1 سالونیكی 5:9 - ئنجیلا پیرۆز

⁹ چنكو خودێ ئەم نە ژ بۆ تۆڕەبوونا خۆ یێن دەستنیشان كرین، لێ دا بگەهینە قورتالبوونێ، ب رێیا خودانێ مە عیسایێ مەسیح،

1 سالونیكی 5:9 ပူးပေါင်းရင်းမြစ်များ

مزگینیا مەتتای 26:24

كوڕێ مرۆڤ دێ وەسا چیت، هەروەكو دەربارەی وی هاتیە نڤیسین، لێ نەخوزیكێن وی كەسی یێ كوڕێ مرۆڤ رادەست بكەت. بۆ وی كەسی باشتر بوو ئەو ژ دایك نەببا.»

كارێن هنارتیان 1:20

پەترۆس بەردەوام بوو و گۆت: «چنكو د پەرتووكا زەبوورێ دا هاتیە نڤیسین: ‹بلا مالا وی كاڤل ببیت و كەس تێدا نەمینیت.› هەروەسا: ‹بلا ئێكێ دی ب ئەركێ وی راببیت.›

كارێن هنارتیان 1:25

دا جهێ یەهودای د ڤێ خزمەت و هنارتیبوونێ دا بگریت، ئەوا یەهودای ژێ لادای داكو بچیتە جهێ هەژی خۆ.»

كارێن هنارتیان 13:48

دەمێ یێن نەجوهی ئەڤ چەندە بهیستی، دلخۆش بوون و پەسنا پەیڤا خودانی كرن و هەمیێن ژ بۆ ژیانا هەروهەر هاتینە دەستنیشانكرن، باوەری ئینا.

رۆما 11:30

كا چەوا دەمەكی هەوە گوهداریا خودێ نەكر، لێ نوكە ژ ئەنجامێ نەگوهداریا وان دلۆڤانی ب هەوە هاتە برن،

رۆما 11:7

ئەڤجا چ؟ ئەو تشتێ گەلێ ئیسرائیل بزاڤ بۆ دكر، ب دەست ڤە نەهات، لێ بدەست هەلبژارتیانڤە هات، ئەوێن دی ژی د سەرڕەق بوون.

1 سالونیكی 1:10

و چاڤەڕێی كوڕێ وی بن كو دێ ژ ئەسمانان هێت، ئەوێ وی ژ ناڤ مریان راكری، عیسا، ئەوێ مە ژ تۆڕەبوونا دێ هێت قورتال دكەت.

1 سالونیكی 3:3

دا د ڤان تەنگاڤیان دا كەس ژ هەوە نەلقیێت. هوین ب خۆ دزانن كو ئەم بۆ ڤان تشتان یێن هاتینە دەستنیشانكرن،

1 تیمۆتاوس 1:13

هەر چەندە بەرێ ئەز كوفریكەر و تەپەسەركەر و مرۆڤەكێ توند بووم. لێ خودێ دلۆڤانی ب من بر، چنكو من د بێباوەریێ دا ب نەزانین رەفتار دكر.

1 تیمۆتاوس 1:16

لێ ژ بۆ ڤێ چەندێ دلۆڤانی ب من هاتە برن: دا مەسیح عیسا هەمی بێهنفرەهیا خۆ د من دا، ئەز یێ ژ هەمیان خرابتر، دیار بكەت و من بكەتە نموونە بۆ ئەوێن باوەریێ ب وی دئینن و ژیانا هەروهەر وەردگرن.

2 تیمۆتاوس 2:10

لەوما ژ پێخەمەت هەلبژارتیان ئەز خۆ ل بەر هەمی تشتان دگرم، دا ئەو ژی قورتالبوونا ب رێكا مەسیح عیسای دهێت ل گەل مەزناهیا هەروهەر وەرگرن.

1 پەترۆس 2:10

دەمەكی هوین نە گەل بوون، لێ نوكە هوین گەلێ خودێنە. دەمەكی دلۆڤانی ب هەوە نەدهاتە برن، لێ نوكە دلۆڤانی ب هەوە هاتیە برن.

1 پەترۆس 2:8

و «بەرێ هەلنگفتنێ و كەڤرێ ئەگەرێ كەفتنا وان.» ئەو دهەلنگڤن، چنكو گوهداریا پەیڤێ ناكەن، بۆ ڤێ چەندێ ژی ئەو یێن هاتینە دەستنیشانكرن.

2 پەترۆس 1:1

ژ من، شەمعون پەترۆس، بەنی و هنارتیێ عیسایێ مەسیح، بۆ وان یێن ب راستداریا خودێ، قورتالكەرێ مە عیسایێ مەسیح، باوەریەكا بهاگران یا وەكو یا مە وەرگرتی:

2 پەترۆس 2:3

ئەو دێ ژ بەر چاڤبرساتیا خۆ ب گۆتنا چیڕۆكێن چێكری بازرگانیێ ب هەوە كەن. ئەو حوكمێ ژ كەڤن وەرە ل سەر هاتیە دان، ژ كار نەكەفتیە و ژناڤبرنا وان نە یا نڤستیە.

یەهودا 1:4

چنكو هندەك كەس ب دزی ڤە هاتینە د ناڤ هەوە دا، ئەوێن ژ كەڤن دا سزایێ وان ل سەر هاتیە نڤیسین، كەسێن بەدكارن، كەرەما خودایێ مە دكەنە بەهانە بۆ بێدەلنگیێ، هەروەسا عیسایێ مەسیح، كو سەروەر و خودانێ مە یێ ئێكانەیە، ماندەل دكەن.