1 سالونیكی 4:3 - ئنجیلا پیرۆز

³ حەزا خودێ ژی ئەوە كو هوین د پیرۆز بن، ئانكو خۆ ژ دەهمەنپیسیێ بدەنە پاش.

1 سالونیكی 4:3 ပူးပေါင်းရင်းမြစ်များ

مزگینیا مەتتای 12:50

چنكو هەر كەسێ ب حەزا بابێ من یێ ل ئەسمانان بكەت، ئەوە خویشك و برا و دایكا من.»

مزگینیا مەتتای 15:19

چنكو ژ دلی ئەڤە دەردكەڤن: هزرێن خراب، كوشتن، دەهمەنپیسی، بێنامویسی، دزی، شاهدەییا ب درەو و بوهتان.

مزگینیا مەتتای 5:32

لێ ئەز دبێژمە هەوە: هەر كەسێ نە ژ بەر دەهمەنپیسیێ ژنا خۆ بەردەت، دبیتە ئەگەرێ هندێ كو ئەو ژن ببیتە دەهمەنپیس، هەروەسا هەر كەسێ ژنكەكا بەردای بۆ خۆ بینیت، دەهمەنپیسیێ دكەت.

مزگینیا مەتتای 7:21

نە هەر كەسەكێ بێژیتە من ‹خودان، خودان!› دێ چیتە د پاشایەتیا ئەسمانان دا، لێ ئەو دێ چیت یێ حەزا بابێ من یێ ل ئەسمانان ب ج‍‌ھ دئینیت.

مزگینیا مەرقۆسی 3:35

چنكو هەر كەسێ ب حەزا خودێ بكەت، ئەوە خویشك و برا و دایكا من.»

مزگینیا یوحەننای 4:34

عیسای گۆتە وان: «خوارنا من ئەوە كو ئەز ب حەزا وی بكەم یێ ئەز هنارتیم و كارێ وی ب دویماهی بینم.

مزگینیا یوحەننای 7:17

هەر كەسێ دڤێت ب حەزا خودێ بكەت، دێ زانیت كا فێركرنا من ژ نك خودێ یە، یان ئەز ژ نك خۆ دئاخڤم.

كارێن هنارتیان 15:20

لێ ئەم بۆ وان نامەیەكێ بنڤیسین كو ئەو خۆ ژ هەڕماتیێن پووتان و دەهمەنپیسیێ و گیانەوەرێن خەندقاندی و خوینێ دویر بئێخن.

كارێن هنارتیان 15:29

هوین خۆ ژ خوارنێن بۆ پووتان هاتینە پێشكێشكرن، خوینێ، گیانەوەرێن خەندقاندی و دەهمەنپیسیێ دویر بئێخن. ئەگەر هوین خۆ ژ ڤان تشتان بپارێزن، هوین دێ باش كەن. بخێر بمینن.»

كارێن هنارتیان 20:32

نوكە ژی ئەز هەوە دهێلمە ب هیڤیا خودێ و پەیڤا كەرەما وی ڤە، ئەو پەیڤا شیان هەی كو هەوە ئاڤاكەت و میراتەكی ل گەل هەمی پیرۆزكریان بدەتە هەوە.

كارێن هنارتیان 26:18

دا چاڤێن وان ڤەكەی كو ئەو ژ تاریاتیێ بۆ رۆناهیێ و ژ دەستهەلاتداریا ئبلیسی بۆ خودێ بزڤڕن، دا ئەو لێبورینا گونەهان وەربگرن و بەهرەك هەبیت ل گەل ئەو كەسێن ب رێكا باوەری ئینانێ ب من هاتینە پیرۆزكرن.›

رۆما 1:29

ئەو ژ هەمی نەڕاستی، خرابی، چاڤبرساتی و بەدكاریێ دپڕن و ب زكڕەشی، كوشتن، هەڤڕكی، فێلبازی و زیانخوازیێ د داگرتینە. نەكامیكەرن،

رۆما 12:2

هوین وەكو خەلكێ ڤێ جیهانێ نەبن، لێ ب نویكرنا زێهنێ خۆ وەرنە گوهۆڕین، دا هوین بزانن كا حەزا خودێ یا باش و جهێ رازیبوونێ و بێكێماسی چیە.

رۆما 6:22

لێ نوكە كو هوین ژ گونەهێ هاتینە ئازادكرن و بووینە بەنیێن خودێ، هوین بەرهەمی بۆ پیرۆزیێ ب دەست خۆ ڤە دئینن، ئەنجام ژی ژیانا هەروهەرە.

1 كورنتۆس 1:30

هەر ئەوە ئەگەرێ ئێكبوونا هەوە ل گەل مەسیح عیسای، ئەو مەسیحێ بۆ مە بوویە ئاقلمەندی ژ نك خودێ، راستداری، پیرۆزی و رزگاری،

1 كورنتۆس 7:2

لێ دا دەهمەنپیسی نەبیت، بلا هەر زەڵامەكی پەیوەندی ل گەل ژنا خۆ و هەر ژنەكێ پەیوەندی ل گەل مێرێ خۆ هەبیت.

2 كورنتۆس 12:21

ئەز دترسم دەمێ جارەكا دی بهێمە نك هەوە، خودایێ من ل نك هەوە من شەرمزار بكەت و بۆ گەلەكان شینیێ بكەم، ئەوێن پێشتر گونە‍‌ھ كرین و ژ پویچاتی، دەهمەنپیسی و بێدەلنگیا وان كری ل خۆ نەزڤڕین.

گالاتیا 5:19

كارێن لەشی د ئاشكرانە، ئەو ژی ئەڤەنە: دەهمەنپیسی، پویچاتی، بێدەلنگی،

ئەفەسۆس 5:17

لەوما خۆ مەژی هشك نەكەن، لێ تێبگەهن كا حەزا خودانی چیە.

ئەفەسۆس 6:6

نە ب وێ خزمەتێ یا ل بەر چاڤان دهێتە كرن، ب تنێ بۆ رازیكرنا مرۆڤان، لێ وە بكەن هەروەكو بەنیێن مەسیحی ژ دل حەزا خودێ ب ج‍‌ھ دئینن.

كۆلۆسی 1:9

ژ بەر ڤێ چەندێ ژی، هەر ژ رۆژا مە ئەڤە بهیستی، مە دەست ژ نڤێژكرنێ و داخوازكرنێ بۆ هەوە بەرنەدایە، كو هوین ژ زانینا حەزا خودێ، ب هەمی ئاقلمەندی و تێگەهشتنا روحانی، پڕ ببن،

كۆلۆسی 3:5

ژ بەر هندێ حەزێن خۆ یێن ڤێ جیهانێ بمرینن: دەهمەنپیسی، پویچاتی، گڕ، حەزێن خراب و چاڤبرساتی كو پووتپەرێسیە،

كۆلۆسی 4:12

ئێپافراس ژی سڵاڤان ل هەوە دكەت، ئەو ژی ئێك ژ هەوەیە و بەنیێ مەسیح عیسایە، ئەو هەردەم ب نڤێژان ژ پێخەمەت هەوە خەباتێ دكەت، دا هوین ب كاملی و پشتڕاست ژ هەمی حەزا خودێ د خۆڕاگر بن.

1 سالونیكی 4:2

چنكو هوین دزانن مە ب دەستهەلاتا خودان عیسای چ راسپاردە داینە هەوە.

1 سالونیكی 4:4

بلا هەر ئێك ژ هەوە بزانیت كا دێ چەوا ل سەر لەشێ خۆ زاڵ بیت و د پیرۆزی و سەربلندیێ دا ژیت،

1 سالونیكی 5:18

د هەمی رەوشان دا سوپاسیا خودێ بكەن، چنكو ئەڤە حەزا خودێیە بۆ هەوە د ئێكبوونا ل گەل مەسیح عیسای دا.

1 سالونیكی 5:23

بلا خودایێ ئاشتیێ ب خۆ هەوە ب تەمامی پیرۆز بكەت و هەمی گیان و دەروون و لەشێ هەوە بپارێزیت، داكو ل دەمێ هاتنا خودانێ مە عیسایێ مەسیح د بێكێماسی بن.

2 سالونیكی 2:13

لێ پێدڤیە ئەم هەردەم ژ پێخەمەت هەوە، گەلی خویشك و برایێن خۆشتڤی ژ لایێ خودانی ڤە، سوپاسیا خودێ بكەین، چنكو هەر ژ دەستپێكێ خودێ هوین ژ بۆ قورتالبوونێ ب رێكا پیرۆزكرنێ ژ لایێ گیانێ پیرۆز ڤە و باوەری ئینان ب راستیێ، هەلبژارتن.

تیتۆس 2:14

ئەوێ خۆ گۆری مە كری، دا مە ژ هەمی گونەهان رزگار بكەت و پاك بكەت و بكەتە خەلكێ خۆ یێ تایبەت یێ دلگەرم بۆ كریارێن باش.

عیبرانی 10:36

هوین د پێدڤی خۆڕاگریێنە، داكو پشتی هوین حەزا خودێ ب ج‍‌ھ دئینن، ئەوا سۆز پێ هاتیە دان وەرگرن.

عیبرانی 12:16

نەكو ئێك ببیتە كەسەكێ دەهمەنپیس یان رێزێ ل پیرۆزیێ ناگریت وەكو عیسۆی، ئەوێ ژ پێخەمەت خوارنەكا ب تنێ نەخریبوونا خۆ فرۆتی.

عیبرانی 13:21

هەوە ب هەر تشتەكێ باش ئامادە بكەت، دا هوین حەزا وی ب ج‍‌ھ بینن. بلا كارێ ب دلێ خۆ ب رێیا عیسایێ مەسیح د مە دا بكەت، هەتا هەتایێ مەزناهی بۆ وی بیت. ئامین.

عیبرانی 13:4

بلا هەڤژینیێ ل نك هەر ئێكی رێز هەبیت، نڤینێن هەڤژینیێ د هەڕمی نەبن. چنكو خودێ دێ كەسێن بێنامویس و دەهمەنپیسان سزا دەت.

1 پەترۆس 1:2

ئەوێن ل دویڤ زانینا پێشوەخت یا خودایێ باب هاتینە هەلبژارتن و ب گیانێ پیرۆز هاتینە تەرخانكرن، دا گوهداریا عیسایێ مەسیح بكەن و ب خوینا وی بهێنە رەشاندن: كەرەم و ئاشتی ل سەر هەوە زێدە ببن.

1 پەترۆس 4:2

داكو ئەو ژیێ وی ئەوێ د لەشی دا مای، نە ل دویڤ حەزێن مرۆڤكانی، لێ ل دویڤ حەزا خودێ بژیت.

1 یوحەننا 2:17

جیهان دچیت و ئارەزوویێن وێ ژی، لێ یێ حەزا خودێ ب ج‍‌ھ دئینیت، ئەو دێ هەتا هەتایێ مینیت.

ئاشكراكرن 21:8

لێ یێن ترسنۆك و یێن بێبەخت و یێن جهێ دلڕەشیێ و یێن مێركوژ و یێن دەهمەنپیس و یێن جادووگەر و یێن پووتپەرێس و هەمیێن درەوین، دێ بەهرا وان دەریاكا هەل ب ئاگری و كپریتێ بیت. ئەڤە مرنا دوویێیە.»

ئاشكراكرن 22:15

سە و جادووگەر و دەهمەنپیس و مێركوژ و پووتپەرێس و هەر ئێكێ حەز ژ درەوان دكەت و درەوان دكەت دێ ژ دەرڤە بن.