1 سالونیكی 5:11 - ئنجیلا پیرۆز

¹¹ لەوما هاندانا ئێكودوو بكەن و ئێكودوو ئاڤا بكەن، هەروەكو هوین نوكە دكەن.

1 سالونیكی 5:11 ပူးပေါင်းရင်းမြစ်များ

رۆما 14:19

ئەڤجا دا بزاڤێ بۆ وان تشتان بكەین یێن ئاشتی و ئاڤاكرنا هەڤپشك ژێ چێدبن.

رۆما 15:14

ئەز ب خۆ ژ هەوە یێ پشتڕاستم خویشك و برایێن من، كو هوین ب خۆ ژ باشیێ دپڕن، ژ هەمی زانینێ د پڕكرینە و دشێن شیرەتان ل ئێكودوو بكەن.

رۆما 15:2

بلا هەر ئێك ژ مە ژ بۆ باشیێ ل رازیكرنا نێزیكێ خۆ بگەڕیێت، ژ پێخەمەت ئاڤاكرنا وی.

1 كورنتۆس 10:23

دبێژن: «هەمی تشت د حەلالن»، لێ هەمی تشت ب مفا نینن. «هەمی تشت د حەلالن»، لێ هەمی تشت ئاڤەدانیێ ناكەن.

1 كورنتۆس 14:12

هەروەسا هوین ژی، مادەم هەوە مەرەقا بەهرەیێن روحانی هەیە، بزاڤێ بكەن دا د ناڤ وان بەهرەیان دا بۆ ئاڤاكرنا جڤاكا باوەرداران هێشتا پتر پێشبكەڤن.

1 كورنتۆس 14:29

بلا دوو یان سێ پێغەمبەر بئاخڤن، یێن دی ژی گۆتنێن وان بهەلسەنگینن.

1 كورنتۆس 14:5

ئەز حەز دكەم هوین هەمی ب زمانێن دی بئاخڤن، لێ ئەز هێشتا پتر حەز دكەم كو هوین پەیاما خودێ رابگەهینن. ئەوێ پەیامێ رادگەهینیت ژ وی مەزنترە یێ ب زمانێن دی دئاخڤیت، ژبلی كو ئەگەر ئەو وەرگێڕانێ بكەت دا جڤاكا باوەرداران ئاڤا ببیت.

2 كورنتۆس 12:19

ما هوین هزر دكەن، ب درێژاهیا ڤێ نامەیێ، ئەم هەوڵ ددەین رویێن خۆ ل نك هەوە سپی بكەین؟ نەخێر، ل بەرامبەری خودێ ئەم ل دویڤ حەزا مەسیحی بۆ هەوە دئاخڤین، هەر تشتێ ئەم بكەین ژی، گەلی خۆشتڤیان، بۆ ئاڤاكرنا هەوەیە.

ئەفەسۆس 4:12

بۆ ئامادەكرنا پیرۆزكریان بۆ كارێ خزمەتێ ژ پێخەمەت ئاڤاكرنا لەشێ مەسیحی،

ئەفەسۆس 4:16

ژ ویە هەمی لەش خۆ پێكڤە دگریت و ب هاریكاریا هەر گەهەكێ دهێتە گرێدان و دەمێ هەر ئەندامەك كارێ خۆ دكەت، لەش وەرارێ دكەت و د حەزژێكرنێ دا خۆ ئاڤا دكەت.

ئەفەسۆس 4:29

بلا گۆتنەكا خراب ژ دەڤێ هەوە دەرنەكەڤیت، لێ ب تنێ ئەوێ بێژن یا كو ل دویڤ رەوشێ بكێر ئاڤاكرنێ دهێت، دا مفایەكی بگەهینیتە گوهداران.

1 سالونیكی 4:10

ب راستی ژی هوین ڤێ چەندێ بۆ هەمی برایێن ل سەرانسەری مەقدۆنیایێ دكەن. لێ ئەم هیڤی ژ هەوە دكەین، گەلی خویشك و برایان، كو هوین ڤێ چەندێ هێشتا زێدەتر بكەن.

1 سالونیكی 4:18

ئەڤجا ب ڤان گۆتنان هاندانا ئێكودوو بكەن.

1 تیمۆتاوس 1:4

هەروەسا ئەو خۆ ب چیڤانۆك و نەژادنامەیێن بێ دویماهی ڤە مژویل نەكەن، ئەڤ چەندە دبنە ئەگەرێ بگروڤەكێشێ ل شوینا بجهئینانا نەخشەیێ خودێ یێ كو ب رێكا باوەریێیە.

عیبرانی 10:25

بلا دەست ژ كۆمبوونێ ل گەل ئێكودوو بەرنەدەین، هەروەكو بوویە نەریتێ هندەكان، لێ ئێكودوو هانبدەین و هندی هوین ببینن كو رۆژا خودانی یا نێزیك دبیت پتر وە بكەن .

عیبرانی 3:13

لێ هەر رۆژ ئێكودوو هان بدەن، هندی ناڤێ ‹ئەڤرۆ› ل سەر بیت، دا ژ بەر فێلبازیا گونەهێ كەس ژ هەوە سەرهشك نەبیت.

2 پەترۆس 1:12

ژ بەر ڤێ چەندێ ئەز دێ هەردەم بیرا هەوە ل ڤان تشتان ئینم، هەر چەندە هوین ڤان تشتان دزانن و د ڤێ راستیا ل نك هەوە دا د خۆجهن.

یەهودا 1:20

لێ هوین، گەلی خۆشتڤیان، خۆ ل سەر باوەریا خۆ یا هەری پیرۆز ئاڤا بكەن، ب گیانێ پیرۆز نڤێژێ بكەن،