11 بزاڤێ بكەن كو ب ئارامی بژین و مژویلی كاروبارێن خۆ بن و ب دەستێن خۆ كار بكەن، هەروەكو مە هوین راسپاردین،
هەروەكو مرۆڤەكێ رێڤنگ، دەمێ ژ مالا خۆ دچیت و كارێ هەر بەنیەكێ خۆ بۆ دەست نیشان دكەت و شیرەتان ل دەرگەهڤانی دكەت كو هشیار بیت.
ل نك وان ما و ل گەل وان كار كر، چنكو هەڤپیشەیێ وان بوو، كو ئەو د كارێ خۆ دا خیڤەتڤان بوون.
د هەمی تشتان دا، من نیشا هەوە دا، كو فەرە هوین هۆسا خۆ بۆ هاریكاریا بێهێزان بوەستینن، پەیڤێن خودان عیسای ل بیرا هەوە بن، كو گۆتیە: ‹بەختەوەریا دانێ ژ یا وەرگرتنێ پترە.›»
د دلگەرمیێ دا سست نەبن، ب گیانەكێ ئاگرینی خزمەتا خودانی بكەن.
ئارمانجا من ئەوە كو ئەز مزگینیێ ل وان جهان بدەم یێن ناڤێ مەسیحی لێ نەهاتیە بهیستن، دا ل سەر بنیاتێ كەسەكێ دی دانای ئاڤا نەكەم.
ب دەستێن خۆ كار دكەین و رەنجێ دكێشین. دەمێ ئاخفتنێن كرێت دبێژنە مە، ئەم بەرەكەتێ بۆ دخوازین. دەمێ مە تەپەسەر دكەن، ئەم بێهنا خۆ فرەھ دكەین.
لەوما ئەم ل نك خودانی د ئاكنجی بین یان ژی ل دویر بین، ئارمانجا مە ئەوە كو جهێ رازیبوونا وی بین.
بلا دزیكەر ئێدی دزیێ نەكەت، لێ بلا بوەستیێت و ب دەستێ خۆ كارەكێ حەلال بكەت، دا وی تشتەك هەبیت بدەتە یێ هەوجە ژی.
بۆ پاشایان و هەمی دەستهەلاتداران ژی، دا ئەم ژیانەكا تەنا و ئارام، ب هەمی خودێترسی و رێز، بڕێڤە ببەین.
ل گەل هندێ، ئەو فێری تەمبەلیێ دبن و ژ ڤێ مالێ دچنە ڤێ مالێ. نە ب تنێ تەمبەلیێ، لێ نەكامیێ و مایتێكرنێ دكەن و تشتێن نەژێهاتی ژی دبێژن.
پێدڤیە خەلكێ مە یێ باوەردار ژی فێر ببن كو پویتەی ب كریارێن باش بدەن، داكو پێدڤیێن فەر بۆ كەسێن دی دابین بكەن، هۆسا ئەو د بێبەرهەم نابن.
لێ بلا خەملا هەوە ناڤخۆیا دلێ هەوە بیت، بلا گیانەكێ نەرم و ئارام بیت، ئەڤەیە ئەو جوانیا پویچ نابیت و ل نك خودێ یا بهاگرانە.
بلا كەس ژ هەوە وەكو مێركوژەكی، یان دزەكی، یان خرابكارەكی، یان ژی وەكو مایتێكەرەكی ئازارێ نەكێشیت،