1 سالونیكی 4:7 - ئنجیلا پیرۆز

⁷ چنكو خودێ ئەم بۆ پویچاتیێ گازی نەكرینە، لێ بۆ پیرۆزیێ.

1 سالونیكی 4:7 ပူးပေါင်းရင်းမြစ်များ

رۆما 1:7

بۆ هەمی خۆشتڤیێن خودێ یێن ل رۆمایێ، ئەوێن هاتینە گازیكرن دا ببنە پیرۆزكریێن خودێ: كەرەم و ئاشتی ژ بابێ مە خودێ و خودان عیسایێ مەسیح ل سەر هەوە بن.

1 كورنتۆس 1:2

بۆ جڤاكا گازیكریێن خودێ ل كورنتۆسێ، ئەو كەسێن خودێ ب مەسیح عیسای پیرۆز كرین و گازی كرین، دا ببنە پیرۆزكریێن خودێ، ل گەل وان هەمیان یێن ل هەر جهەكی هەوارا خۆ دگەهیننە ناڤێ خودانێ مە عیسایێ مەسیح، ئەو خودانێ وان و یێ مەیە:

گالاتیا 5:19

كارێن لەشی د ئاشكرانە، ئەو ژی ئەڤەنە: دەهمەنپیسی، پویچاتی، بێدەلنگی،

ئەفەسۆس 1:4

وی ژ بەری دامەزراندنا جیهانێ، ب ئێكبوونا مە ل گەل مەسیحی ئەم هەلبژارتین، دا ئەم ل بەرامبەری وی د حەزژێكرنێ دا د پیرۆز بین و گازندە ژ مە نەبن.

ئەفەسۆس 2:10

چنكو ئەم چێكریێن خودێینە، د ئێكبوونا ل گەل مەسیح عیسای دا هاتینە ئافراندن، دا ئەم د ڤان كریارێن باش دا، یێن خودێ پێشوەخت ئامادە كرین، بڕێڤە بچین.

ئەفەسۆس 4:1

ئەڤجا ئەز، كو ژ بەر خودانی هاتیمە زیندانكرن، هیڤی ژ هەوە دكەم كو هوین ب شێوەیەكی بژین، یا هەژی وێ گازیكرنێ بیت، ئەوا هوین بۆ هاتینە گازیكرن.

ئەفەسۆس 4:19

ئەوان شەرم نەمایە و خۆ رادەستی بێدەلنگیێ كریە كو هەمی جۆرێن پویچاتیێ بكەن و ژێ تێر نابن.

1 سالونیكی 2:3

ئەو هیڤیخوازیا ئەم دكەین، نە ژ شاشیێ و نە ژ نەپاكیێ دهێت و نە ب فێلبازیێیە،

2 تیمۆتاوس 1:9

خودێیە یێ ئەم قورتال كرین و بۆ گازیكرنەكا پیرۆز ئەم گازی كرین، نە ل دویڤ كریارێن مە، لێ ل دویڤ مەبەست و كەرەما خۆ یا بەری دەستپێكا ئافراندنێ ب رێكا مەسیح عیسای بۆ مە هاتیە دان

عیبرانی 12:14

بۆ ئاشتیێ ل گەل هەمی كەسان بزاڤێ بكەن، هەروەسا بۆ پیرۆزیێ، ئەوا بێی وێ كەس خودانی نابینیت.

2 پەترۆس 2:10

نەخاسمە ئەوێن ب دویڤ حەزێن هەڕمی یێن لەشی دكەڤن و سڤكاتیێ ب سەروەریێ دكەن. ئەو د رویقاییمن و خۆ دسەپینن، ناترسن كو ب خرابی بەحسێ خودانێن مەزناهیێ بكەن.