1 سالونیكی 5:13 - ئنجیلا پیرۆز

¹³ ژ بەر كارێ وان، حەز ژ وان بكەن و ل نك هەوە گەلەك د بهاگران بن. ب ئاشتی ل گەل ئێكودوو بژین.

1 سالونیكی 5:13 ပူးပေါင်းရင်းမြစ်များ

مزگینیا مەتتای 10:40

ئەوێ هەوە قەبیل بكەت، ئەز قەبیل كرم و یێ من قەبیل بكەت، ئەوی ئەو قەبیل كر یێ ئەز هنارتیم.

مزگینیا مەرقۆسی 9:50

خوێ یا باشە، لێ ئەگەر خوێ سویراتیا خۆ بەردا، دێ جارەكا دی ب چ سویر كەن؟ بلا خوێ د ناڤ هەوە دا هەبیت و ل گەل ئێكودوو د ئاشتیخواز بن.»

مزگینیا یوحەننای 15:17

ئەز ڤێ فەرمانێ ل هەوە دكەم: هوین حەز ژ ئێكودوو بكەن.»

2 كورنتۆس 13:11

ل دویماهیێ گەلی خویشك و برایان، د دلخۆش بن، خۆ راستڤە كەن، ئێكودوو هان بدەن، هەڤهزر بن، ب ئاشتیێ بژین، ئەڤجا خودایێ حەزژێكرنێ و ئاشتیێ دێ ل گەل هەوە بیت.

گالاتیا 4:14

هەر چەندە نەساخیا من بۆ هەوە تاقیكرن بوو، لێ هەوە ئەز بێڕێز نەكرم و پشتا خۆ نەدا من، هەوە وەكو فریشتەیەكێ خودێ یان وەكو مەسیح عیسای ئەز قەبیل كرم.

گالاتیا 5:22

لێ بەرهەمێ گیانێ پیرۆز ئەڤەیە: حەزژێكرن، دلخۆشی، ئاشتی، بێهنفرەهی، جوامێری، چاكی، دلسۆزی،

گالاتیا 6:6

ئەوێ فێری پەیڤێ دبیت، بلا پشكەكێ ژ هەمی تشتێن خۆ یێن باش، بكەتە بەهرا مامۆستایێ خۆ.

ئەفەسۆس 4:3

هەمی بزاڤان بكەن كو هوین ئێكەتیا گیانی ب بەندكێ ئاشتیێ بپارێزن.

كۆلۆسی 3:15

بلا د دلێ هەوە دا ئاشتیا مەسیحی حوكمداریێ بكەت، ئەو ئاشتیا هوین بۆ وێ هاتینە گازیكرن، كو ببنە ئێك لەش، هەروەسا د سوپاسدار ژی بن.

1 سالونیكی 5:14

ئەم هیڤی ژ هەوە دكەین، گەلی خویشك و برایان، ئاگەهداریێ بدەنە تەمبەلان، هاندانا دلساران بكەن، پشتەڤانیا لاوازان بكەن و ل گەل هەمیان د بێهنفرە‍‌ھ بن.

2 سالونیكی 3:16

ئەڤجا بلا خودانێ ئاشتیێ ب خۆ، هەرگاڤ و ب هەمی شێوەیان، ئاشتیێ بدەتە هەوە. خودان ل گەل هەوە هەمیان بیت.

2 تیمۆتاوس 2:22

ژ حەزێن گەنجاتیێ بڕەڤە، هەروەسا بزاڤێ بۆ راستداری و باوەری و حەزژێكرن و ئاشتیێ بكە ل گەل وان كەسان یێن ب دلەكێ پاقژ هەوارا خۆ دگەهیننە خودانی.

عیبرانی 12:14

بۆ ئاشتیێ ل گەل هەمی كەسان بزاڤێ بكەن، هەروەسا بۆ پیرۆزیێ، ئەوا بێی وێ كەس خودانی نابینیت.

یەعقوب 3:18

چێكەرێن ئاشتیێ تۆڤێ ئاشتیێ دچینن و راستداریێ ژێ دهەلینن.