1 سالونیكی 3:11 - ئنجیلا پیرۆز

¹¹ بلا بابێ مە خودێ ب خۆ و خودانێ مە عیسا بەرێ رێكا مە بدەتە هەوە.

1 سالونیكی 3:11 ပူးပေါင်းရင်းမြစ်များ

مزگینیا مەتتای 6:14

ئەگەر هوین ل گونەهێن خەلكی یێن د دەرهەقا هەوە دا دهێنە كرن ببورن، بابێ هەوە یێ ئەسمانی ژی دێ ل گونەهێن هەوە بوریت،

مزگینیا مەتتای 6:18

دا نە بۆ خەلكی، لێ بۆ بابێ تە یێ نەهێتە دیتن، دیار ببیت كو تۆ یێ ب رۆژی. ئەڤجا بابێ تە، ئەوێ نەپەنیان دبینیت، دێ پاداشتێ تە دەتە تە.

مزگینیا مەتتای 6:26

بەرێ خۆ بدەنە باڵندەیێن ئەسمانی: ئەو نە دچینن و نە ددروین و نە ژی د عومباران دا كۆم دكەن و بابێ هەوە یێ ئەسمانی خوارنێ ددەتێ. ئەرێ ما هوین گەلەك ژ وان ب بهاتر نینن؟

مزگینیا مەتتای 6:32

مللەتێن پووتپەرێس بزاڤێ بۆ ڤان هەمیان دكەن. بابێ هەوە یێ ئەسمانی دزانیت كو هەوە پێدڤی یا ب ڤان هەمیان هەی.

مزگینیا مەتتای 6:4

داكو خێرا تە یا نەپەنی بیت و بابێ تە، ئەوێ نەپەنیان دبینیت، دێ پاداشتێ تە دەتە تە.

مزگینیا مەتتای 6:6

لێ دەمێ تۆ نڤێژێ دكەی، هەڕە د ژۆرا خۆ ڤە و دەرگەهی بگرە و بۆ بابێ خۆ، ئەوێ نەبەرچاڤ، نڤێژان بكە و بابێ تە، ئەوێ نەپەنیان دبینیت، دێ پاداشتێ تە دەتە تە.

مزگینیا مەرقۆسی 1:3

«دەنگەك ل چۆلی گازی دكەت: ‹رێكێ بۆ خودانی ئامادە بكەن، پەیادەڕێیان بۆ هاتنا وی راست بكەن›»،

مزگینیا لوقای 12:30

چنكو مللەتێن جیهانێ بزاڤێ بۆ ڤان هەمیان دكەن و بابێ هەوە دزانیت كو هەوە پێدڤیا ب ڤان هەی.

مزگینیا لوقای 12:32

نەترسە، كەرێ پەزی یێ بچویك، چنكو بابێ هەوە پێخۆش بوو كو پاشایەتیێ بدەتە هەوە.

مزگینیا یوحەننای 20:17

عیسای گۆتێ: «من نەگرە، چنكو هێشتا ئەز بلند نەبوویمە نك بابی. لێ هەڕە نك برایێن من و بێژە وان كو ئەز دێ بلند بمە نك بابێ خۆ و بابێ هەوە، نك خودایێ خۆ و خودایێ هەوە.»

رۆما 1:3

ئەڤ مزگینیە دەربارەی كوڕێ ویە، ئەوێ ل دویڤ لەشی ژ دویندەها داوودی هاتی

2 كورنتۆس 6:18

ئەز دێ بمە بابێ هەوە و هوین دێ بنە كوڕ و كچێن من. خودان، هێزدارێ هەر تشتی ڤێ دبێژیت.»

گالاتیا 1:4

ئەوێ خۆ گۆری گونەهێن مە كری، دا مە ل دویڤ حەزا خودێ و بابێ مە ژ جیهانا نوكە یا خراب قورتال بكەت.

كۆلۆسی 1:2

بۆ خویشك و برایێن پیرۆز و دلسۆز د ئێكبوونا ل گەل مەسیحی دا، ئەوێن ل كۆلۆسی: كەرەم و ئاشتی ژ بابێ مە خودێ ل سەر هەوە بن.

1 سالونیكی 3:13

دا دلێ هەوە بێی كێماسی د پیرۆزیێ دا قاییم بكەت ل پێشیا بابێ مە خودێ، دەمێ خودانێ مە عیسا ل گەل هەمی پیرۆزكریێن خۆ دهێت.

1 سالونیكی 4:16

چنكو خودان ب خۆ ب گازیەكا ب فەرمان، ب دەنگێ سەرۆكێ فریشتەیان و بۆڕیزانا خودێ، دێ ژ ئەسمانی هێتە خوار، ل بەراهیێ دێ یێن ل سەر باوەریێ ب مەسیحی مرین، رابنەڤە.

1 سالونیكی 5:23

بلا خودایێ ئاشتیێ ب خۆ هەوە ب تەمامی پیرۆز بكەت و هەمی گیان و دەروون و لەشێ هەوە بپارێزیت، داكو ل دەمێ هاتنا خودانێ مە عیسایێ مەسیح د بێكێماسی بن.

2 سالونیكی 2:16

بلا خودانێ مە عیسایێ مەسیح ب خۆ و بابێ مە خودێ، ئەوێ حەز ژ مە كری و هاندانا هەروهەر و هیڤیا باش ب كەرەمێ داینە مە،

2 سالونیكی 3:16

ئەڤجا بلا خودانێ ئاشتیێ ب خۆ، هەرگاڤ و ب هەمی شێوەیان، ئاشتیێ بدەتە هەوە. خودان ل گەل هەوە هەمیان بیت.

2 سالونیكی 3:5

ئەڤجا بلا خودان بەرێ دلێ هەوە بدەتە حەزژێكرنا خودێ و خۆڕاگریا مەسیحی.

1 یوحەننا 3:1

بەرێ خۆ بدەنێ، چ حەزژێكرنە بابی دایە مە، داكو ب زاڕۆكێن خودێ بهێینە بناڤكرن! ب راستی ژی ئەم ئەوین. ژ بەر هندێ جیهان مە نانیاسیت، چنكو ئەو نەنیاسی.

ئاشكراكرن 21:3

من ژ تەختی دەنگەكێ بلند بهیست، دگۆت: «ئها ئەڤەیە، خیڤەتا خودێ د ناڤ مرۆڤان دا! ئەو دێ ل گەل وان ئاكنجی بیت و ئەو دێ بنە گەلێ وی و خودێ ب خۆ دێ ل گەل وان بیت و بیتە خودایێ وان.