1 سالونیكی 3:6 - ئنجیلا پیرۆز

⁶ لێ نوكە تیمۆتاوس ژ نك هەوە زڤڕی نك مە و مزگینیا باوەری و حەزژێكرنا هەوە دایە مە. وی گۆتە مە كو هوین هەردەم مە ب باشی دئیننە بیرا خۆ و شەیدایێن دیتنا مە نە، هەروەكو ئەم ژی شەیدایێن دیتنا هەوە.

1 سالونیكی 3:6 ပူးပေါင်းရင်းမြစ်များ

كارێن هنارتیان 16:1

پاشی پاولۆس گەهشتە دەربە، پشتی هنگی گەهشتە لیسترا، ل وێرێ شاگردەك ب ناڤێ تیمۆتاوس هەبوو، دایكا وی جوهی بوو و باوەری ب مەسیحی هەبوو، لێ بابێ وی یونانی بوو.

كارێن هنارتیان 18:1

پشتی هنگی پاولۆسی ئەسینا هێلا و چوو باژێڕێ كورنتۆس.

كارێن هنارتیان 18:5

دەمێ سیلاس و تیمۆتاوس ژ هەرێما مەقدۆنیا گەهشتین، پاولۆسی هەمی دەمێ خۆ بۆ مزگینیێ تەرخان كر. وی شاهدەیی بۆ جوهیان ددا كو مەسیح، عیسایە.

1 كورنتۆس 11:2

ئەز پەسنا هەوە دكەم، كو د هەمی تشتان دا هوین من دئیننە بیرا خۆ و نەریتێن من داینە هەوە، ب ج‍‌ھ دئینن.

1 كورنتۆس 13:13

ئەڤجا ئەڤ هەر سێیە دمینن: باوەری، هیڤی و حەزژێكرن و یا ژ هەمیان مەزنتر حەزژێكرنە.

گالاتیا 5:6

چنكو د ئێكبوونا ل گەل مەسیح عیسای دا، سونەتبوون و سونەتنەبوون هەردوو د بێ مفانە، لێ ب تنێ ئەو باوەریا ب حەزژێكرنێ كار دكەت، یا ب مفایە.

فیلیپی 1:8

خودێ شاهدێ منە كا چەند ب دلنەرمیا مەسیح عیسای، ئەز بیریا هەوە هەمیان دكەم.

كۆلۆسی 1:4

چنكو مە دەربارەی باوەریا هەوە ب مەسیح عیسای و حەزژێكرنا هەوە بۆ هەمی پیرۆزكریان بهیست.

كۆلۆسی 4:18

ئەز پاولۆس، ڤێ سڵاڤێ ب دەستێ خۆ دنڤیسم. قەیدا من بیننە بیرا خۆ. كەرەما خودێ ل سەر هەوە بیت.

1 سالونیكی 1:3

ل بەرامبەر خودێ، بابێ مە، بێی دابڕین كریارێن هەوە یێن ژ باوەریێ و رەنجا هەوە یا ژ حەزژێكرنێ و خۆڕاگریا هەوە یا ژ وێ هیڤیێ دزێت یا هەوە ب خودانێ مە عیسایێ مەسیح هەی، دئینینە بیرا خۆ.

1 سالونیكی 2:17

گەلی خویشك و برایان، ئەم بۆ دەمەكێ كورت ژ هەوە هاتینە ڤەقەتاندن، نە دلێ مە، لێ رویێ مە ژ ئێكودوو دویر كەفت. وی دەمی مە گەلەك بزاڤ دكر، ب دلخوازیەكا مەزن، كو هەوە روی ب روی ببینین.

1 سالونیكی 2:9

رەنج و وەستیانا مە یا ل بیرا هەوە، گەلی خویشك و برایان، دەمێ مە مزگینیا خودێ بۆ هەوە رادگەهاند، مە ب شەڤ و رۆژ كار دكر دا بۆ كەسێ ژ هەوە نەبینە بارگرانی.

1 سالونیكی 3:7

لەوما گەلی خویشك و برایان، سەرەڕای هەمی نەخۆشی و تەنگاڤیێن مە، ب رێكا باوەریا هەوە، دلێ مە دەربارەی هەوە ئارام بوو.

2 سالونیكی 1:3

پێدڤیە ئەم هەرگاڤ ژ پێخەمەت هەوە، گەلی خویشك و برایان، سوپاسیا خودێ بكەین. سوپاسیكرن ژی د جهێ خۆ دایە، چنكو باوەریا هەوە گەلەك وەرارێ دكەت و حەزژێكرنا هەر ئێك ژ هەوە بۆ ئێكودوو زێدە دبیت.

1 تیمۆتاوس 1:5

لێ ئارمانجا ڤێ راسپاردەیێ حەزژێكرنەكا ژ دلەكێ پاك و ژ وژدانەكا باش و ژ باوەریەكا بێ دووڕویاتیە.

2 تیمۆتاوس 1:3

ئەز سوپاسیا خودێ دكەم، ئەوێ ئەز ب وژدانەكا پاقژ د پەرێسم، هەروەكو بابكالێن من پەرستی، دەمێ ب شەڤ و رۆژ د نڤێژێن خۆ دا بێی راوەستیان تە دئینمە بیرا خۆ.

فلیمون 1:5

چنكو ئەز حەزژێكرنا تە بۆ هەمی پیرۆزكریان و باوەریا تە ب خودان عیسای دبهیسم.

عیبرانی 13:3

زیندانكریان بیننە بیرا خۆ، هەروەكو هوین ل گەل وان د زیندانكری بن، ستەملێكریان ژی بیننە بیرا خۆ، هەروەكو ستەم ل هەوە بهێتە كرن.

عیبرانی 13:7

رێبەرێن خۆ بیننە بیرا خۆ، ئەوێن پەیڤا خودێ بۆ هەوە گۆتی. ل ئەنجامێ شێوازێ ژیانا وان بنێڕن و چاڤ ل باوەریا وان بكەن.

1 یوحەننا 3:23

فەرمانا وی ژی ئەڤەیە: ئەم باوەریێ ب ناڤێ كوڕێ وی، عیسایێ مەسیح، بینین و ئەم حەز ژ ئێكودوو بكەین، كا چەوا وی فەرمان ل مە كریە.