1 سالونیكی 2:5 - ئنجیلا پیرۆز

⁵ خودێ شاهدە كو مە چ جاران د گۆتنێن خۆ دا سالویسی نەكریە، هەروەكو هوین دزانن، نە ژی ب دویڤ چاڤبرساتیەكا نخافتی كەفتینە،

1 سالونیكی 2:5 ပူးပေါင်းရင်းမြစ်များ

مزگینیا مەتتای 22:16

ئینا هندەك شاگردێن خۆ ل گەل لایەنگرێن هێرودێسی هنارتنە نك وی و گۆتنێ: «مامۆستا، ئەم دزانین تۆ یێ راستگۆی و رێكا خودێ راست نیشا خەلكی ددەی، تۆ هەمیان وەكو ئێك دبینی و تۆ بەرێ خۆ نادەیە ئاستێن مرۆڤان.

مزگینیا مەتتای 23:13

نەخوزیكێن هەوە گەلی مامۆستایێن دەستووری و فەریسیان، هەی دووڕوینۆ! چنكو هوین دەرگەهێ پاشایەتیا ئەسمانان ل بەر مرۆڤان دگرن، نە هوین ب ژۆر دكەڤن و نەدهێلن ژی ئەوێن حەز بكەن، ب ژۆر بكەڤن.

كارێن هنارتیان 20:33

من دلێ خۆ نەبریە زیڤ، یان زێڕ، یان جلكێ كەسەكی.

رۆما 1:9

ئەو خودایێ ئەز د مزگینیا كوڕێ وی دا، ب هەمی گیانێ خۆ خزمەتا وی دكەم، شاهدێ منە، كو ئەز د نڤێژێن خۆ دا بێ راوەستیان هەوە دئینمە بیرا خۆ و هەرگاڤ هیڤیان دكەم، ب ئانەهیا خودێ، ئێدی دەلیڤەیەك بۆ من رێك بكەڤیت، ئەز بهێمە نك هەوە.

رۆما 16:18

چنكو كەسێن هۆسا، خزمەتێ بۆ خودانێ مە مەسیحی ناكەن، لێ بۆ زكێ خۆ دكەن. ب خۆشخۆشك و سالویسیێ دلێ كەسێن سادە دخاپینن.

رۆما 9:1

مەسیح شاهدە كو ئەز راستیێ دبێژم و درەوان ناكەم و وژدانا من ژی ب رێیا گیانێ پیرۆز شاهدەییێ بۆ ڤێ چەندێ ددەت كو

2 كورنتۆس 12:17

ئایا ب رێكا ئەوێن من هنارتینە نك هەوە، من مالێ هەوە خواریە؟

2 كورنتۆس 2:17

ئەم وەكو گەلەك كەسان نینین بازرگانیێ ب پەیڤا خودێ بكەین، لێ ئەم وەكو مرۆڤێن ژ لایێ خودێ ڤە هاتینە هنارتن، ل بەرامبەری خودێ ل دویڤ حەزا مەسیحی ب نیازپاكی دئاخڤین.

2 كورنتۆس 4:2

مە كریارێن ڤەشارتی یێن ب شەرم ژی رەت كرن، ئەم فێلبازیێ ناكەین و دەستكاریێ د پەیڤا خودێ دا ناكەین. لێ ئەم راستیێ دیار دكەین و ب ڤی ئاوایی ل پێشیا خودێ بۆ وژدانا هەر مرۆڤەكی خۆ پەسەند دكەین.

2 كورنتۆس 7:2

جهێ مە د دلێ خۆ دا بكەن. مە زێدەگاڤی ل سەر مافێ كەسێ نەكریە. مە زیان ل كەسێ نەكریە. مە كەیسێ خۆ ل كەسێ نەكریە.

گالاتیا 1:20

ئەوا ئەز بۆ هەوە ل ڤێرێ دنڤیسم، ئەڤە ل بەرامبەری خودێ، ئەز درەوان تێدا ناكەم.

1 سالونیكی 2:10

هوین شاهدن و خودێ ژی شاهدە، كا سەرەدەریا مە ل گەل هەوەیێن باوەردار چەند یا پاك و راست و بێ گازندە بوو.

1 تیمۆتاوس 3:3

مەی ڤەخۆر نەبیت و توند نەبیت، لێ یێ دلنەرم بیت، شەڕفرۆش نەبیت و حەزژێكەرێ پارەی نەبیت.

1 تیمۆتاوس 3:8

هەروەسا پێدڤیە خزمەتكار ژی رێزدار بن، خودان ئێك ئاخفتن بن، گەلەك مەیێ ڤەنەخۆن، چاڤێ وان ل مفایێ حەرام نەبیت،

تیتۆس 1:7

چنكو دڤێت چاڤدێر: جهێ گازندەیێ نەبیت، وەكو بریكارێ خودێ. خۆسەپاندن ل نك نەبیت، زوی تۆڕە نەبیت، مەی ڤەخۆر نەبیت، توند نەبیت، چاڤبرسیێ قازانجی نەبیت،

1 پەترۆس 5:2

شڤانیا پەزێ خودێ یێ د ناڤ هەوە دا بكەن، نە ژ نەچاری، لێ ژ دل، وەسا چاڤدێریێ بكەن، هەروەكو خودێ دڤێت، نە ژ بەر دەستكەفتەكێ حەرام، لێ ب دلگەرمی.

2 پەترۆس 2:18

چنكو گۆتنێن مەزن و ڤاڵا دبێژن، هۆسا ب ئارەزوویێن لەشی یێن بێدەلنگیێ وان كەسان د سەر دا دبەن یێن ژ نوی رزگار بووین ژ ناڤ وان كەسێن د شاشیێ دا دژین.

2 پەترۆس 2:3

ئەو دێ ژ بەر چاڤبرساتیا خۆ ب گۆتنا چیڕۆكێن چێكری بازرگانیێ ب هەوە كەن. ئەو حوكمێ ژ كەڤن وەرە ل سەر هاتیە دان، ژ كار نەكەفتیە و ژناڤبرنا وان نە یا نڤستیە.

یەهودا 1:11

نەخوزیكێن وان! چنكو ئەوان رێكا قایینی گرتیە و وەكو بەلعامی ژ پێخەمەت قازانجی د سەر دا چوون و یاخیبوونا وان وەكو یاخیبوونا قۆرەحیە و ئەو دێ وەكو وی ژ ناڤ چن.