، لێ دیاریا خودێ، ژ دەولەتسەرێ خودانێ مە مەسیح عیسای، ژیانا هەروهەرە.

1 كورنتۆس 7:25

نوكە دەربارەی كوڕ و كچان، من چ فەرمان ژ نك خودانی نینن، لێ ئەز، وەكو ئێكێ خودانی دلۆڤانی پێ بری، داكو جهێ باوەریێ بیت، دێ بۆچوونەكێ بێژم.

2 كورنتۆس 4:1

لەوما، ژ بەر كو خودێ دلۆڤانی ل گەل مە كریە كو مە ئەڤ خزمەتە هەیە، ئەم بێ ئومێد نابین.

ئەفەسۆس 1:12

دا ئەم ژ بۆ پەسنكرنا مەزناهیا وی بین، ئەم ئەوێن ل بەراهیێ هیڤیا خۆ ب مەسیحی ڤە گرێ دای.

ئەفەسۆس 1:6

ژ بۆ پەسنكرنا مەزناهیا كەرەما وی، ئەوا ب رێیا خۆشتڤیێ خۆ بۆ مە كریە خەلات.

ئەفەسۆس 2:7

خودێ ئەڤە كر، دا د سەردەمێن بهێن دا، دەولەمەندیا كەرەما خۆ یا بێ سنوور دیار بكەت، ب رێكا وێ قەنجیا وی، د ئێكبوونا مە ل گەل مەسیح عیسای دا، ل گەل مە كری.

2 سالونیكی 1:10

دەمێ ئەو دهێت دا ل وێ رۆژێ د ناڤ پیرۆزكریێن خۆ دا بهێتە مەزنكرن و ببیتە جهێ مەندەهۆشیا هەمی باوەرداران، هوین ژی دێ د ناڤ وان دا بن، چنكو هەوە باوەری ب شاهدەییا مە ئینا.

1 تیمۆتاوس 1:13

هەر چەندە بەرێ ئەز كوفریكەر و تەپەسەركەر و مرۆڤەكێ توند بووم. لێ خودێ دلۆڤانی ب من بر، چنكو من د بێباوەریێ دا ب نەزانین رەفتار دكر.

عیبرانی 7:25

ژ بەر هندێ ئەو دشێت وان ب تەمامی قورتال بكەت، یێن كو ب رێكا وی خۆ نێزیكی خودێ دكەن، چنكو ئەو هەردەم یێ زیندیە، دا مەهدەریێ بۆ وان بكەت.

1 پەترۆس 3:20

ئەو گیان ژ كەڤن دا د نەگوهدار بوون، دەمێ ل سەردەمێ نوحی خودێ ب درێژی بێهنا خۆ فرە‍‌ھ كری، گاڤا گەمی دهاتە چێكرن، د وێ گەمیێ دا هندەك كەس، ئانكو هەشت، د ئاڤێ را قورتال بوون.

2 پەترۆس 3:15

بهژمێرن كو بێهنفرەهیا خودانێ مە دەرفەتەكە بۆ قورتالبوونێ، كا چەوا برایێ مە یێ خۆشتڤی پاولۆسی ژی ل دویڤ وێ ئاقلمەندیا بۆ وی هاتیە دان بۆ هەوە نڤیسی،

2 پەترۆس 3:9

خودان بجهئینانا سۆزا خۆ گیرۆ ناكەت، هەروەكو هندەك كەس ب گیرۆبوون دزانن، لێ ئەو بێهنا خۆ ل هەوە فرە‍‌ھ دكەت، چنكو وی نەڤێت كەس ژ ناڤ بچیت، لێ بەرێ هەمیان بكەڤیتە لخۆزڤڕینێ.