1 سالونیكی 5:5 - ئنجیلا پیرۆز

⁵ چنكو هوین هەمی زاڕۆكێن رۆناهیێ و زاڕۆكێن رۆژێنە. ئەم نە یێن شەڤێ و نە ژی یێن تاریاتیێینە.

1 سالونیكی 5:5 ပူးပေါင်းရင်းမြစ်များ

مزگینیا لوقای 16:8

ئەڤجا خودانێ وی پەسنا بریكارێ خۆ یێ دەستپیس كر، ژ بەر كو ب ژیری رەفتار كر. چنكو كوڕێن ڤی سەردەمی ل گەل نفشێ خۆ ژ كوڕێن رۆناهیێ ژیرترن.

مزگینیا یوحەننای 12:36

هندی رۆناهی ل گەل هەوەیە، باوەریێ ب رۆناهیێ بینن، دا ببنە كوڕێن رۆناهیێ.» پشتی عیسای ئەڤ چەندە گۆتی، چوو و خۆ ژ وان ڤەشارت.

كارێن هنارتیان 26:18

دا چاڤێن وان ڤەكەی كو ئەو ژ تاریاتیێ بۆ رۆناهیێ و ژ دەستهەلاتداریا ئبلیسی بۆ خودێ بزڤڕن، دا ئەو لێبورینا گونەهان وەربگرن و بەهرەك هەبیت ل گەل ئەو كەسێن ب رێكا باوەری ئینانێ ب من هاتینە پیرۆزكرن.›

ئەفەسۆس 5:8

چنكو دەمەكی هوین تاری بوون، لێ نوكە هوین ب ئێكبوونا ل گەل خودانی رۆناهینە. ئەڤجا وەكو زاڕۆكێن رۆناهیێ بژین

1 سالونیكی 5:8

لێ ژ بەر كو ئەم یێن رۆژێینە، دڤێت ل سەر هشێن خۆ بین و زریێ باوەریێ و حەزژێكرنێ بكەینە بەر خۆ و كومزریێ هیڤیا قورتالبوونێ بكەینە سەرێ خۆ.

1 یوحەننا 2:8

سەرەڕای هندێ ژی، ئەز فەرمانەكا نوی بۆ هەوە دنڤیسم، كو راستیا وێ د وی دا و د هەوە ژی دا هەیە، چنكو تاریاتی بەرەڤ نەمانێ دچیت و رۆناهیا راستەقینە نوكە شەوقێ ددەت.