1 سالونیكی 4:17 - ئنجیلا پیرۆز

¹⁷ پاشی، ئەم یێن زیندی یێن كو ماین، دێ ل گەل وان د عەوران دا هێینە رەڤاندن، دا ل گەل خودانی د بەرگەبای دا بگەهینە ئێك، هۆسا ئەم دێ هەردەم ل گەل خودانی بین.

1 سالونیكی 4:17 ပူးပေါင်းရင်းမြစ်များ

مزگینیا مەتتای 26:64

عیسای بەرسڤا وی دا: «تە گۆت! و ئەز دبێژمە هەوە: ژ نوكە پێڤە هوین دێ كوڕێ مرۆڤ بینن، ل دەستێ راستێ یێ هێزداری یێ روینشتی و ل سەر عەورێن ئەسمانی یێ دهێت.»

مزگینیا مەرقۆسی 14:62

عیسای گۆت: «ئەز ئەوم و هوین دێ كوڕێ مرۆڤ بینن، ل دەستێ راستێ یێ هێزداری یێ روینشتی و ل گەل عەورێن ئەسمانی یێ دهێت.»

مزگینیا یوحەننای 12:26

هەر كەسێ بڤێت خزمەتا من بكەت، بلا ب دویڤ من بكەڤیت، ئەز ل كیرێ بم، خزمەتكارێ من ژی دێ ل وێرێ بیت. هەر كەسێ خزمەتا من بكەت، باب دێ رێزێ ل وی گریت.

مزگینیا یوحەننای 14:3

پشتی ئەز دچم و بۆ هەوە جهی ئامادە دكەم، دێ جارەكا دی هێمەڤە و هەوە بەمە نك خۆ، دا ئەو جهێ ئەز لێ، هوین ژی لێ بن.

مزگینیا یوحەننای 17:24

باب، من دڤێت كو ئەوێن تە داینە من، ل گەل من بن، ل وی جهێ ئەز لێ بم، دا وێ مەزناهیا تە دایە من ببینن، چنكو بەری دامەزراندنا جیهانێ تە حەز ژ من كر.

كارێن هنارتیان 1:9

دەمێ عیسای ئەڤ ئاخفتنە گۆتین، ل بەر چاڤێن وان بۆ ئەسمانان هاتە بلندكرن، پاشی عەورەكی ئەو ژ بەر چاڤێن وان بەرزەكر.

كارێن هنارتیان 8:39

و چەوا ژ ئاڤێ دەركەفتن گیانێ خودانی فیلیپۆس بر و یێ خەساندی ئەو نەدیت و ب دلخۆشی ب رێكا خۆ چوو.

2 كورنتۆس 5:8

بەلێ، ئەم د پشتڕاستین و ب باشتر دزانین كو ژ لەشی د دویر بین و ل نك خودانی د ئاكنجی بین.

فیلیپی 1:23

د ناڤبەرا هەردوویان دا ئەز ل بەر بڕیارەكا دژوارم: ئەز حەز دكەم بچم و ل گەل مەسیحی بم، ئەڤە گەلەك چێترە.

1 سالونیكی 3:13

دا دلێ هەوە بێی كێماسی د پیرۆزیێ دا قاییم بكەت ل پێشیا بابێ مە خودێ، دەمێ خودانێ مە عیسا ل گەل هەمی پیرۆزكریێن خۆ دهێت.

1 سالونیكی 4:15

ئەم ڤێ چەندێ ب پەیڤا خودانی بۆ هەوە دبێژین: ئەم یێن زیندی كو تا هاتنا خودانی بمینین، ئێكجار د بەراهیا یێن نڤستی را ناكەین.

1 سالونیكی 4:18

ئەڤجا ب ڤان گۆتنان هاندانا ئێكودوو بكەن.

1 سالونیكی 5:10

ئەوێ ژ پێخەمەت مە مری، داكو ئەگەر ئەم د هشیار بین یان ژی د نڤستی، ئەم ل گەل وی بژین.

2 پەترۆس 3:13

لێ ئەم ل گۆر سۆزا وی، چاڤەڕێی ئەسمانێن نوی و ئەردەكێ نوی دكەین، كو راستداری تێدا یا خۆجهە.

ئاشكراكرن 1:7

ئەڤە ئەو یێ ل گەل عەوران دهێت، هەمی چاڤ دێ وی بینن، خۆ ئەوێن رم ل وی دای ژی. هەمی هۆزێن جیهانێ ژ بەر وی دێ ب خەم كەڤن. بەلێ. ئامین.

ئاشكراكرن 11:12

هنگی وان هەردوویان دەنگەكێ مەزن ژ ئەسمانی بهیست، دگۆتە وان: «سەركەڤنە ڤێرێ!» ئینا ئەو د عەوری دا سەركەفتنە ئەسمانی و دوژمنێن وان بەرێ خۆ ددایێ.

ئاشكراكرن 12:5

ژنكێ زاڕۆكەكێ نێر بوو، ئەوێ كو دێ ب گۆپالەكێ ئاسنی حوكمداریێ ل هەمی مللەتان كەت، لێ كوڕێ وێ بۆ نك خودێ و بۆ نك تەختێ وی هاتە رەڤاندن.