1 سالونیكی 2:6 - ئنجیلا پیرۆز

⁶ نە ژی مە بزاڤ كریە كو ژ لایێ مرۆڤان ڤە بهێینە مەزنكرن، نە ژ لایێ هەوە ڤە و نە ژ لایێ كەسێن دی ڤە،

1 سالونیكی 2:6 ပူးပေါင်းရင်းမြစ်များ

مزگینیا یوحەننای 12:43

چنكو وان حەز ژ وێ مەزناهیێ كر یا ژ نك مرۆڤان دهێت، پتر ژ وێ مەزناهیێ یا ژ نك خودێ دهێت.

مزگینیا یوحەننای 5:41

من هەوجەیی ب وێ مەزناهیێ نینە یا ژ مرۆڤان دهێت،

مزگینیا یوحەننای 5:44

هوین دێ چەوا شێن باوەریێ ئینن، مادەم هوین مەزناهیێ ژ ئێكودوو وەردگرن و بزاڤێ بۆ وێ مەزناهیێ ناكەن، یا ژ خودایێ ئێكانە دهێت؟

مزگینیا یوحەننای 7:18

ئەوێ ژ نك خۆ بئاخڤیت، بۆ خۆ ل مەزناهیێ دگەڕیێت، لێ ئەوێ بۆ وی ل مەزناهیێ بگەڕیێت یێ ئەو هنارتی، ئەو یێ راستە و چ خرابی ل نك وی نینە.

1 كورنتۆس 11:9

هەروەسا زەڵام بۆ ژنێ نەهاتە ئافراندن، لێ ژن بۆ زەڵامی هاتە ئافراندن.

2 كورنتۆس 13:10

لەوما ئەز ڤان تشتان دنڤیسم و ئەز نە ل نك هەوە، داكو دەمێ ل نك هەوە ئامادە ببم، رەفتارەكا دژوار ل گەل هەوە نەكەم، ل دویڤ وێ دەستهەلاتا خودانی بۆ ئاڤاكرنێ دایە من، نە بۆ هەڕفاندنێ.

2 كورنتۆس 4:5

ئەم خۆ نادەینە نیاسین، لێ ئەم عیسایێ مەسیح ددەینە نیاسین كو ئەو خودانە و ئەم ژ پێخەمەت عیسای بەنیێن هەوەینە.

گالاتیا 1:10

ما هوین هزر دكەن ئەز نوكە ل رازیبوونا مرۆڤان دگەڕیێم، یان یا خودێ؟ ما ئەز بزاڤێ دكەم دا دلێ مرۆڤان خۆش بكەم؟ نەخێر! ئەگەر من هەر ڤیابا دلێ مرۆڤان خۆش كەم، ئەز بەنیێ مەسیحی نەدبووم.

گالاتیا 5:26

بلا ئەم د دفنبلند نەبین، ئێكودوو نەئازرینین و ل گەل ئێكودوو د زكڕەش نەبین.

گالاتیا 6:13

خۆ ئەوێن هاتینە سونەتكرن ژی، دەستووری ب ج‍‌ھ نائینن، لێ ئەو حەز دكەن هوین بهێنە سونەتكرن، دا ئەو شانازیێ ب لەشێ هەوە ببەن.

1 سالونیكی 2:9

رەنج و وەستیانا مە یا ل بیرا هەوە، گەلی خویشك و برایان، دەمێ مە مزگینیا خودێ بۆ هەوە رادگەهاند، مە ب شەڤ و رۆژ كار دكر دا بۆ كەسێ ژ هەوە نەبینە بارگرانی.

1 تیمۆتاوس 5:17

ئەو ریهسپیێن ب باشی رێڤەبەریێ دكەن، بلا بهێنە دیتن كو ژ هەژی رێزگرتنەكا دووجاركینە، ب تایبەت ئەوێن د پەیڤێ و فێركرنێ دا وەستیانێ دكێشن.