1 تیمۆتاوس 1:1 - ئنجیلا پیرۆز

¹ ژ من، پاولۆس، هنارتیێ مەسیح عیسای، ل دویڤ فەرمانا قورتالكەرێ مە خودێ و هیڤیا مە مەسیح عیسای.

1 تیمۆتاوس 1:1 ပူးပေါင်းရင်းမြစ်များ

مزگینیا لوقای 1:47

و گیانێ من ب خودێ، قورتالكەرێ من، گەلەك كەیفخۆش دبیت،

مزگینیا لوقای 2:11

ئەڤرۆ ل باژێڕێ داوودی قورتالكەرەك بۆ هەوە یێ ژ دایك بووی، ئەو ژی مەسیحێ خودانە.

كارێن هنارتیان 9:15

لێ خودانی گۆتێ: «تۆ هەڕە! چنكو ئەو بۆ من ئامانەكێ هەلبژارتیە، كو ناڤێ من بۆ مللەتێن نەجوهی و پاشایان و گەلێ ئیسرائیلێ هەلگریت.

رۆما 1:1

ژ من، پاولۆس، بەنیێ مەسیح عیسای، ئەوێ هاتیە گازیكرن دا ببیتە هنارتی و بۆ مزگینیا خودێ هاتیە تەرخانكرن،

1 كورنتۆس 1:1

ژ من، پاولۆس، یێ كو خودێ ب حەزا خۆ گازی كری، دا ببیتە هنارتیێ مەسیح عیسای، ژ برایێ مە سوستانیسی ژی،

1 كورنتۆس 9:17

و ئەگەر من ئەڤ چەندە ب حەزا خۆ كربا، دا من خەلات هەبیت، لێ ئەگەر نە ب حەزا خۆ دكەم، ئەڤە بریكاری ب من هاتیە دان.

2 كورنتۆس 1:1

ژ من، پاولۆس، هنارتیێ مەسیح عیسای ب حەزا خودێ، ژ برایێ مە تیمۆتاوسی ژی، بۆ جڤاكا گازیكریێن خودێ ل كورنتۆسێ و بۆ هەمی پیرۆزكریێن ل سەرانسەری ئەخایایێ:

گالاتیا 1:1

ژ من، پاولۆس، هنارتیێ نە ژ نك مرۆڤان و نە ب دەستێ مرۆڤان، لێ ب دەستێ عیسایێ مەسیح و خودایێ باب ئەوێ ئەو ژ ناڤ مریان راكری،

گالاتیا 1:11

گەلی خویشك و برایان، من دڤێت هوین بزانن، ئەو مزگینیا ژ لایێ من ڤە دهێتە راگەهاندن، نە ژ مرۆڤانە،

كۆلۆسی 1:27

خودێ بڕیار دا بۆ پیرۆزكریێن خۆ بدەتە زانین كا دەولەمەندیا مەزناهیا ڤێ نهێنیێ د ناڤ مللەتێن نەجوهی دا چەندا مەزنە. نهێنی ژی ئەوە كو مەسیح د ناخێ هەوە دایە و ژ بەر هندێ مسۆگەرە كو هوین دێ د مەزناهیا وی دا پشكدار بن.

2 سالونیكی 2:16

بلا خودانێ مە عیسایێ مەسیح ب خۆ و بابێ مە خودێ، ئەوێ حەز ژ مە كری و هاندانا هەروهەر و هیڤیا باش ب كەرەمێ داینە مە،

1 تیمۆتاوس 1:12

سوپاسیا مەسیح عیسایێ خودانێ مە دكەم، یێ ئەز ب هێز ئێخستیم، چنكو وی ئەز ب دلسۆز هژمارتم و بۆ ڤێ خزمەتكرنێ دەستنیشان كرم،

1 تیمۆتاوس 2:3

ئەڤ چەندە یا باشە و جهێ دلخۆشیێیە ل نك قورتالكەرێ مە خودێ.

1 تیمۆتاوس 2:7

بۆ وێ شاهدەییێ ئەز یێ كریمە راگەهێنەرێ پەیامێ و هنارتی و مامۆستایێ مللەتان یێ باوەری و راستیێ، دەربارەی ڤێ چەندێ ئەز راستیێ دبێژم و درەوان ناكەم.

1 تیمۆتاوس 4:10

ژ بۆ ڤێ چەندێ ئەم رەنجێ دكێشین و خەباتێ دكەین، چنكو مە هیڤیا خۆ ب خودایێ زیندی ڤە گرێ دایە، ئەوێ كو قورتالكەرێ هەمی مرۆڤانە، ب تایبەت یێ باوەردارانە.

تیتۆس 1:3

و نوكە د دەمێ نەخشەكری دا ئەوی ئەو پەیام ئاشكرا كر، ب رێكا وێ راگەهاندنێ، یا ئەركێ وێ ل دویڤ فەرمانا قورتالكەرێ مە خودێ، بۆ من هاتیە سپاردن.

تیتۆس 2:10

دەستدرێژیێ نەكەنە سەر مالێ وان، لێ دەستپاكیەكا تەمام بۆ وان دیار بكەن، دا فێركرنا قورتالكەرێ مە خودێ ژ هەمی لایان ڤە بخەملینن.

تیتۆس 2:13

و چاڤەڕێی وێ رۆژا بەختەوەر بین یا ئەم ل هیڤیێ، كو دیاربوونا روومەتا خودایێ مەزن، قورتالكەرێ مە عیسایێ مەسیحە.

تیتۆس 3:4

لێ دەمێ دلنازكی و چاكیا قورتالكەرێ مە خودێ دیار بووین،

تیتۆس 3:6

ئەو گیان یێ خودێ ب رێكا قورتالكەرێ مە عیسایێ مەسیح، ب زێدەیی ب سەر مە دا رشتی،

1 پەترۆس 1:21

ب رێكا وی هەوە باوەری ب خودێ هەیە، ئەو خودایێ ئەو ژ ناڤ مریان راكری و مەزناهی دایێ، لەوما باوەری و هیڤیا هەوە ب خودێیە.

1 پەترۆس 1:3

مەزناهی بۆ خودێ، بابێ خودانێ مە عیسایێ مەسیح، ئەوێ ل دویڤ دلۆڤانیا خۆ یا زێدە ب رێكا رابوونا عیسایێ مەسیح ژ ناڤ مریان، ژدایكبوونەكا نوی دایە مە و هۆسا مە هیڤیەكا زیندی

2 پەترۆس 1:1

ژ من، شەمعون پەترۆس، بەنی و هنارتیێ عیسایێ مەسیح، بۆ وان یێن ب راستداریا خودێ، قورتالكەرێ مە عیسایێ مەسیح، باوەریەكا بهاگران یا وەكو یا مە وەرگرتی:

1 یوحەننا 4:14

مە دیتیە و ئەم شاهدەییێ ددەین كو بابی كوڕێ خۆ هنارت دا ببیتە قورتالكەرێ جیهانێ.

یەهودا 1:25

بۆ خودایێ ئێكانە، قورتالكەرێ مە، ب رێكا عیسایێ مەسیحێ خودانێ مە، قەدرگرانی و مەزناهی و سەروەری و دەستهەلات بۆ وی بن، ژ بەری هەمی سەردەمان و نوكە و هەتا هەتایێ. ئامین.