1 سالونیكی 5:10 - ئنجیلا پیرۆز

¹⁰ ئەوێ ژ پێخەمەت مە مری، داكو ئەگەر ئەم د هشیار بین یان ژی د نڤستی، ئەم ل گەل وی بژین.

1 سالونیكی 5:10 ပူးပေါင်းရင်းမြစ်များ

مزگینیا مەتتای 20:28

هەروەسا كوڕێ مرۆڤ ژی نەهاتیە داكو خزمەتا وی بهێتە كرن، لێ دا ئەو خزمەتێ بكەت و خۆ ژ پێش گەلەكان ڤە بكەتە گۆری.»

مزگینیا یوحەننای 10:11

ئەزم شڤانێ باش. شڤانێ باش ژی ژیانا خۆ گۆری پەزێ خۆ دكەت.

مزگینیا یوحەننای 10:15

هەروەكو باب من دنیاسیت و ئەز وی دنیاسم. ئەز ژیانا خۆ گۆری پەزێ خۆ دكەم.

مزگینیا یوحەننای 10:17

لەوما باب حەز ژ من دكەت، چنكو ئەز ژیانا خۆ دكەمە گۆری، دا جارەكا دی وێ ب دەست خۆ ڤە بینم.

مزگینیا یوحەننای 15:13

كەسێ حەزژێكرنەكا ژ ڤێ مەزنتر نینە، كو ئێك ژیانا خۆ گۆری خۆشتڤیێن خۆ بكەت.

رۆما 8:34

كی دشێت وان گونەهبار بكەت؟ مەسیح عیسایە یێ كو مری، لێ ئەوە یێ ژ ناڤ مریان رابووی ژی و هەر ئەوە یێ ل دەستێ راستێ یێ خودێ بۆ مە مەهدەریێ دكەت.

1 كورنتۆس 15:3

چنكو من بەری هەر تشتەكی ئەو بۆ هەوە راگەهاند یا من ژی وەرگرتی: كو مەسیح ژ پێخەمەت گونەهێن مە مر، هەروەكو بەری هنگی د نڤیسارێن پیرۆز دا هاتبوو نڤیسین.

2 كورنتۆس 5:15

ئەو ژ پێخەمەت هەمیان مر، دا ئێدی یێن دژین، نە ژ بۆ خۆ، لێ ژ بۆ وی بژین یێ ژ پێخەمەت وان مری و رابوویە.

2 كورنتۆس 5:21

ئەوێ كو ئێكجار گونە‍‌ھ نەكری، خودێ ژ پێخەمەت مە ئەو كرە قوربانیێ گونەهێ، دا ئەم ب رێكا ئێكبوونا مە ل گەل وی ل نك خودێ راستدار دەركەڤین.

ئەفەسۆس 5:2

د حەزژێكرنێ دا بژین، هەروەكو مەسیحی ژی حەز ژ مە كری و خۆ گۆری مە كری، ژ پێخەمەت مە بوویە پێشكێشی و قوربانیەكێ بێهنخۆش بۆ خودێ.

1 سالونیكی 4:13

مە نەڤێت هوین دەربارەی نڤستیان د بێ ئاگە‍‌ھ بن، گەلی خویشك و برایان، دا خۆ خەمگین نەكەن وەكو یێن دی یێن كو چ هیڤی نینن.

1 سالونیكی 4:15

ئەم ڤێ چەندێ ب پەیڤا خودانی بۆ هەوە دبێژین: ئەم یێن زیندی كو تا هاتنا خودانی بمینین، ئێكجار د بەراهیا یێن نڤستی را ناكەین.

1 سالونیكی 4:17

پاشی، ئەم یێن زیندی یێن كو ماین، دێ ل گەل وان د عەوران دا هێینە رەڤاندن، دا ل گەل خودانی د بەرگەبای دا بگەهینە ئێك، هۆسا ئەم دێ هەردەم ل گەل خودانی بین.

1 سالونیكی 5:6

ئەڤجا ئەم نەنڤین وەكو یێن دی، لێ بلا ئەم د هشیار و ل سەر هشێن خۆ بین.

1 تیمۆتاوس 2:6

ئەوی خۆ وەكو نرخێ ئازادیا هەمی مرۆڤان بەخش كر. ئەڤەیە شاهدەییا د دەمێ وێ یێ گونجای دا هاتیە دان.

2 تیمۆتاوس 2:11

ئەڤ گۆتنە جهێ پشتڕاستیێیە: ئەگەر ئەم ل گەل وی مربین دێ ل گەل وی ژین ژی.

تیتۆس 2:14

ئەوێ خۆ گۆری مە كری، دا مە ژ هەمی گونەهان رزگار بكەت و پاك بكەت و بكەتە خەلكێ خۆ یێ تایبەت یێ دلگەرم بۆ كریارێن باش.

1 پەترۆس 2:24

وی ب خۆ ل سەر خاچێ گونەهێن مە د لەشێ خۆ دا هەلگرتن، دا ئەم دەربارەی گونەهان بمرین و بۆ راستیێ بژین. ب برینێن وی هوین ساخ بوون.

1 پەترۆس 3:18

چنكو مەسیح ژی جارەكێ و بۆ هەروهەر ژ پێخەمەت گونەهان هاتە ئازاردان، یێ راستدار ژ پێخەمەت نەڕاستداران، دا هەوە بگەهینیتە خودێ. ئەو د لەشی دا هاتە كوشتن، لێ ژ لایێ گیانی ڤە هاتە ڤەژاندن.