1 سالونیكی 3:8 - ئنجیلا پیرۆز

⁸ مادەم هوین د ئێكبوونا ل گەل خودانی دا دموكمن، ئێدی ژیانا مە گەش دبیت.

1 سالونیكی 3:8 ပူးပေါင်းရင်းမြစ်များ

مزگینیا یوحەننای 15:4

د ناڤ من دا بنەج‍‌ھ ببن و ئەز د ناڤ هەوە دا. كا چەوا چەق ب خۆ نەشێت بەرهەمی بدەت ئەگەر د مێوێ دا یا بنەج‍‌ھ نەبیت، هوین ژی هەروەسا نەشێن ئەگەر د ناڤ من دا د بنەج‍‌ھ نەبن.

مزگینیا یوحەننای 15:7

ئەگەر هوین د ناڤ من دا بنەج‍‌ھ ببن و ئاخفتنێن من د ناڤ هەوە دا بنەج‍‌ھ ببن، هەوە چ دڤێت بخوازن، دێ بۆ هەوە ب ج‍‌ھ هێت.

مزگینیا یوحەننای 8:31

ئینا عیسای گۆتە وان جوهیێن باوەری پێ ئینای: «ئەگەر هەوە خۆ ل سەر پەیڤا من راگرت، هوین ب راستی شاگردێن منن

كارێن هنارتیان 11:23

دەمێ گەهشتی و كەرەما خودێ دیتی، گەلەك كەیفخۆش بوو و هەمی هاندان كو ژ دل ل گەل خودانی بمینن.

1 كورنتۆس 15:58

ژ بەر ڤێ چەندێ، هەی خویشك و برایێن من یێن خۆشتڤی، د قاییم بن، د نەلڤ بن، د كارێ خودانی دا هەردەم د پڕ بزاڤ بن، چنكو هوین دزانن رەنجا هەوە بۆ خودانی یا ژ قەستا نینە.

1 كورنتۆس 16:13

بمیننە هشیار، د باوەریێ دا د خۆڕاگر بن، د مێر بن و د هێزدار بن.

گالاتیا 5:1

مەسیحی ئەم یێن ئازاد كرین، دا د ئازاد بین. ئەڤجا خۆ تێدا راگرن و جارەكا دی نەكەڤنە بن نیركێ بەنیاتیێ.

ئەفەسۆس 3:17

ب رێكا باوەریێ مەسیح د دلێ هەوە دا ئاكنجی ببیت و هوین د حەزژێكرنێ دا ب رە‍‌ھ و ب بنیات بن،

فیلیپی 1:21

چنكو بۆ من ژیان مەسیحە و مرن ژی قازانجە.

فیلیپی 1:27

لێ یا گرنگ ئەوە كو هوین ب شێوەیەكێ هەژی مزگینیا مەسیحی بژین، داكو ئەگەر ئەز بهێم و هەوە ببینم، یان ژی نەهێم و ب تنێ ببهیسم، ئەز بزانم كو هوین د ئێك گیان دا قاییم ماینە، پێكڤە ب ئێك دل خەباتێ دكەن بۆ وێ باوەریێ یا ل سەر مزگینیێ هاتیە ئاڤاكرن

فیلیپی 4:1

ئەڤجا گەلی خویشك و برایێن من یێن خۆشتڤی، ئەوێن ئەز بیریا هەوە دكەم و هوین شادی و تانجا منن، خۆشتڤیێن من ب ڤی شێوەی د ئێكبوونا ل گەل خودانی دا قاییم بمینن.

كۆلۆسی 1:23

ب تنێ ئەگەر هوین د باوەریێ دا د بەردەوام بن، دموكم و قاییم بن و خۆ ژ هیڤیا مزگینیا هەوە بهیستی لانەدەن، ئەوا بۆ هەمی ئافراندیێن د بن ئەسمانی دا هاتیە راگەهاندن، ئەوا ئەز، پاولۆس، بوویمە خزمەتكارێ وێ.

1 سالونیكی 3:7

لەوما گەلی خویشك و برایان، سەرەڕای هەمی نەخۆشی و تەنگاڤیێن مە، ب رێكا باوەریا هەوە، دلێ مە دەربارەی هەوە ئارام بوو.

عیبرانی 10:23

بلا ئەم بێی دوودلی خۆ قاییم ب دانپێدانا هیڤیا خۆ ڤە بگرین، چنكو ئەوێ سۆز دای جهێ باوەریێیە.

عیبرانی 3:14

چنكو ئەم بووینە هەڤپشكێن مەسیحی، ئەگەر مە تا دویماهیێ خۆ ب وێ پشتڕاستیێ ڤە گرت یا مە ل دەستپێكێ هەی.

عیبرانی 4:14

مادەم مە سەرۆككاهنەكێ مەزن هەیە، ئەوێ ژ ئەسمانان دەرباز بووی، كو عیسایێ كوڕێ خودێیە، بلا ئەم قاییم خۆ ب دانپێدانا خۆ ڤە بگرین.

1 پەترۆس 5:10

خودایێ هەمی كەرەمێ ژی، ئەوێ هوین ب مەسیح عیسای گازی كرینە مەزناهیا خۆ یا هەتا هەتایی، پشتی كو هەوە بۆ دەمەكێ كورت ئازار كێشای، ئەو ب خۆ دێ هەوە كامل كەت و موكم كەت و بهێز ئێخیت و خۆج‍‌ھ كەت.

2 پەترۆس 3:17

لەوما گەلی خۆشتڤیان، مادەم هوین پێشوەخت هاتینە ئاگەهداركرن، د هشیار بن نەكو ب شاشیا بەدكاران بهێنە خڕاندن و خۆڕاگریا خۆ ژ دەست بدەن.

ئاشكراكرن 3:11

ئەز دێ زوی هێم. ئەڤجا ئەو تشتێ تە هەی قاییم بگرە، دا كەس تانجا تە نەبەت.

ئاشكراكرن 3:3

دێ بینە بیرا خۆ كا تە چ وەرگرتیە و بهیستیە، وی تشتی ب ج‍‌ھ بینە و ل خۆ بزڤڕە. ئەگەر تۆ هشیار نەبی، دێ وەكو دزەكی هێم و تۆ قەت نزانی كیژان دەمژمێرێ دێ هێمە تە.