12 بلا خودان وە بكەت كو حەزژێكرنا هەوە بۆ ئێكودوو و بۆ هەمیان وەرارێ بكەت و زێدە ببیت، هەروەكو حەزژێكرنا مە بۆ هەوە زێدە دبیت،
یا دوویێ ژی وەكو وێیە: ‹حەز ژ نێزیكێ خۆ بكە، وەك چەوا تۆ حەز ژ خۆ دكەی.›
ئەوا هەوە دڤێت مرۆڤ بۆ هەوە بكەن، هوین ژی وێ بۆ وان بكەن، چنكو ئەڤەیە رامانا دەستووری و پەیاما پێغەمبەران.
ئینا هنارتیان گۆتە خودانی: «باوەریا مە پتر لێ بكە.»
ژبلی كو هوین حەز ژ ئێكودوو بكەن، ب چ تشتی قەردارێن كەسێ نەبن، چنكو یێ حەز ژ مرۆڤێن دی بكەت، ئەوی دەستوور ب جھ ئینا.
ئەوێ تۆڤی بۆ تۆڤچینی و نانی بۆ خوارنێ پەیدا دكەت، دێ تۆڤی بۆ هەوە پەیدا كەت و چەند جاركی زێدە كەت و دێ وەرارێ ئێخیتە بەرهەمێ راستداریا هەوە.
لێ بەرهەمێ گیانێ پیرۆز ئەڤەیە: حەزژێكرن، دلخۆشی، ئاشتی، بێهنفرەهی، جوامێری، چاكی، دلسۆزی،
چنكو د ئێكبوونا ل گەل مەسیح عیسای دا، سونەتبوون و سونەتنەبوون هەردوو د بێ مفانە، لێ ب تنێ ئەو باوەریا ب حەزژێكرنێ كار دكەت، یا ب مفایە.
داخوازا من ژی ژ خودێ ئەوە كو حەزژێكرنا هەوە پتر و هێشتا پتر ل گەل زانین و هەمی تێگەهشتنێ زێدە ببیت،
ئەم هۆسا شەیدایێن هەوە بووین كو مە حەز دكر نە ب تنێ مزگینیا خودێ بدەینە هەوە، لێ ژیانا خۆ ژی، چنكو هوین بوونە خۆشتڤیێن مە.
ل دویماهیێ گەلی خویشك و برایان، وەكو هوین ژ مە فێر بووین كا دڤێت هوین چەوا بژین، دا هوین خودێ رازی بكەن و ب راستی ژی هوین وە دكەن، ئەم ب ناڤێ خودان عیسای داخوازێ ژ هەوە دكەین و هیڤی دكەین كو هوین هێشتا پێشڤە بچن،
هشیار بن كەس ژ ئەنجامێ خرابیێ، خرابیێ ل كەسێ نەكەت، لێ هەرگاڤ ل گەل ئێكودوو و ل گەل هەمیان ل دویڤ باشیێ هەڕن.
پێدڤیە ئەم هەرگاڤ ژ پێخەمەت هەوە، گەلی خویشك و برایان، سوپاسیا خودێ بكەین. سوپاسیكرن ژی د جهێ خۆ دایە، چنكو باوەریا هەوە گەلەك وەرارێ دكەت و حەزژێكرنا هەر ئێك ژ هەوە بۆ ئێكودوو زێدە دبیت.
هەر دانەكا باش و هەر دیاریەكا بێكێماسی ژ سڵالە، ژ نك بابێ رۆناهیان خوار دكەڤیت، ئەوێ ناهێتە گوهۆڕین، خۆ بچویكترین سیبەرا گوهۆڕینێ ژی نینە.
و ل سەر خودێترسیێ ڤیانەكا برایینی و ل سەر ڤیانا برایینیێ ژی حەزژێكرنێ،
لێ د كەرەم و نیاسینا خودان و قورتالكەرێ مە عیسایێ مەسیح دا وەرارێ بكەن. مەزناهی بۆ وی بیت، نوكە و هەتا هەتایێ. ئامین.