1 سالونیكی 5:12 - ئنجیلا پیرۆز

¹² ئەڤجا ئەم هیڤی ژ هەوە دكەین، گەلی خویشك و برایان، كو هوین رێزێ ل وان بگرن، یێن د ناڤ هەوە دا خۆ دوەستینن و د باوەریا خودانی دا رێبەریا هەوە دكەن و شیرەتان ل هەوە دكەن.

1 سالونیكی 5:12 ပူးပေါင်းရင်းမြစ်များ

مزگینیا لوقای 10:7

هوین د وێ مالێ دا بمینن و بخۆن و ڤەخۆن ژ وی تشتێ وان هەی، چنكو پالە هەژی كرێیا خۆیە. ژ مالەكێ بۆ مالەكێ نەچن.

مزگینیا یوحەننای 4:38

من هوین هنارتن، دا وی بدروین یێ هوین پێڤە نەوەستیاین. هندەكێن دی یێن وەستیاین و هوین بەرهەمێ وەستیانا وان دچنن.»

كارێن هنارتیان 20:28

ئەڤجا هشیاری خۆ و هەمی كەرێ پەزی بن، ئەوێ گیانێ پیرۆز هوین وەكو چاڤدێر د ناڤ دا داناین، دا شڤانیێ ل جڤاكا گازیكریێن خودێ بكەن، ئەوا وی ب خوینا خۆ كڕی.

كارێن هنارتیان 20:35

د هەمی تشتان دا، من نیشا هەوە دا، كو فەرە هوین هۆسا خۆ بۆ هاریكاریا بێهێزان بوەستینن، پەیڤێن خودان عیسای ل بیرا هەوە بن، كو گۆتیە: ‹بەختەوەریا دانێ ژ یا وەرگرتنێ پترە.›»

رۆما 16:12

سڵاڤان ل تریفانایێ و تریفۆسایێ بكەن، ئەوێن خۆ د خزمەتا خودانی دا دوەستینن. سڵاڤان ل پەرسیسا خۆشتڤی بكەن، ئەوا گەلەك خۆ د خزمەتا خودانی دا وەستاندی.

رۆما 16:6

سڵاڤان ل مەریەمێ بكەن، ئەوا ژ بۆ هەوە خۆ گەلەك وەستاندی.

1 كورنتۆس 12:28

خودێ د ناڤ جڤاكا باوەرداران دا ئەڤە دانان: یێن ئێكێ هنارتی، یێن دوویێ پێغەمبەر، یێن سێیێ مامۆستا، پاشی یێن بەهرەیا حنێران هەی، پاشی یێن بەهرەیێن ساخكرنا نەخۆشان، هاریكاریكرنێ، بڕێڤەبرنێ و ئاخفتنێ ب زمانێن جۆراوجۆر هەی.

1 كورنتۆس 15:10

لێ ئەز چ بم، ئەز ب كەرەما خودێ ئەوم و كەرەما وی یا بۆ من هاتیە دان یا ژ قەستا نەبوو، ب راستی من ژ وان هەمیان پتر كار كر. لێ نە من كار دكر، كەرەما خودێ، ئەوا ل گەل من، كار دكر.

1 كورنتۆس 16:16

كو هوین ملكەچی كەسێن وەسا بن و هەر ئێكێ د ڤی كاری دا پشكداریێ دكەت و تێدا دوەستیێت.

1 كورنتۆس 16:18

ئەوان گیانێ من گەش كر و یێ هەوە ژی، ئەڤجا رێزێ ل یێن هۆسا بگرن.

1 كورنتۆس 3:9

چنكو ئەم پێكڤە بۆ خودێ كار دكەین، هوین ژی زەڤیا خودێنە و ئاڤاهیێ خودێنە.

2 كورنتۆس 11:23

ئەگەر ئەو خزمەتكارێن مەسیحینە، (ئەز وەكو ئێكێ دین دبێژم) ئەز ژ وان باشترم: من زێدەتر رەنجا بری، پتر یێ هاتیمە زیندانكرن، پتر لێدان ب من كەفتیە، گەلەك جاران روی ب روی مرنێ بوویمە.

2 كورنتۆس 5:9

لەوما ئەم ل نك خودانی د ئاكنجی بین یان ژی ل دویر بین، ئارمانجا مە ئەوە كو جهێ رازیبوونا وی بین.

2 كورنتۆس 6:1

ئەم وەك یێن كو ل گەل خودێ كار دكەین، هیڤی ژ هەوە دكەین كو وەرگرتنا كەرەما وی ژ لایێ هەوە ڤە یا ژ قەستا نەبیت.

گالاتیا 4:11

ئەز ژ بەر هەوە دترسم كو وەستیانا من ژ پێخەمەت هەوە یا ژ قەستا بیت.

فیلیپی 2:16

خۆ موكم ب پەیڤا ژیانێ ڤە بگرن، دا د رۆژا مەسیحی دا شانازیێ ببەم، كو بەزین و رەنجكێشانا من ب ئاڤێ دا نەچوویە.

فیلیپی 2:19

من هیڤی ب خودان عیسای هەیە، كو د دەمەكێ نێزیك دا، دێ تیمۆتاوسی هنێرمە نك هەوە، داكو دلێ من ب زانینا رەوشا هەوە تەنا ببیت.

كۆلۆسی 1:29

ژ بۆ ڤێ چەندێ، ئەز رەنجێ دكێشم، ل دویڤ هێزا وی یا د من دا بهێز كار دكەت، بزاڤێ دكەم.

1 سالونیكی 2:9

رەنج و وەستیانا مە یا ل بیرا هەوە، گەلی خویشك و برایان، دەمێ مە مزگینیا خودێ بۆ هەوە رادگەهاند، مە ب شەڤ و رۆژ كار دكر دا بۆ كەسێ ژ هەوە نەبینە بارگرانی.

1 سالونیكی 4:1

ل دویماهیێ گەلی خویشك و برایان، وەكو هوین ژ مە فێر بووین كا دڤێت هوین چەوا بژین، دا هوین خودێ رازی بكەن و ب راستی ژی هوین وە دكەن، ئەم ب ناڤێ خودان عیسای داخوازێ ژ هەوە دكەین و هیڤی دكەین كو هوین هێشتا پێشڤە بچن،

1 سالونیكی 5:14

ئەم هیڤی ژ هەوە دكەین، گەلی خویشك و برایان، ئاگەهداریێ بدەنە تەمبەلان، هاندانا دلساران بكەن، پشتەڤانیا لاوازان بكەن و ل گەل هەمیان د بێهنفرە‍‌ھ بن.

1 تیمۆتاوس 5:1

ل زەڵامێ پیر نەحەیتینە، لێ هان بدە، هەروەكو ئەو بابێ تە، رەفتارێ ل گەل گەنجان ژی بكە هەروەكو برایێن تە،

1 تیمۆتاوس 5:20

ئەوێن ل سەر گونەهكرنێ ماین، ل بەر چاڤێن هەمیان پاشڤە ببە، دا یێن دی ژی بترسن.

2 تیمۆتاوس 2:6

دڤێت جۆتیارێ رێنجبەر ئێكەم كەس بیت بەهرا خۆ ژ بەرهەمی ببەت.

تیتۆس 1:3

و نوكە د دەمێ نەخشەكری دا ئەوی ئەو پەیام ئاشكرا كر، ب رێكا وێ راگەهاندنێ، یا ئەركێ وێ ل دویڤ فەرمانا قورتالكەرێ مە خودێ، بۆ من هاتیە سپاردن.

تیتۆس 1:5

من تۆ بۆ وێ ئەگەرێ هێلایە ل كریتێ، كو تۆ ئەو كاروبارێن ماینە نیڤەرۆ رێك بئێخی و ل هەر باژێڕەكی ریهسپیان دەستنیشان بكەی، هەروەكو من تۆ راسپاردی.

تیتۆس 2:15

ڤان تشتان ب هەمی دەستهەلاتی بێژە، ئاگەهدار بكە و پاشڤە ببە. بلا كەس سڤكاتیێ ب تە نەكەت.

عیبرانی 13:17

گوهداریا رێبەرێن خۆ بكەن و ملكەچی وان بن، چنكو ئەو وەكو ئێكێ دێ حساب ل گەل هێتە كرن چاڤدێریێ ل گیانێ هەوە دكەن. هوین وێ چەندێ بكەن، دا ئەو ب كەیفخۆشی ب كارێ خۆ راببن، نە ب بێزاری، چنكو ئەگەر هوین وان بێزار بكەن، بۆ هەوە یا بێ مفایە.

عیبرانی 13:7

رێبەرێن خۆ بیننە بیرا خۆ، ئەوێن پەیڤا خودێ بۆ هەوە گۆتی. ل ئەنجامێ شێوازێ ژیانا وان بنێڕن و چاڤ ل باوەریا وان بكەن.

ئاشكراكرن 1:20

نهێنیا حەفت ستێرێن تە د دەستێ من یێ راستێ دا دیتین و حەفت چرادانكێن زێڕین ئەڤەیە: حەفت ستێر، فریشتەیێن هەر حەفت جڤاكانە و حەفت چرادانك، هەر حەفت جڤاكن.»

ئاشكراكرن 2:12

«بۆ فریشتەیێ جڤاكا باوەرداران ل پەرگامایێ بنڤیسە: ‹ئەوێ شیرێ تیژ یێ دوودەڤ هەی، ڤان تشتان دبێژیت:

ئاشكراكرن 2:18

«بۆ فریشتەیێ جڤاكا باوەرداران ل تیاتیرایێ بنڤیسە: ‹كوڕێ خودێ، ئەوێ چاڤێن وی وەكو گوڕیا ئاگری و پێیێن وی وەكو برۆنزێ تەیساندی، ڤان تشتان دبێژیت:

ئاشكراكرن 2:3

ئەز دزانم ژی تۆ یێ خۆڕاگری و تە رەنج ژ پێخەمەت ناڤێ من كێشا و نەوەستیای.

ئاشكراكرن 2:8

«بۆ فریشتەیێ جڤاكا باوەرداران ل سمیرنایێ بنڤیسە: ‹ئەوێ ئێكێ و دویماهیێ، ئەوێ مری و زیندی بووی، ڤان تشتان دبێژیت:

ئاشكراكرن 3:1

«بۆ فریشتەیێ جڤاكا باوەرداران ل ساردیسێ بنڤیسە: ‹ئەوێ حەفت گیانێن خودێ و حەفت ستێر هەین، ڤان تشتان دبێژیت: من های ژ كریارێن تە هەیە، تۆ ب ناڤی یێ زیندی، لێ تۆ یێ مری.

ئاشكراكرن 3:14

«بۆ فریشتەیێ جڤاكا باوەرداران ل لاودیكیایێ بنڤیسە: ‹ئەوێ ب "ئامین" هاتیە بناڤكرن، شاهدێ دلسۆز و راست، سەرەكانیا ئافراندیێن خودێ، ڤان تشتان دبێژیت:

ئاشكراكرن 3:7

«بۆ فریشتەیێ جڤاكا باوەرداران ل فیلادەلفیایێ بنڤیسە: ‹یێ پیرۆز، یێ راست، ئەوێ كلیلا داوودی هەی، ئەوێ ڤەدكەت و كەس ناگریت، ئەوێ دگریت و كەس ڤەناكەت، ڤان تشتان دبێژیت: