1 سالونیكی 3:3 - ئنجیلا پیرۆز

³ دا د ڤان تەنگاڤیان دا كەس ژ هەوە نەلقیێت. هوین ب خۆ دزانن كو ئەم بۆ ڤان تشتان یێن هاتینە دەستنیشانكرن،

1 سالونیكی 3:3 ပူးပေါင်းရင်းမြစ်များ

مزگینیا لوقای 21:12

لێ بەری ڤێ هەمیێ، ژ پێخەمەت ناڤێ من، ئەو دێ هەوە گرن و تەپەسەر كەن و دێ هەوە رادەستی كنیشتەیان كەن و هاڤێژنە د زیندانان دا و دێ هەوە راكێشنە نك پاشا و حوكمداران.

مزگینیا یوحەننای 16:2

دێ هەوە ژ كنیشتەیان دەرئێخن. دەمەك ژی دێ هێت، تێدا هەر كەسێ هەوە بكوژیت، دێ هزر كەت ئەو یێ خزمەتەكێ پێشكێشی خودێ دكەت.

مزگینیا یوحەننای 16:33

من ئەڤ تشتە بۆ هەوە گۆتن، دا هەوە ئاشتی د ناڤ من دا هەبیت. د جیهانێ دا هوین دێ د تەنگاڤیێ دا بن. لێ د وێرەك بن: من سەركەفتن ل سەر جیهانێ ئینا.»

كارێن هنارتیان 14:22

وان دلێ شاگردان خورت دكر و ئەو هانددان كو د باوەریێ دا د خۆڕاگر بن و گۆتە وان: «دڤێت ئەم د گەلەك تەنگاڤیان را دەرباز ببین، دا بچینە د پاشایەتیا خودێ دا.»

كارێن هنارتیان 2:25

داوود دەربارەی وی دبێژیت: ‹من هەردەم ل بەرامبەری خۆ خودان ددیت، ئەو دەستێ من یێ راستێیە، ئەز نالقیێم.

كارێن هنارتیان 21:11

ئەو هاتە نك مە و قایشا پاولۆسی هەلگرت و دەست و پێیێن خۆ گرێ دان و گۆت: «گیانێ پیرۆز ڤێ دبێژیت: جوهیێن ئورشەلیمێ دێ خودانێ ڤێ قایشێ هۆسا گرێ دەن و دەنە دەستێ نەجوهیان.»

كارێن هنارتیان 21:13

لێ وی بەرسڤ دا و گۆت: «بۆچی هوین دكەنە گری و دلێ من دشكێنن؟ ئەز یێ ئامادەمە ژ پێخەمەت ناڤێ خودان عیسای ل ئورشەلیمێ نە ب تنێ بهێمە گرێدان، لێ بمرم ژی!»

كارێن هنارتیان 9:16

ئەز دێ نیشا دەم، كا فەرە ژ بەر ناڤێ من چەند ئازارێ بكێشیت!»

رۆما 5:3

نە ب تنێ ب ڤێ، لێ ئەم شانازیێ ب تەنگاڤیێن خۆ ژی دبەین، چنكو ئەم دزانین تەنگاڤی خۆڕاگرتنێ پەیدا دكەت،

1 كورنتۆس 15:58

ژ بەر ڤێ چەندێ، هەی خویشك و برایێن من یێن خۆشتڤی، د قاییم بن، د نەلڤ بن، د كارێ خودانی دا هەردەم د پڕ بزاڤ بن، چنكو هوین دزانن رەنجا هەوە بۆ خودانی یا ژ قەستا نینە.

1 كورنتۆس 4:9

چنكو ئەز هزر دكەم كو خودێ ئەم، ئەوێن هنارتی، وەكو پاشبەند یێن نیشاداین، وەكو كەسێن بڕیارا كوشتنێ ل سەر دەركەفتی، چنكو ئەم بۆ هەمی گەردوونێ، ئانكو بۆ فریشتەیان و بۆ مرۆڤان ژی بووینە تەماشە.

ئەفەسۆس 3:13

لەوما ئەز هیڤی ژ هەوە دكەم كو هوین بێ ئومێد نەبن ژ بەر ئازارێن ئەز بۆ هەوە دكێشم، ئەو بۆ هەوە مەزناهینە.

فیلیپی 1:28

و هوین ب چ شێوەی ژ وان یێن بەرهنگاریا هەوە دكەن، ناترسن. ئەڤە بۆ وان بەلگەیێ وێرانبوونا وانە، لێ یێ قورتالبوونا هەوەیە و ئەڤە ژی ژ لایێ خودێ ڤەیە.

كۆلۆسی 1:23

ب تنێ ئەگەر هوین د باوەریێ دا د بەردەوام بن، دموكم و قاییم بن و خۆ ژ هیڤیا مزگینیا هەوە بهیستی لانەدەن، ئەوا بۆ هەمی ئافراندیێن د بن ئەسمانی دا هاتیە راگەهاندن، ئەوا ئەز، پاولۆس، بوویمە خزمەتكارێ وێ.

1 سالونیكی 5:9

چنكو خودێ ئەم نە ژ بۆ تۆڕەبوونا خۆ یێن دەستنیشان كرین، لێ دا بگەهینە قورتالبوونێ، ب رێیا خودانێ مە عیسایێ مەسیح،

2 سالونیكی 1:4

لەوما ئەم ب خۆ د ناڤ جڤاكێن گازیكریێن خودێ دا شانازیێ ب هەوە دبەین، ژ پێخەمەت خۆڕاگری و باوەریا هەوە د وان هەمی تەپەسەری و تەنگاڤیان دا یێن هوین خۆ ل بەر رادگرن.

2 تیمۆتاوس 1:8

ئەڤجا شەرم نەكە كو شاهدەییێ بۆ خودانێ مە بدەی، هەروەسا شەرم ب من ژی نەكە كو ئەز زیندانكریێ ویمە، لێ ب پشتگەرمی ب هێزا خودێ، ژ پێخەمەت مزگینیێ ل گەل من ئازارێ بكێشە.

1 پەترۆس 2:21

بۆ وی تشتی هوین یێن هاتینە گازیكرن، چنكو مەسیحی ژی ژ پێخەمەت هەوە ئازار كێشان و هۆسا نموونەیەك بۆ هەوە ب ج‍‌ھ هێلا، دا ل دویڤ شووپا وی بچن،

ئاشكراكرن 2:10

ژ وان ئازاران قەت نەترسە یێن ل بەرە بهێنە سەرێ تە. ئەڤە ئبلیسی ل بەرە هندەك ژ هەوە بهاڤێژیتە د زیندانێ دا، داكو هوین بهێنە تاقیكرن و دە‍‌ھ رۆژان دێ د تەنگاڤیێ دا بن. تا مرنێ یێ دلسۆز بە و ئەز دێ تانجا ژیانێ دەمە تە.

ئاشكراكرن 2:13

من های ژێ هەیە تۆ ل كیرێ یێ ئاكنجی، ل وی جهی یێ تەختێ ئبلیسی لێ. سەرەڕای هندێ تۆ ناڤێ من قاییم دگری و تە باوەریا خۆ ب من ماندەل نەكر، خۆ د وان رۆژان دا، یێن ئەنتیپاس، شاهدێ من یێ دلسۆز ل نك هەوە هاتیە كوشتن، ل وی جهی یێ ئبلیس لێ ئاكنجی.