1 سالونیكی 3:13 - ئنجیلا پیرۆز

¹³ دا دلێ هەوە بێی كێماسی د پیرۆزیێ دا قاییم بكەت ل پێشیا بابێ مە خودێ، دەمێ خودانێ مە عیسا ل گەل هەمی پیرۆزكریێن خۆ دهێت.

1 سالونیكی 3:13 ပူးပေါင်းရင်းမြစ်များ

مزگینیا مەتتای 25:31

دەمێ كوڕێ مرۆڤ ب مەزناهیا خۆ ڤە دهێت و هەمی فریشتە یێن د گەل دا، دێ ل سەر تەختێ مەزناهیا خۆ روینیت.

مزگینیا مەرقۆسی 8:38

چنكو هەر كەسێ ل بەر چاڤێن ڤی نفشێ دەهمەنپیس و گونەهكار شەرم بكەت دانپێدانێ ب من و پەیڤێن من بكەت، كوڕێ مرۆڤ ژی، دەمێ ب مەزناهیا بابێ خۆ ڤە ل گەل فریشتەیێن پیرۆز دهێت، دێ شەرم كەت دانپێدانێ ب وی بكەت.»

مزگینیا لوقای 1:6

هەردوو بەرامبەری خودێ د راست بوون و بێ گازندە فەرمان و شیرەتێن خودانی ب ج‍‌ھ دئینان.

رۆما 14:4

تۆ كی دا خزمەتكارێ ئێكێ دی داد بكەی؟ هەلسەنگاندن بۆ خودانێ ویە كا ئەو یێ سەركەفتیە یان سەرنەكەفتیە. ئەو دێ سەركەڤیت ژی، چنكو خودان دشێت وی سەربئێخیت.

رۆما 16:25

ئەڤجا مەزناهی بۆ وی بیت، یێ دشێت هەوە د باوەریێ دا موكم كەت، ل دویڤ وێ مزگینیا كو ئەز ژ بۆ عیسایێ مەسیح رادگەهینم، ل دویڤ ئاشكراكرنا وێ نهێنیا كو هەر ژ كەڤن دا یا ڤەشارتی بوو،

1 كورنتۆس 15:23

لێ هەر كەس ب دۆرا خۆ: ل بەراهیێ مەسیح كو خێڤەیە، پاشی د دەمێ هاتنا وی دا، ئەوێن كو یێن وینە.

گالاتیا 1:4

ئەوێ خۆ گۆری گونەهێن مە كری، دا مە ل دویڤ حەزا خودێ و بابێ مە ژ جیهانا نوكە یا خراب قورتال بكەت.

ئەفەسۆس 5:27

دا وێ وەكو جڤاكەكا شۆخ و شەنگ پێشكێشی خۆ بكەت، یا بێ پنی و بێ قورمچین و هەر تشتەكێ هۆسا بیت، لێ یا پیرۆز و بێكێماسی بیت.

فیلیپی 1:10

داكو هوین یا باشترین بهەلبژێرن، ئەڤجا د رۆژا مەسیحی دا د دلپاك و بێكێماسی بن

كۆلۆسی 1:22

لێ نوكە خودێ ب لەشێ مەسیحی یێ مرۆڤكانی، ب رێكا مرنا وی هوین ل گەل خۆ ئاشت كرن، دا هەوە پیرۆز و بێكێماسی و بێگازندە ل نك خۆ ئامادە بكەت،

1 سالونیكی 2:19

چنكو ما هیڤی، یان دلخۆشی، یان تانجا مە یا شانازیێ ل پێشیا خودانێ مە عیسای د رۆژا هاتنا وی دا چیە؟ ما نە هوینن؟

1 سالونیكی 3:11

بلا بابێ مە خودێ ب خۆ و خودانێ مە عیسا بەرێ رێكا مە بدەتە هەوە.

1 سالونیكی 3:2

و مە تیمۆتاوس هنارت، كو برا و هەڤكارێ مەیە بۆ خودێ د مزگینیا مەسیحی دا، داكو هەوە د باوەریا هەوە دا قاییم بكەت و هانبدەت،

1 سالونیكی 4:15

ئەم ڤێ چەندێ ب پەیڤا خودانی بۆ هەوە دبێژین: ئەم یێن زیندی كو تا هاتنا خودانی بمینین، ئێكجار د بەراهیا یێن نڤستی را ناكەین.

1 سالونیكی 4:17

پاشی، ئەم یێن زیندی یێن كو ماین، دێ ل گەل وان د عەوران دا هێینە رەڤاندن، دا ل گەل خودانی د بەرگەبای دا بگەهینە ئێك، هۆسا ئەم دێ هەردەم ل گەل خودانی بین.

1 سالونیكی 5:23

بلا خودایێ ئاشتیێ ب خۆ هەوە ب تەمامی پیرۆز بكەت و هەمی گیان و دەروون و لەشێ هەوە بپارێزیت، داكو ل دەمێ هاتنا خودانێ مە عیسایێ مەسیح د بێكێماسی بن.

2 سالونیكی 1:10

دەمێ ئەو دهێت دا ل وێ رۆژێ د ناڤ پیرۆزكریێن خۆ دا بهێتە مەزنكرن و ببیتە جهێ مەندەهۆشیا هەمی باوەرداران، هوین ژی دێ د ناڤ وان دا بن، چنكو هەوە باوەری ب شاهدەییا مە ئینا.

2 سالونیكی 1:7

بەرفرەهیێ ژی بدەتە هەوە، ئەوێن هوین د تەنگاڤیێ دا، هەروەسا بدەتە مە ژی، دەمێ خودان عیسا ل گەل فریشتەیێن خۆ یێن بهێز ژ ئەسمانی دیار دبیت

2 سالونیكی 2:1

ئەڤجا دەربارەی هاتنا خودانێ مە عیسایێ مەسیح و خڕڤەبوونا مە ل نك وی، ئەم هیڤی ژ هەوە دكەین، گەلی خویشك و برایان،

یەعقوب 5:8

هوین ژی بێهنا خۆ فرە‍‌ھ كەن و دلێ خۆ موكم كەن، چنكو هاتنا خودانی یا نێزیكە.

1 پەترۆس 5:10

خودایێ هەمی كەرەمێ ژی، ئەوێ هوین ب مەسیح عیسای گازی كرینە مەزناهیا خۆ یا هەتا هەتایی، پشتی كو هەوە بۆ دەمەكێ كورت ئازار كێشای، ئەو ب خۆ دێ هەوە كامل كەت و موكم كەت و بهێز ئێخیت و خۆج‍‌ھ كەت.

یەهودا 1:14

حەنۆخی ژی، كو پشتی ئادەمی بابكێ حەفتێ بوو، پەیاما خودێ دەربارەی ڤان كەسان راگەهاندیە و گۆتیە: «ئەڤە خودان د ناڤ هزارەهان پیرۆزكریێن خۆ دا یێ دهێت،

یەهودا 1:24

بۆ وی یێ شیان هەین هەوە ژ هەلنگفتنێ بپارێزیت و هەوە بێ كێماسی ل پێشیا مەزناهیا خۆ ب دلخۆشیەكا مەزن راوەستینیت،